سارسەنبى, 15 تامىز 2012 7:33
برەيۆيكتى بوساتۋدى تالاپ ەتتى
نورۆەگيالىق ساياساتكەرلەر مەن گازەت رەداكتورلارى «تامپليەر وردەنىباسشىسىنىڭ ورىنباسارى» قول قويعان تەرروريزم ۇشىن ايىپتالعاناندەرس برەيۆيكتى اقتاپ, بوساتۋ جونىندە قورقىتىپ تالاپ قويىلعان حاتالعان.
«ءبىزدىڭ كومەندانتەنى اقتاۋدى جانە ونىڭ ءىس-ارەكەتىن وسى سوعىستاعى قاجەتتىلىك ءپرينتسيپى دەپ مويىنداۋدى تالاپ ەتەمىز», دەلىنگەن حاتتا. سوڭىندا اۆتور ءوز جولداۋىن «ەسكەرتۋ» دەپ اتاپ, برەيۆيكتىڭ قولعا تۇسكەننەن كەيىن سوتتا العا تارتقان تالاپتارىنا وتە ۇقساس تالاپتار قويادى. اۆتور بۇل تالاپتار ورىندالماعان جاعدايدا ەلدەگى «قوعامنىڭ بەتكە ۇستار توبىن» قۇرتىپ جىبەرەتىنىن ايتىپ قورقىتادى.
سارسەنبى, 15 تامىز 2012 7:33
برەيۆيكتى بوساتۋدى تالاپ ەتتى
نورۆەگيالىق ساياساتكەرلەر مەن گازەت رەداكتورلارى «تامپليەر وردەنىباسشىسىنىڭ ورىنباسارى» قول قويعان تەرروريزم ۇشىن ايىپتالعاناندەرس برەيۆيكتى اقتاپ, بوساتۋ جونىندە قورقىتىپ تالاپ قويىلعان حاتالعان.
«ءبىزدىڭ كومەندانتەنى اقتاۋدى جانە ونىڭ ءىس-ارەكەتىن وسى سوعىستاعى قاجەتتىلىك ءپرينتسيپى دەپ مويىنداۋدى تالاپ ەتەمىز», دەلىنگەن حاتتا. سوڭىندا اۆتور ءوز جولداۋىن «ەسكەرتۋ» دەپ اتاپ, برەيۆيكتىڭ قولعا تۇسكەننەن كەيىن سوتتا العا تارتقان تالاپتارىنا وتە ۇقساس تالاپتار قويادى. اۆتور بۇل تالاپتار ورىندالماعان جاعدايدا ەلدەگى «قوعامنىڭ بەتكە ۇستار توبىن» قۇرتىپ جىبەرەتىنىن ايتىپ قورقىتادى.
كۇرد سودىرلارى بەلسەندى ارەكەتكە كوشۋدە
باتىستىڭ باشار اسادقا قارسى جاريالانباعان سوعىسىنا بەلسەندىاتسالىسۋ تۇركيانى ەڭ بىر تەرىس زارداپتارعا اپارىپ سوقتىرۋى مۇمكىن.
كۇردتەردىڭ سەپاراتيستىك اۋدانىنداعى اسكەردىڭ الەپپو اۋدانىنا قاراي شوعىرلانۋى كۇرد جۇمىسشى پارتياسى سودىرلارىنىڭ بەلسەندىلىگىن ارتتىرا تۇسكەن. تۇركيانىڭ 1984 جىلدان بەرى ءوزىنىڭ وڭتۇستىك-شىعىس شەكارالارىندا تاۋەلسىزدىك ءۇشىن كۇرەسكەن كۇردتەرمەن اياۋسىز ۇرىس جۇرگىزىپ كەلە جاتقانى بەلگىلى. ەندى مىنە, سوڭعى كۇندەردەگى وقيعالارعا بايلانىستى جاڭا سوعىس ءورتىنىڭ تۇتانۋ قاۋپى تۋىنداپ وتىر. «ءبىز تەررورلىق توپتاردىڭ سيريانىڭ سولتۇستىگىندە بەكىنۋىنە جانە تۇركياعا قاتەر توندىرۋىنە جول بەرمەيمىز», دەپ اتاپ كورسەتكەن تۇركيا پرەمەر-ءمينيسترى رەدجەپ تايپ ەردوعان.
پاكستان تالىپتەرگە قارسى وپەراتسيانى باستاماق
پاكستان ارمياسى تاياۋدا اۋعانستانمەن شەكاراداعى تايپالار اۋماعىندا جاسىرىنىپ جۇرگەن «تاليبان» قوزعالىسىنىڭ سودىرلارىنا قارسى وپەراتسيانى باستاماق.
بۇل تۋرالى پەنتاگون باسشىسى لەون پانەتتا مالىمدەگەن. ول پاكستاندىق جاياۋ اسكەرلەر باس قولباسشىسى گەنەرال اشفاك پەرۆەز كايانيدىڭ وسى وپەراتسيانى اۋعانستانداعى امەريكالىق كۇشتەردىڭ قولباسشىسى دجون اللەنمەن تالقىلاعانىن اتاپ كورسەتكەن. سونىمەن بىرگە تامىزدىڭ باسىندا اقش-تىڭ پاكستانعا قولداۋ كورسەتۋ ءۇشىن كواليتسيالىق قوردان 1,1 ميلليارد دوللار قارجى بولگەنى دە بەلگىلى بولىپ وتىر.
ءزىلزالا قۇرباندارىنىڭ سانى 300-گە جەتتى
يراندا ورىن العان الاپات ءزىلزالا سالدارىنان قازا تاپقاندار سانى 306 ادامعا جەتىپ وتىر.
ەلدىڭ دەنساۋلىق ساقتاۋ مينيسترلىگىنىڭ حابارلاۋىنشا, قۇربان بولعانداردىڭ ناقتى سانى تۋرالى ايتۋعا ءالى ەرتەرەك, ويتكەنى قۇتقارۋشىلار ىزدەستىرۋ جۇمىستارىن جۇرگىزۋدە. كوپتەگەن قازا بولعاندار ۇيىندىلەر استىندا قالعان كورىنەدى. مۇنىڭ سىرتىندا 3 مىڭنان استام ادامنىڭ ءتۇرلى دارەجەدەگى دەنە جاراقاتتارىن العانى دا بەلگىلى بولىپ وتىر. جەرگىلىكتى اۋرۋحانالار شۇعىل مەديتسينالىق كومەكتى قاجەت ەتەتىن ادامدارعا جاردەم كورسەتىپ ۇلگەرە الماۋدا. سول سياقتى ءدارى-دارمەك جەتىمسىزدىگى دە ايقىن سەزىلىپ وتىر.
ايەلدەر ءۇشىن قالا تۇرعىزباق
ساۋد ارابياسى وكىمەتى شاريعاتتىڭ قاتاڭ زاڭدارى مەن ايەل تۇرعىنداردىڭ كارەرا جاساۋعا دەگەن ۇمتىلىسى ءوزارا ۇيلەسىم تاباتىن يندۋستريالىق قالا تۇرعىزباق نيەتتە.
ەلدىڭ مۋنيتسيپاليتەت جانە اۋىل شارۋاشىلىعى ىستەرى جونىندەگى ءمينيسترى بۇل شەشىمگە قولداۋ ءبىلدىردى جانە شەنەۋنىكتەر بولاشاق قالانىڭ ديزاينىن ازىرلەۋدە. 2013 جىلى قۇرىلىس كومپانيالارى اراسىندا تەندەر وتپەكشى. جاڭادان تۇرعىزىلاتىن قالادا ايەلدەر يەلىك ەتەتىن ءوندىرىس ورىندارى مەن نازىك جاندىلار ءۇشىن ونىمدەر شىعاراتىن فابريكالار ورنالاستىرىلاتىن بولادى.
باس حاتشى سيرياداعى ميسسيا مىندەتىن وزگەرتپەك
بۇۇ باس حاتشىسى پان گي مۋن بۇۇ قاۋىپسىزدىك كەڭەسىنە سيرياداعى حالىقارالىق باقىلاۋشىلار ميسسياسىن گۋمانيتارلىق قىزمەتكەرلەر جانە كەلىسسوز جۇرگىزۋشىلەر ميسسياسىنا الماستىرۋدى ۇسىندى.
بۇۇ سيريا حالقىنا وسىناۋ ورىن العان داعدارىسقا نۇكتە قويۋ ءۇشىن قاجەتتى كومەك كورسەتۋدى توقتاتا المايدى, سوندىقتان قالىپتاسقان احۋالعا قاراي بەيىمدەلۋ قاجەت, دەپ اتاپ كورسەتىلگەن باياندامادا. بۇعان دەيىن بۇۇ-داعى اقش وكىلى سيۋزان رايس سيريادا قازىرگى كەزدە بۇۇ ميسسياسىنىڭ مانداتىن ودان ءارى سوزۋعا كەلەتىندەي جاعداي جوق دەپ مالىمدەگەن بولاتىن. ايتا كەتۋ كەرەك, ميسسيا مانداتىنىڭ مەرزىمى 19 تامىزدا اياقتالۋى ءتيىس.
ريم پاپاسىنىڭ كامەردينەرى سوتقا تارتىلدى
اقپاراتتىڭ تاراپ كەتۋىنە كۇدىكتى دەپ تانىلعان ريم پاپاسىنىڭ كامەردينەرى پاولو گابريەلە اۋىر جاعدايلاردا ۇرلىق جاسادى دەگەن ايىپپەن سوت الدىندا جاۋاپ بەرمەك.
گابريەلەمەن بىرگە ونىڭ سىبايلاسى ۆاتيكاندا جۇمىس ىستەگەن كومپيۋتەر ساراپشىسى كلاۋديو شارپەلەتتي دە سوتقا تارتىلماق. ايتا كەتۋ كەرەك, ريم پاپاسىنىڭ قىزمەتكەرى كاتوليك شىركەۋىنىڭ باسشىلىعىنا قاتىسى بار قۇپيا قۇجاتتاردىڭ ءوز ۇيىنەن تابىلۋىنا بايلانىستى 23 مامىر كۇنى تۇتقىنعا الىنعان بولاتىن.
ينتەرنەت ماتەريالدارى نەگىزىندە ازىرلەندى.