اقتاۋدا ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتى باسشىلىعى جانە ونىڭ قۇرامىنداعى تەڭىز اكادەمياسى قازاقستان رەسپۋبليكاسىنداعى ەستونيا رەسپۋبليكاسىنىڭ ەلشىلىگى وكىلى حەيتي مياەمەەستىڭ باستاۋىمەن ەكى ەل اراسىنداعى ىنتىماقتاستىقتى نىعايتۋ ماقساتىندا ىسساپارمەن كەلگەن ەستونيالىق تاللين تەحنولوگيا ۋنيۆەرسيتەتىنىڭ دەلەگاتسيا مۇشەلەرىمەن كەزدەسۋ وتكىزدى.
كەزدەسۋ بارىسىندا ۋنيۆەرسيتەتتەگى تسيفرلاندىرۋ باعىتىنداعى جۇمىستارىمەن, ودان ءارى تەڭىز اكادەمياسىنىڭ جۇمىس اياسى جانە ونداعى تەڭىز وقۋ-جاتتىقتىرۋ ورتالىعىمەن تانىسىپ وي ءبولىستى. ەكى ۋنيۆەرسيتەت اراسىنداعى ىنتىماقتاستىق باعىتتارى مەن تۇيىندەرى انىقتالىپ ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ تەڭىز اكادەمياسى مەن تاللين تەحنولوگيا ۋنيۆەرسيتەتىنىڭ تەڭىز اكادەمياسى اراسىندا ىنتىماقتاستىق تۋرالى مەموراندۋمعا قول قويىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى