19-20 ناۋرىز كۇندەرى سەۋلدە ساۋدا-ەكونوميكالىق جانە عىلىمي-تەحنيكالىق ىنتىماقتاستىق بويىنشا قازاقستان-كورەي ۇكىمەتارالىق كوميسسيانىڭ 8-ءشى وتىرىسى ءوتتى. قازاقستان دەلەگاتسياسىن قر يندۋستريا جانە ينفراقۇرىلىمدىق دامۋ ءمينيسترى رومان سكليار باستاپ باردى.
دەلەگاتسيا قۇرامىندا مۇددەلى مەملەكەتتىك ورتالىق ورگانداردىڭ, «قازگەولوگيا» اق, قازاقستان سىرتقى ساۋدا پالاتاسىنىڭ, «قازقسعزي» اق, «قازاقستان يندۋستريالىق دامۋ ينستيتۋتى» اق, «KazakhInvest» ۇك-نىڭ جانە بيزنەستىڭ وكىلدەرى بار.
يندۋستريا جانە ينفراقۇرىلىمدىق دامۋ ءمينيسترى ءوز سوزىندە كورەيا رەسپۋبليكاسى قازاقستاننىڭ وڭتۇستىك شىعىس ازياداعى ستراتەگيالىق سەرىكتەسى ەكەنىن اتاپ ءوتتى.
«ينۆەستيتسيالىق سالاداعى ىنتىماقتاستىق تۇراقتى ءوسىمدى كورسەتىپ وتىر. كورەيا رەسپۋبليكاسى قازاقستاننىڭ ءىرى ينۆەستورلارىنىڭ ءبىرى. سوڭعى 13 جىلدا كورەيادان قازاقستانعا كەلگەن تىكەلەي ينۆەستيتسيا اعىنى 5,5 ملرد. اقش دوللارىن قۇرادى. قازاقستاندا كورەيلىك كاپيتالدىق قاتىسۋىمەن 516-دان استام بىرلەسكەن كاسىپورىن جۇمىس ىستەيدى. 2018 جىلى ەكى ەل اراسىنداعى تاۋار اينالىم كولەمى بويىنشا رەكوردتىق كورسەتكىشكە قول جەتكىزىلدى. تاۋار اينالىم 2,2 ەسەگە ءوسىپ, 3,9 ملرد. اقش دوللارىن قۇرادى (2017 ج. – 1,7 ملرد. اقش دولل). 2018 جىلى قازاقستان كورەياعا ەكسپورت 2,9 ملرد. اقش دوللارىن قۇرادى. ول 2017 جىلدىڭ سايكەس كەزەڭىمەن سالىستىرعاندا 3,2 ەسە جوعارى (941,1 مىڭ اقش دولل.)», - دەدى ر.سكليار.
ەكى ەل اراسىندا جالپى سوماسى 4,6 ملرد. اقش دوللارى بولاتىن 41 قازاقستان-وڭتۇستىك كورەيا ينۆەستيتسيالىق جوباسى بار.
انىقتاما: 1,9 ميلليارد دوللارلىق 19 ءىرى جوبا جۇزەگە اسىرىلدى. (لوگيستيكا, ماشينا جاساۋ, تاماق ونەركاسىبى, ەلەكترونيكا, مۇناي-گاز ونەركاسىبى, تمك). جالپى سوماسى 2 ملرد. اقش دوللارىنا جۋىق (ينجەنەرلىك, اسپاپ جاساۋ, ەلەكترونيكا, تاۋ-كەن جانە مەتاللۋرگيا, ينفراقۇرىلىم) 6 بىرلەسكەن جوبانى جۇزەگە اسىرۋ جۇمىستارى جۇرگىزىلۋدە.
سونىمەن بىرگە مەديتسينا جانە فارماتسەۆتيكا, كولىك جانە لوگيستيكا, پريبور جاساۋ, حيميا ونەركاسىبى, گەولوگيا, مەتاللۋرگيا جانە اقپاراتتىق كوممۋنيكاتسيالىق تەحنولوگيا سالالارىن قامتيتىن جالپى قۇنى شامامەن 1 ملرد. اقش دوللارى بولاتىن 16 پەرسپەكتيۆالىق بىرلەسكەن جوبالاردا ءوزارا مۇددەلىلىك پەن ىنتىماقتاستىق بولاشاعى بايقالادى.
سونداي-اق مينيستر قازىرگى ۋاقىتتا كورەي بيزنەسى ءۇشىن بارىنشا قولايلى جاعدايلار جاسالعانىن اتاپ ءوتتى. بۇل ەلىمىزدىڭ تارتىمدى ينۆەستيتسيالىق كليماتى (ينۆەستيتسيالىق جوبالاردى ىسكە اسىرۋ ءۇشىن ارنايى پرەفەرەنتسيالار مەن جەڭىلدكتەر قاراستىرىلعان), كورەي ازاماتتارى ءۇشىن قازاقستاندا ۆيزاسىز رەجيم جانە تىكەلەي اۋە قاتىناسى ورناعان. بۇل شارالار ىسكەرلىك بايلانىستاردى نىعايتۋعا جانە ەكى ەل اراسىنداعى ساۋدا-ەكونوميكالىق جانە الەۋمەتتىك بايلانىستاردى دامىتۋعا ىقپال ەتەدى. بۇدان بولەك, قۇزىرەتتىلىك بەرۋ سالاسىندا DaewooBusGlobalCorporation, Hyundai, Kia, SsangYong, LG كومپانيالارىمەن ىنتىماقتاستىقتىڭ جارقىن دالەلى بار.
وڭتۇستىك كورەيا پرەزيدەنتى مۋننىڭ قازاقستانعا جاسايتىن ساپارى اياسىندا الماتىدا جاڭا اۆتوموبيل زاۋىتىنىڭ قۇرىلىسى باستالادى.
جەر قويناۋىن پايدالانۋ سالاسىندا ىنتىماقتاسۋدىڭ پەرسپەكتيۆاسى زور. مينيستر ۇكىمەتارالىق كوميسسيا قاتىسۋشىلارىنا اۆستراليالىق مودەلگە بالاما جەر قويناۋىن پايدالانۋ قۇقىعىن جەڭىلدەتۋدى ء«بىرىنشى كەلەدى, ءبىرىنشى الدى» ءپرينتسيپى بويىنشا ليتسەنزيالاۋ ءراسىمىن ەنگىزۋ ارقىلى قامتاماسىز ەتەتىن جەر قويناۋى تۋرالى جاڭا كودەكس جايىندا ايتىپ بەردى. ول قاتتى پايدالى قازبالارعا, گەولوگيالىق اقپاراتقا قولجەتىمدىلىكتى قامتاماسىز ەتۋ جانە ونى تسيفرلاندىرۋ, رەزەرۆتەردى باعالاۋدىڭ حالىقارالىق تارتىبىنە كوشۋ, كەنىشتەردى جابىلعان كەزدە ەلدىڭ ەكولوگيالىق قاۋىپسىزدىگىن قامتاماسىز ەتۋ ءۇشىن كەن ورىندارىن جويۋ تۋرالى ەرەجەنى نىعايتۋ, جەر قويناۋىن پايدالانۋدا قولدانىستاعى كەلىسىم-شارتتار تۇراقتىلىعىن قامتاماسىز ەتۋ سياقتى ماڭىزدى قادامداردى قامتيدى.
ء«بىز تابيعي قازبالاردى ءوندىرۋ مەن وڭدەۋ, مەتاللۋرگيا, مۇناي جانە گاز سياقتى ءداستۇرلى سالالاردا, سونداي-اق, مۇناي حيميا, گاز حيميا, اتوم ونەركاسىبى, جاڭارتىلعان ەنەرگيا كوزدەرى, اقپاراتتىق-كوممۋنيكاتسيالىق تەحنولوگيالار, ماشينا جاساۋ, قارجى, مەديتسينا, قۇرىلىس جانە باسقا دا جاڭا سالالار بويىنشا ءوزارا ءىس-قيمىلدىڭ زور پەرسپەكتيۆاسىن كورىپ وتىرمىز», - دەدى مينيستر.
ۇكىمەتارالىق وتىرىس اياسىندا تاراپتار ساۋدا جانە ينۆەستيتسيا سالاسىنداعى ەكىجاقتى ىنتىماقتاستىقتىڭ جول كارتاسىن جاڭارتۋعا كەلىستى. بۇل جول كارتاسىنا 2016 جىلدىڭ قاراشا ايىندا قر پرەزيدەنتى ن.نازارباەۆتىڭ كورەياعا مەملەكەتتىك ساپارى كەزىندە ساۋدا, ونەركاسىپ جانە ەنەرگەتيكا, ينۆەستيتسيا جانە دامۋ مينيسترلىكتەرى (قاز.ۋاقىتتا يندۋستريا جانە ينفراقۇرىلىمدىق دامۋ مينيسترلىگى) اراسىندا قول قويىلعان بولاتىن.
سونداي-اق قازاقستان تاراپى كەلەسى بەس جىل ىشىندە ىنتىماقتاستىقتىڭ بارلىق پەرسپەكتيۆالى باعىتتارىن قامتيتىن «سامال جەل» قازاقستان-وڭتۇستىك كورەيا جاڭا ەكونوميكالىق ىنتىماقتاستىقتىڭ كەڭەيتىلگەن باعدارلاما جوباسىن ۇسىندى.
انىقتاما: بۇل جوباعا ساۋدا, ەنەرگەتيكا, ينفراقۇرىلىم, لوگيستيكا, ونەركاسىپ, اۋىل شارۋاشىلىعى, يننوۆاتسيا جانە ت.ب. سالالار كىرەدى.
كەزدەسۋ بارىسىندا تاراپتار وسى قۇجاتتىڭ نەگىزگى ەرەجەلەرىن كەلىستى. باعدارلاماعا پرەزيدەنت مۋننىڭ قازاقستانعا ساپارى كەزىندە قول قويىلادى, دەپ كۇتىلۋدە.