مانەرلەپ سىرعاناۋدان جاپونيانىڭ سايتاما قالاسىندا ءوتىپ جاتقان الەم چەمپيوناتىنىڭ قىسقا باعدارلاماسىن قازاقستاندىق ەليزابەت تۇرسىنباەۆا ءۇشىنشى ورىنمەن قورىتىندىلادى.
كۇن شىعىس ەلىندە كەرەمەت ونەر كورسەتكەن قازاق قىزى 75,96 ۇپاي جيىپ, ۇزدىك ۇشتىكتىڭ قاتارىنان كورىندى. بۇل باسەكەدە وليمپيادا جانە ەۋروپا چەمپيونى, رەسەيلىك الينا زاگيتوۆانىڭ باعى جاندى. 82,08 ۇپايعا يەلىك ەتكەن ول قىسقا باعدارلامانىڭ قورىتىندىسى بويىنشا كوش باستادى. ەكىنشى ورىندا – بىلتىرعى جىلعى ءتورت قۇرلىق جارىسىنىڭ جەڭىمپازى كاوري ساكاموتو. جاپون قىزىنىڭ ولجالاعان ۇپايى –76,86.
قىسقا باعدارلاما بويىنشا مىنا مانەرلەپ سىرعاناۋشىلار ۇزدىك وندىقتىڭ قاتارىنان كورىندى:
1. الينا زاگيتوۆا (رەسەي) – 82,08. 2. كاوري ساكاموتو (جاپونيا) – 76,86. 3. ەليزابەت تۇرسىنباەۆا (قازاقستان) – 75,96. 4. ەۆگەنيا مەدۆەدەۆا (رەسەي) – 74,23. 5. ىن سۋ ليم (وڭتۇستىك كورەيا) – 72,91. 6. مەرايا بەلل (اقش) –71,26. 7. ريكا كيحيرا (جاپونيا) – 70,90. 8. ساتوكو مياحارا (جاپونيا) – 70,60. 9. سوفيا سامودۋروۆا (رەسەي) – 70,42. 10. برەدي تەننەلل (اقش) — 69,50.
ەرتەڭ ەركىن باعدارلاما بويىنشا باسەكەلەر ءوتىپ, سونىڭ ناتيجەسى بويىنشا جارىستىڭ جەڭىمپازى مەن جۇلدەگەرلەرى انىقتالادى. ءبىز وسى جارىستا ەليزابەت تۇرسىنباەۆاعا ساتتىلىك تىلەيمىز. العا, قازاقتىڭ ارۋى!
عالىم سۇلەيمەن
«Egemen Qazaqstan»