بۇگىن پارلامەنتتىڭ بىرلەسكەن وتىرىسىندا قازاقستان رەسپۋبليكاسى كونستيتۋتسيالىق كەڭەسىنىڭ توراعاسى قايرات ءمامي پرەزيدەنت وكىلەتتىگىنىڭ بەرىلۋ ءتارتىبىن ءتۇسىندىردى.
«تاۋەلسىز قازاقستاننىڭ نەگىزىن قالاۋشى - قازاقستان رەسپۋبليكاسىنىڭ تۇڭعىش پرەزيدەنتى, ەلباسى نۇرسۇلتان نازارباەۆ ءوزىنىڭ كونستيتۋتسيالىق قۇقىعىن جانە دە تاريحي ميسسياسىن تولىقتاي ىسكە اسىرىپ, قازاقستان رەسپۋبليكاسىنىڭ پرەزيدەنتى وكىلەتتىگىن ءوز ەركىمەن توقتاتتى. مۇنداي جاعدايدا قازاقستان رەسپۋبليكاسى كونستيتۋتسياسىنىڭ 48-بابىنىڭ ءبىرىنشى تارماعىنا سايكەس قازاقستان رەسپۋبليكاسى پرەزيدەنتىنىڭ وكىلەتتىگى قالعان مەرزىمگە پارلامەنت سەناتىنىڭ توراعاسى قاسىم-جومارت كەمەل ۇلى توقاەۆقا كوشەدى. قازاقستان رەسپۋبليكاسى كونستيتۋتسياسىنىڭ 42-بابىنا سايكەس قازاقستان رەسپۋبليكاسىنىڭ پرەزيدەنتى قازاقستان حالقىنا انت بەرگەن ساتىنەن باستاپ قىزمەتىنە كىرىسەدى» دەدى كونستيتۋتسيالىق كەڭەس توراعاسى قايرات ءمامي.