جامبىل وبلىستىق ءماسليحاتىنىڭ كەزەكتەن تىس ءحححىىى سەسسياسى ءوتىپ, قابىلدانعان شەشىم بويىنشا تاراز قالاسىنىڭ ورتالىعىنداعى تولە بي داڭعىلى ەندى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ ەسىمىمەن اتالاتىن بولدى.
سەسسيانى جامبىل وبلىستىق ءماسليحاتىنىڭ حاتشىسى باعلان قاراشولاقوۆ جۇرگىزىپ وتىردى. اتالعان ۇسىنىس تاراز قالاسى اكىمدىگى مەن ءماسليحاتىنىڭ بىرلەسكەن شەشىمى نەگىزىندە جولدانعان. وسىعان وراي, جامبىل وبلىسىنىڭ اكىمدىگى مەن ءماسليحاتىنىڭ بىرلەسكەن شەشىمى وبلىستىق قوعامدىق كەڭەسپەن كەلىسىلگەن.
ەگەمەن ەلىمىزدىڭ تاريحىندا نۇرسۇلتان نازارباەۆتىڭ ەڭبەگى ولشەۋسىز. ەلباسىعا دەگەن ەلدىڭ قۇرمەتى, حالىقتىڭ قوشەمەتى ەشقاشان تولاستاعان ەمەس. ەندى بۇدان بىلاي تارازقالاسىندا التى شاقىرىمدى قۇرايتىن نۇرسۇلتان نازارباەۆ كوشەسى پايدا بولدى. جاڭا داڭعىلدىڭ بويىندا قر تۇڭعىش پرەزيدەنتى ساياباعى, «ماڭگىلىك ەل» مونۋمەنتى, قايرات رىسقۇلبەكوۆ اتىنداعى ساياباق, «دوستىق» الاڭى, ورتالىق مەشىت سياقتى بىرنەشە نىساندار ورنالاسقان. ال, كونە شاھارداعى تاشكەنت كوشەسى تولە بي اتىمەن قايتا اتالادى.
حاميت ەسامان,
«Egemen Qazagstan»
جامبىل وبلىسى