مەملەكەت باسشىسى ق.توقاەۆتىڭ ەلوردا اتاۋىنا قاتىستى ايتقان العاشقى ۇسىنىسى الىستى بولجاي الاتىن كورەگەن ساياساتكەر ەكەنىن كورسەتتى. وتانىمىزدىڭ ورتالىعى استانانىڭ نۇر-سۇلتان اتالۋى قوعام تاراپىنان قانشا جىلدان بەرى ايتىلىپ جۇرگەن ساليقالى ۇسىنىستىڭ ەسكەرىلىپ, ۋاقتىلى ىسكە اسۋى دەپ ۇعامىن.
ەلوردانىڭ نۇر-سۇلتان اتالۋى ءبىز سەنىم بىلدىرگەن, ەل الدىندا جۇرگەن ازاماتتاردىڭ دەربەس تاڭداۋى. نۇر-سۇلتان – جاسامپازدىق پەن ۇيلەسىمدىلىكتىڭ ۇلگىسى, ەڭ باستىسى – ەلىم دەگەن ەلباسى ەڭبەگىنىڭ جەمىسى ءھام جەڭىسى.
بۇگىندە الەمدىك تالاپتارعا ساي كەلەتىن ساۋلەتتىك كەلبەتى كەلىستى شاھاردا حالىقارالىق دەڭگەيدەگى اۋقىمدى شارالار تۇراقتى ۇيىمداستىرىلىپ, ماڭىزدى شەشىمدەر قابىلدانۋدا. بۇل ءوز كەزەگىندە قازاقستاننىڭ ابىرويىن اسقاقتاتىپ, بەدەلىن بەكەمدەۋگە سەپتىگىن تيگىزۋدە.
تاۋەلسىز قازاقستاننىڭ قابىرعاسى تولىق قاتپاعان كەزدە ن.ءا.نازارباەۆتىڭ تاريحي شەشىم قابىلداپ, باس قالانىڭ باس ارحيتەكتورى بولعاندىعى ءوز الدىنا جەكە داستان. بۇگىندە, ەلوردا – حالقىمىزدىڭ ماقتانىشى, بولاشاققا جەتەلەپ, جاڭا بولمىستى قالىپتاستىرىپ وتىرعان تاريحي جوباسى.
اقساقال رەتىندە پرەزيدەنتىمىزدىڭ ۇسىنىسىن قولداۋ – قالانى سالۋعا قانشا جىلدار بويى قاجىر-قايراتىن جۇمساعان ەلباسىنا قازاقستان حالقى تاراپىنان كورسەتىلگەن جان جادىراتار جىل قايتارىمى دەپ بىلەمىن.
روزاقۇل حالمۇرادوۆ,
ءىV, V شاقىرىلىمدارداعى پارلامەنت ءماجىلىسىنىڭ دەپۋتاتى