شىعىس قازاقستان وبلىسىنىڭ 10 000-نان استام تۇرعىنى ەلباسىنا قولداۋ ءبىلدىرىپ, حات جولدادى.
اسا مارتەبەلى نۇرسۇلتان ءابىش ۇلى!
ءبىز, شىعىسقازاقستاندىقتار, ءسىزدىڭ كەشەگى حالىققا ارنالعان تاريحي ۇندەۋىڭىزدى زور تولقىنىسپەن تىڭدادىق.
تاۋەلسىز قازاقستاننىڭ بۇكىل تاريحى وزىڭىزبەن بايلانىستى.
ءسىز بۇگىنگى, جاڭا قازاقستاننىڭ نەگىزىن قالاعان ۇلى تۇلعاسىز.
مەملەكەت, ەگەمەندىك, دامۋ مەن تاريح ءسىزدىڭ ەسىمىڭىزبەن ۇندەس.ء بىز ءۇشىن ءسىز جاي عانا مەملەكەت باسقارۋشى ەمەسسىز, ءسىز – تۇڭعىش پرەزيدەنتسىز, قازاقستاننىڭ حالىقارالىق ارەناداعى ابىرويىن اسىرىپ, اتىن تورتكۇل دۇنيەگە تانىتقان ۇلى ساياساتكەر, سارابدال ستراتەگ, ەلىن ءسۇيىپ, ەلى سۇيگەن كەمەڭگەر ازاماتسىز!
ءسىز كەشەگى كۇيرەگەن كەڭەستىك جۇيەنىڭ سوقپاقتارىنان سۇرىنبەي ءوتىپ, ءبىر عانا دۇرىس جول – دامۋدىڭ قازاقستاندىق جولىن تاڭداپ, زاماناۋي مەملەكەت قۇرعان قايراتكەرسىز.
ءسىز, تۋعان ەلى مەن حالقىنا جان اياماي, ءادىل دە ادال قىزمەت ەتۋدىڭ ەڭ جوعارى ۇلگىسىن كورسەتىپ, مەملەكەتىمىزدى الەم نازارىنا زور ماقتانىشپەن تانىتا الۋىمىزعا جول اشقان ۇلى كوشباسشىسىز!
ءسىز قازاقستانىمىزدىڭ تابىستى بولىپ, تاريحي ميسسياسى مەن عالامدىق ورنىن, باقىتتى تاعدىرىن قالىپتاستىرۋ ءۇشىن بۇكىل عۇمىرىڭىزدى سارپ ەتكەن سارابدال ساياساتكەرسىز!
قازاقستاننىڭ ازاتتىق الىپ, وزاتتار قاتارىنا ۇمتىلۋى, بابالارىمىزدىڭ ۇلى ارمانى – وزىڭىزدەي ۇلى پەرزەنتتىڭ ارقاسىندا ورىندالدى.
سەمەي يادرولىق سىناق الاڭىن جابۋ جونىندەگى ءسىزدىڭ تاعدىرشەشتى, جاھاندىق باستاماڭىز شىعىس قازاقستان جەرىمەن تىكەلەي بايلانىستى. سول ارقىلى ءسىز ازاتتىق تاڭى اتقان تۇستا حالقىمىزدىڭ جاسامپازدىق, گۋمانيزم, جاقسىلىق سياقتى قۇندىلىقتاردى بەرىك ۇستاناتىنىن دۇنيە جۇزىنە پاش ەتتىڭىز.
وڭىرىمىزدە 105 ۇلتتىڭ وكىلى تاتۋ تىرلىكتە ەگەمەن ەلدىڭ ەرتەڭىن ەسەلەۋمەن كەلەدى. قىمباتتى نۇرسۇلتان ءابىش ۇلى, ءسىز, ۇلتارالىق كەلىسىم وزەگى بولدىڭىز. ءوزىڭىزدىڭ ارقاڭىزدا عانا ءبىز, ءتۇرلى ۇلتتار اراسىنداعى اۋىزبىرشىلىك, دوستىق, كەلىسىم مەن قولداۋدىڭ انىق باعاسىنا كوزىمىزدى جەتكىزدىك.
بۇگىندە دۇنيەنى ءدۇر سىلكىندىرىپ, مەملەكەتتەردىڭ بەرەكەسىن قاشىرعان جايتتاردى كورە وتىرىپ, ءوزىڭىز قۇرعان قازاقستاننىڭ بىرەگەيلىگىن جەتە تۇسىنەمىز.
ءوزىڭىزدىڭ ارقاڭىزدا, ءبىز, ەكونوميكاسى دامىعان, يندۋسترياسى مىقتى, اگرارلىق الەۋەتى جوعارى ەلدە باقىتتى عۇمىر كەشىپ كەلەمىز.
ەكى ونجىلدىق ىشىندە قازاقستان باسقا الەمدىك دەرجاۆالار جۇزدەگەن جىلدار جۇمساعان جاڭالىقتاردى باتىل ەنگىزىپ, ۇزدىكتەر قاتارىنا ۇمتىلدى. تاريحي تۇرعىدان قىسقا مەرزىمدە ءبىزدىڭ رەسپۋبليكامىز ەلۋ ۇزدىك جانە بەدەلدى مەملەكەتتەر قاتارىنان ويىپ تۇرىپ, ورىن الدى.
ءبىز, ءوزىڭىزدىڭ تۋعان حالقىڭىز, ۇل-قىزدارىڭىز ىسپەتتى ءسىزدى بۇكىل قازاقستاندىقتاردىڭ ۇلى اتاسى دەپ اسقان قۇرمەتپەن اتايمىز!
ءوز ۇندەۋىڭىزدە ءسىز حالقىڭىزدىڭ ارقاسىندا تاۋەلسىز قازاقستاننىڭ تۇڭعىش پرەزيدەنتى اتانعانىڭىزدى ايتىپ ەدىڭىز. ءوز كەزەگىندە ءبىز, قازاقستان حالقى وزىڭىزدەي ۇلت كوشباسشى بار باقىتتى ەل ەكەنىن ماقتانا جەتكىزەمىز.
ءبىز جاۋاپتى شەشىمىڭىزدى تەرەڭ ءتۇسىنىپ قابىلداي وتىرىپ, وكىنىش سەزىمىنىڭ دە بارىن جاسىرا المايمىز. دەگەنمەن, ءوزىڭىزدىڭ ساياساتتا قالىپ, اسقان جاۋاپكەرشىلىكتەن باس تارتپاي, ەلىنە ەگە بولاتىن ەلباسى, ۇلت كوشباسشىسى, قاۋىپسىزدىك كەڭەسىنىڭ توراعاسى, «Nur Otan» پارتياسىنا باعدار بەرىپ, مەملەكەتتىلىگىمىزدى نىعايتۋ جولىندا قىزمەت ەتەتىندىگىڭىزدى قۋانا قابىلدايمىز.
ءبىز قازاقستانىمىزدى وزىڭىزدەي شىنايى سۇيۋگە ۋادە بەرەمىز!
سىزگە الاتاۋداي العىسىمىزدى بىلدىرەمىز!
ءبىز ءۇشىن ەلباسى مەن كوشباسشى جالعىز, ول ءسىزسىز!
ءبىز وزىڭىزبەن بىرگەمىز!
ۇلكەن قۇرمەتپەن, شىعىس قازاقستان وبلىسىنىڭ تۇرعىندارى: مەتاللۋرگيا ءوندىرىسى, ءبىلىم, دەنساۋلىق ساقتاۋ, الەۋمەتتىك سالا قىزمەتكەرلەرى.
بارلىعى 10019 قول قويىلعان