ۆەدومستۆا باسشىسىنىڭ ايتۋىنشا 2019-2022 جىلدارى ءمجا شەڭبەرىندە 6 پەت(پوزيتورلى-ەميسسيونندى توموگرافيا) ورتالىعىن (ۇعوو (استانا قالاسى), اقتوبە, شىمكەنت, قاراعاندى, تالدىقورعان, سەمەي قالالارىندا) اشۋ جوسپارلانعان. ەلىمىزدە قولدانىستاعى 4 ورتالىققا قوسىمشا 6 پەت ورتالىعىن قۇرۋ 1,5 ملن. ادامعا 1 پەت حالىقارالىق ۇسىنىمدارىنا سايكەس كەلەدى. بۇل تۋرالى قر دەنساۋلىق ساقتاۋ ءمينيسترى ەلجان ءبىرتانوۆ قر ءماجىلىس پارلامەنتىندەگى ۇكىمەتتىك ساعاتتا مالىمدەدى.
«قازاقستاننىڭ تۇرعىندارىنا ونكولوگيالىق كومەك كورسەتۋ دەنساۋلىق ساقتاۋ جۇيەسىنىڭ نەگىزگى باعدارلامالىق قۇجاتتارىندا ايقىندالاتىن مەملەكەتتىك ساياساتتىڭ باستى باعىتى بولىپ تابىلادى. 2011-2015 جىلدار ارالىعىندا دەنساۋلىق ساقتاۋدى دامىتۋدىڭ «سالاماتتى قازاقستان» مەملەكەتتىك باعدارلاماسى مەن قر ونكولوگيالىق كومەكتى دامىتۋدىڭ 2012-2016 جىلدارعا ارنالعان باعدارلاماسى ىسكە اسىرىلدى. ولاردى ىسكە اسىرۋ ناتيجەسىندە ءولىمدى 100 مىڭ حالىققا شاققاندا 102,4-تەن 95,8-گە دەيىن تومەندەتۋگە, ەرتە ساتىدا (I- II ساتىلار) انىقتاۋدى 50,1%-دان 53,5%-عا دەيىن جاقسارتۋعا قول جەتكىزىلدى. 2018 جىلدىڭ قورىتىندىسى بويىنشا دەنساۋلىق ساقتاۋ سالاسىن دامىتۋدىڭ 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىن ىسكە اسىرۋ شەڭبەرىندە ءولىم كورسەتكىشىن 100 مىڭ حالىققا شاققاندا 92,8-دەن 80,96-عا تومەندەتۋ ماقساتىنا قول جەتكىزىلدى. حالىقارالىق ساراپشىلاردىڭ ۇسىنىمدارىنا سايكەس I-II ساتىلاردا ەرتە دياگنوستيكالاۋ كورسەتكىشى 2016 جىلدان باستاپ سوڭعى 3 جىلدىڭ ىشىندە 21,8%-دان 26,2 %-عا دەيىن ارتقان 0-I ساتىلاردا ەرتە دياگنوستيكالاۋدىڭ بارىنشا سەزىمتال ينديكاتورىنا وزگەرتىلدى. 2018 جىلى 5 جانە ودان دا كوپ جىل ءومىر سۇرەتىن پاتسيەنتتەردىڭ ۇلەسى 50,2%-دان 51,0 %-عا ءوستى. ونكولوگيالىق اۋرۋلارمەن كۇرەس جونىندەگى 2018-2022 جىلدارعا ارنالعان كەشەندى جوسپاردىڭ شەڭبەرىندە ونكولوگيالىق پاتولوگيانى انىقتاۋدى ارتتىرۋعا جانە ەرتە دياگنوستيكالاۋعا باعىتتالعان ءىس-شارالار ىسكە اسىرىلادى. 2018 جىلدىڭ قورىتىندىسى بويىنشا قازاقستان رەسپۋبليكاسىندا كەشەندى جوسپاردىڭ جوسپارلانعان بارلىق كورسەتكىشتەرىنە قول جەتكىزىلدى», - اتاپ ءوتتى ەلجان ءبىرتانوۆ.
سونداي اق, حالىقارالىق ستاتيستيكا دەرەكتەرىنە سايكەس قازاقستان قاتەرلى ىسىكتەردەن سىرقاتتانۋشىلىق پەن ءولىم كورسەتكىشتەرى شامالى جوعارى ەلدەرگە جاتادى. سوڭعى 20 جىلدىڭ ىشىندە قازاقستاندا قاتەرلى ىسىكتەرمەن سىرقاتتانۋشىلىقتىڭ 8%-عا ءوسۋى بايقالادى (100 مىڭ حالىققا شاققاندا 181,2-دەن 195,7-گە دەيىن). سالىستىرۋ ءۇشىن ەكونوميكالىق ىنتىماقتاستىق جانە دامۋ ۇيىمى ەلدەرىندە ۇقساس كەزەڭدە وبىردان سىرقاتتانۋشىلىقتىڭ ءوسۋى 11,5%-دى قۇرايدى. 1999 جىلدان باستاپ قازاقستاندا قاتەرلى ىسىكتەردەن ءولىم 42 %-عا تومەندەدى (100 مىڭ حالىققا شاققاندا 136,4-تەن 78,3-كە دەيىن). ەكونوميكالىق ىنتىماقتاستىق جانە دامۋ ۇيىمى ەلدەرىندە ءولىمنىڭ تومەندەۋى-15,5%. ەكونوميكالىق ىنتىماقتاستىق جانە دامۋ ۇيىمى ەلدەرىندە وبىردان سىرقاتتانۋشىلىق پەن ءولىم كورسەتكىشتەرى قازاقستاننان جوعارى بولۋ ورتاشا ءومىر ءسۇرۋ جاسىنىڭ ۇزاقتىعىنا جانە وسى ەلدەردە ونكولوگيالىق قىزمەتتىڭ دامۋىنا, وبىردىڭ باستاپقى ساتىلارىندا ەرتە انىقتاۋ مۇمكىندىگىنە جانە ەمدەۋدىڭ جوعارى تەحنولوگيالىق ادىستەرىن قولدانۋعا نەگىزدەلگەن»,- دەدى مينيستر.
بۇعان قوسا, ەلجان ءبىرتانوۆ ونكولوگيالىق اۋرۋلارمەن كۇرەس جونىندەگى 2018-2022 جىلدارعا ارنالعان كەشەندى جوسپار ءتورت باعىتتان تۇرادى, ولار: قاۋىپ فاكتورلارىنىڭ پروفيلاكتيكاسى جانە باسقارۋ; تيىمدىلىگى جوعارى ەرتە دياگنوستيكا; ونكولوگيالىق كومەك كورسەتۋدىڭ ينتەگراتسيالانعان مودەلىن ەنگىزۋ; كادر الەۋەتى مەن عىلىمدى دامىتۋ. ونكوپاتسيەنتتەرگە مەدقىزمەت كورسەتۋگە جىل سايىن رەسپۋبليكالىق بيۋدجەتتەن 40 ملرد. تەڭگە شاماسىندا قارجى بولىنەدى. كەشەندى جوسپارمەن جىل سايىن تمككك شەڭبەرىندە قىزمەتتەردى, سكرينينگتەر, مولەكۋلالىق-گەنەتيكالىق تەستىلەۋ, ساۋلەلىك تەراپيا قىزمەتتەرىن كەڭەيتۋگە 8 ملرد. تەڭگەدەن اسا قوسىمشا قارجى كوزدەلگەن. سونداي-اق 3,2 ملرد. تەڭگە سوماسىنا جابدىقتاردى الۋ جوسپارلانعان. وڭىرلەردە ونكولوگيالىق قىزمەتتى دامىتۋ ءۇشىن جابدىقتاردىڭ نەگىزگى بولىگى مەملەكەتتىك-جەكەشەلىك ارىپتەستىك شەڭبەرىندە الىناتىن بولادى.
«ونكولوگيالىق كومەك كورسەتۋدىڭ تيىمدىلىگى ەلدەگى پروفيلاكتيكالىق ءىس-شارالاردى ۇيىمداستىرۋعا بايلانىستى. قر پروفيلاكتيكاعا ارنالعان شىعىندار 4% قۇرايدى, ال ەكونوميكالىق ىنتىماقتاستىق جانە دامۋ ۇيىمدارى ەلدەرىندە 10%-عا دەيىن بولىنەدى. ددۇ ەلدىك باعالاۋ ناتيجەسى ونكولوگيالىق اۋرۋلاردىڭ دامۋىنىڭ نەگىزگى قاۋىپ فاكتورلارى بولىپ تابىلاتىن تەمەكى شەگۋ, الكوگولدى تۇتىنۋ سياقتى قاۋىپ فاكتورلارىنىڭ جوعارى ەكەنىن كورسەتتى. وبىردى ەرتە انىقتاۋ ماقساتىندا ەلدە ونكوسكرينينگتەردىڭ ءۇش ءتۇرى ىسكە اسىرىلادى: جاتىر موينى, ءسۇت بەزى جانە جۋان ىشەك وبىرىنىڭ سكرينينگى. 2018 جىلى ونكوسكرينينگتەردىڭ باعدارلاماسى قايتا قارالدى. جاس توپتارى 30 جاستان 70 جاسقا دەيىن جانە قارجىلاندىرۋدى ارتتىرا وتىرىپ (2018 ج. – 4 069 920,9 مىڭ تەڭگە, 2022 ج. – 5 127 570,0 مىڭ تەڭگە) نىسانالى توپتاردى قامتۋ 50-دەن 90 %-عا كەڭەيتىلدى.ۆ گەپاتيتىنە قارسى ۆاكتسيناتسيالاۋ باۋىر وبىرىنىڭ پايدا بولۋىنىڭ الدىن الۋعا مۇمكىندىك بەرەدى, وسىلايشا ۆاكتسيناتسياعا جاتاتىن توپتاردىڭ ۆاكتسيناتسيالاۋمەن ءتيىمدى قامتىلۋى 98,7% قۇرايدى. ەرتە ساتىداعى وبىردى (0-I) دياگنوستيكالاۋدى ارتتىرۋ تۇرىندە سكرينينگتىك باعدارلامالار تيىمدىلىگىنىڭ ارتۋ ديناميكاسى بايقالادى, مىسالى, جاتىر موينى وبىرى سكرينينگى كەزىندە 4,5%-عا, ءسۇت بەزى وبىرى سكرينينگى كەزىندە 6,3%-عا, كولورەكتالدىق وبىر سكرينينگى كەزىندە 2,3%-عا ارتۋ بايقالادى. حالىقتىڭ اقپاراتتانۋىن ارتتىرۋ ماقساتىندا 2018 جىلى مىنەز-ق ۇلىق قاۋىپ فاكتورلارىنىڭ پروفيلاكتيكاسى بويىنشا 3,5 ملن.-نان استام ادامدى قامتىعان 193 مىڭ ءىس-شارا وتكىزىلدى», - دەدى مينيستر.
سونىمەن قاتار, ءمينيستردىڭ ايتۋىنشا ەدۇ ۇيىمى ەلدەرىندە ىسىكتىڭ ەرەكشەلىگىنە بايلانىستى جەكە ەمدەۋ كولەمىن تاعايىنداۋعا مۇمكىندىك بەرەتىن وبىردى مولەكۋلالىق -گەنەتيكالىق تەستىلەۋ مىندەتتى بولىپ تابىلادى. قازاقستاندا 2019 جىلدان تمككك شەڭبەرىندە مولەكۋلالىق-گەنەتيكالىق تەستىلەۋ جۇرگىزىلە باستايدى, 309 ملن. تەڭگە قوسىمشا قارجى بولىنگەن. وكپە وبىرى, ءسۇت بەزى وبىرى, كولورەكتالدىق وبىر جانە تەرى مەلانوماسىنا مولەكۋلالىق-گەنەتيكالىق دياگنوستيكا جۇرگىزۋ ءۇشىن 3 رەفەرەنس-زەرتحانا (قازورعزي (الماتى قالاسى), قاراعاندى, استانا قالالارىنىڭ ونكوورتالىقتارى) ايقىندالدى, جانە 2019 جىلى 3 مىڭعا جۋىق زەرتتەۋ جۇرگىزۋ جوسپارلانعان. ەرتە دياگنوستيكالاۋدى جاقسارتۋ ماقساتىندا 2019 جىلى ونكواۋرۋلارعا كۇدىكتى پاتسيەنتتەرگە كت جانە مرت زەرتتەۋلەرىن جۇرگىزۋ ءۇشىن 1,6 ملرد. تەڭگە كولەمىندە قوسىمشا قارجى بولىنگەن. الەۋمەتتىك مەدساقتاندىرۋ قورى ءونىم بەرۋشىلەردەن قىزمەتتى ساتىپ الۋ جۇرگىزۋدە. دياگنوستيكالىق قيىن ناۋقاستارعا حالىقارالىق ساراپشىلاردىڭ تەلەكونسۋلتاتسياسى, سونداي-اق ماماننىڭ «ەكىنشى كوزقاراسى» قولدانىلاتىن گيستوپرەپاراتتاردىڭ تەلەپاتولوگياسى ەنگىزىلۋدە. ەدۇ ۇيىمى ەلدەرىندە ونكولوگيالىق اۋرۋلاردى دياگنوستيكالاۋدا مىندەتتى كومپونەنت بولىپ تابىلادى, ەندى قازاقستاندا 2019 جىلدان باستاپ ءبىز تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ىسكە اسىراتىن بولامىز. ءمجا جوبالارى شەڭبەرىندە ەلىمىزدىڭ 18 وڭىرىندە پاكس جۇيەسىن ورناتۋ جوسپارلانعان. بۇل شارالار ەرتە دياگنوستيكالاۋدى (0-1 ساتىلار) 2022 جىلعا 33 % -عا دەيىن ارتتىرۋعا مۇمكىندىك بەرەدى.
«قازاقستاندا بۇگىنگى كۇنى 5 جوعارى ەنەرگەتيكالىق سىزىقتىق جىلدامداتقىش جۇمىس ىستەيدى, جوعارى تەحنولوگيالىق ەمدەۋمەن قامتۋ 20%-دى قۇرايدى. كەشەندى جوسپاردىڭ شەڭبەرىندە وڭىرلەردە قوسىمشا 10 سىزىقتىق جىلدامداتقىشتى ورناتۋ كوزدەلگەن (قاراعاندى, اقمولا, جامبىل, قوستاناي, كىزىلوردا, ماڭعىستاۋ, سولتۇستىك قازاقستان وبلىستارىندا, شىمكەنت قالاسىندا جانە قازورعزي – ءمجا شەڭبەرىندە, پاۆلودار وبلىسىندا – رەسپۋبليكالىق بيۋدجەت شەڭبەرىندە). راديونۋكليدتىك تەراپيا قازاقستان رەسپۋبليكاسىندا ازىرگە ەمدەۋدىڭ قولجەتىمسىز جۇيەلىك ءتۇرى بولىپ وتىر. بۇل باعىتتا راديويودتەراپيانى وتكىزۋ ءۇشىن سەمەي قالاسىندا يادرولىق مەديتسينا ورتالىعىن, سونداي-اق استانا قالاسىندا قۇرىلىسى باستالعان ۇلتتىق عىلىمي ونكولوگيا ورتالىعىندا بولىمشە اشۋ كوزدەلگەن», - تولىقتىردى ول.
«بۇگىندە 87 حيميوپرەپارات قولدانىلدى, ونىڭ ىشىندە 15-ءى تارگەتتىك پرەپارات. ديسپانسەرلىك ەسەپتە تۇراتىن 181 مىڭ پاتسيەنتتىڭ 35,3%-ى حيميوتەراپيا الادى. 2019 جىلى ونكولوگيالىق اۋرۋلاردى دياگنوستيكالاۋ جانە ەمدەۋدىڭ 30 جاڭا حاتتاماسى قايتا قارالدى, 25 جاڭا تارگەتتىك جانە يممۋنوونكولوگيالىق پرەپارات ەنگىزىلدى. كەشەندى جوسپاردىڭ شەڭبەرىندە 2019 جىلى 15 وڭىردە قاۋىپسىزدىكتى قامتاماسىز ەتۋ, حيميوتارگەتتىك دارىلىك زاتتار مەن تسيتوستاتيكتەردى ۇتىمدى قولدانۋ ماقساتىندا ورتالىقتاندىرىلعان اۆتوماتتاندىرىلعان كوبەيتۋ كابينەتتەرىنە قوندىرعىلار ورناتۋ جوسپارلانعان» - دەدى ەلجان ءبىرتانوۆ.
ءسوزىن قورىتىندىلاي كەلە مينيستر قاۋىپ فاكتورلارىن ءبىلۋدىڭ بۇگىنگى دەڭگەيى ۇشتەن ءبىر جاعدايلاردا ونكولوگيالىق اۋرۋلاردىڭ الدىن الۋعا بولادى دەۋگە مۇمكىندىك بەرەدى. وبىر ۇكىم ەمەس! 2018 جىلدىڭ قورىتىندىسى بويىنشا قر-داعى 5 جىلدىق ومىرشەڭدىك 51,0%-دى قۇراپ وتىر جانە قازاقستاندا وبىردى دياگنوستيكالاۋدىڭ مەن ەمدەۋدىڭ بارلىق زاماناۋي ادىستەرى بار» - دەپ اتاپ ءوتتى.
قازاقستاندا ەرەسەك حالىققا ونكولوگيالىق كومەك ءۇش دەڭگەيدە كورسەتىلەدى. بىرىنشى امبۋلاتوريالىق-ەمحانالىق دەڭگەيدە ونكولوگيالىق اۋرۋلاردى ەرتە انىقتاۋ, دياگنوزدى قويۋ كەزىندە, سونداي-اق ديسپانسەرلىك بايقاۋدا امبۋلاتوريالىق دەڭگەيدە قىزمەت كورسەتۋ ماقساتى بولىپ تابىلاتىن 405 ونكولوگ كابينەتى جانە 1604 قاراۋ كابينەتى جۇمىس ىستەيدى. ەكىنشى دەڭگەيدە قاتەرلى ىسىكتەرمەن اۋىراتىن ناۋقاستارعا مەديتسينالىق كومەكتى 16 وڭىرلىك ونكولوگيالىق ديسپانسەر جانە اقتوبە, جەزقازعان, شىمكەنت جانە كوكشەتاۋ قالالارىندا كوپبەيىندى اۋرۋحانالارداعى 4 ونكولوگيالىق بولىمشە كورسەتەدى.ء ۇشىنشى دەڭگەيدە مەديتسينالىق كومەكتى ەكى رەسپۋبليكالىق ۇيىم, قازاق ونكولوگيا جانە راديولوگيا عىلىمي-زەرتتەۋ ينستيتۋتى جانە ونكولوگيا جانە ترانسپلانتولوگيا ۇلتتىق عىلىمي ورتالىعى كورسەتەدى. 2019 جىلعى 1 قاڭتارداعى جاعداي بويىنشا قاتەرلى ىسىك دياگنوزىمەن ديسپانسەرلىك بايقاۋدا 181 000 پاتسيەنت تۇر.
2018 جىلى 35 753 ادام العاش رەت ەسەپكە الىندى, ونىڭ 44,3%-ن ەرلەر جانە 55,7%-ن ايەلدەر قۇرايدى. وبىردان قايتىس بولعانداردىڭ اراسىندا ەرلەر 53,8%-دى الىپ وتىر.
العاش اۋىرعانداردىڭ 60%-عا جۋىعى - 18 جاستان 63 جاسقا دەيىنگى ەڭبەككە قابىلەتتى جاستاعى ادامدار. سىرقاتتانۋشىلىق قۇرىلىمىندا ءسۇت بەزىنىڭ وبىرى (12,6%), وكپە وبىرى (9,9%), اسقازان وبىرى (9,9%) الدىڭعى ورىندار, ارى قاراي جاتىر موينى وبىرى جانە جۋان ىشەك (4,7%) قۇراپ وتىر. ءولىمنىڭ نەگىزگى سەبەپتەرى وكپە وبىرى (16,5%), اسقازان وبىرى (11,5%), ءسۇت بەزىنىڭ وبىرى (8,4%) بولىپ تابىلادى. ونكولوگيالىق پاتسيەنتتەردىڭ جىنىستىق-جاس ەرەكشەلىكتەرى جانە سىرقاتتانۋشىلىق پەن ءولىم قۇرىلىمىنىڭ ەكونوميكالىق ىنتىماقتاستىق جانە دامۋ ۇيىمى ەلدەرىنەن ايىرماشىلىعى جوق.
2019 جىلعى 1 قاڭتاردا قر پاللياتيۆتىك كومەك جانە مەيىرگەرلىك كۇتىم ءۇشىن 1034 توسەك, ونىڭ ىشىندە ونكولوگيالىق ديسپانسەرلەردىڭ پاللياتيۆتىك كومەك بولىمشەلەرى قۇرامىندا 435 توسەك, 23 اۋىرسىنۋعا قارسى كابينەت جۇمىس ىستەيدى. قازىرگى ۋاقىتتا دەنساۋلىق ساقتاۋ باسقارمالارىنىڭ دەرەكتەرىنە سايكەس پاللياتيۆتىك كومەكتى قاجەت ەتەتىن ناۋقاستار سانى 70000-عا جۋىق, ونىڭ ىشىندە 6 مىڭعا جۋىعى ونكولوگيالىق ناۋقاستار, دەمەك وسى كاتەگورياداعى ناۋقاستاردى اۋرۋحانالىق توسەكپەن قامتاماسىز ەتۋ 1000 ادامعا شاققاندا 15-ءتى قۇراپ وتىر.
2018 جىلدىڭ قورىتىندىسى بويىنشا قازاقستان رەسپۋبليكاسىندا كەشەندى جوسپاردىڭ جوسپارلانعان بارلىق كورسەتكىشتەرىنە قول جەتكىزىلدى.
ءبىرىنشى باعىت بويىنشا – قاۋىپ فاكتورلارىنىڭ پروفيلاكتيكاسى جانە باسقارۋ - جاتىر موينى وبىرىنا تسيتولوگيالىق سكرينينگ جۇرگىزۋ كەزىندە وبىرالدى جاعدايلاردى انىقتاۋ 0,43 % -عا دەيىن (2017 جىل – 0,4%, 2022 جىلعى ماقساتى – 0,6%), كولورەكتالدىق وبىر سكرينينگىن جۇرگىزۋ كەزىندە وبىرالدى جاعدايلاردى انىقتاۋ 17,8% ارتتى (2017 جىل – 15,5%, 2022 جىلعى ماقسات – 23,0%). ەكىنشى باعىت بايىنشا - تيىمدىلىگى جوعارى ەرتە دياگنوستيكا - 0-I ساتىلاردا انىقتالعان العاشقى قاتەرلى ىسىكتەردىڭ ۇلەسى 26,2%-عا ارتتى (2017 جىل - 24,7%, 2022 جىلعى ماقسات – 33,5%), ۆيزۋالدى قولجەتىمدى ورنالاسقان العاشقى قاتەرلى ىسىكتەردىڭ اسقىنۋى( III-IV ساتىلار) 11,6%-عا دەيىن تومەندەدى (2017 جىل – 13,2 %, 2022 جىلعى ماقسات – 7,2%). ءۇشىنشى باعىت بويىنشا - ونكولوگيالىق كومەك كورسەتۋدىڭ ينتەگراتسيالانعان مودەلىن ەنگىزۋ - ونكولوگيالىق پاتسيەنتتەردىڭ 5 جىلدىق ومىرشەڭدىگى 51,0%-عا دەيىن ءوستى (2017 جىل -50,0%, 2022 جىلعى ماقسات – 60,0%).ءتورتىنشى باعىتتى مونيترينگتەۋ شەڭبەرىندە كادر الەۋەتىن جانە عىلىمدى دامىتۋ, شەتەلدىڭ جەتەكشى ونكولوگيالىق ۇيىمدارىمەن مەموراندۋمدار جاساۋ جوسپارلانعان, 2021 جىلعا كلينيكاعا دەيىنگى زەرتتەۋ ورتالىعىن قۇرۋ, 2021 جىلعا ىسىك گەنومى زەرتحاناسىن قۇرۋ جوسپارلانعان.
2018 جىلدىڭ قورىتىندىسى بويىنشا قر قازاقستاندىق دارىلىك ۇلتتىق فورمۋليارىندا (قر دسم №931 بۇيرىعى) دارىلىك زاتتاردىڭ 260 اتاۋى, ونىڭ ىشىندە تۇپنۇسقا 107 پرەپارات, گەنەريك 153 پرەپارات تىركەلگەن. 260 دارىلىك پرەپاراتتاردىڭ 256-ى ىسىككە قارسى دارىلىك زاتتار, 4 يممۋنودەپرەسسانت توبىنا جاتادى جانە ونكولوگيالىق پاتسيەنتتەردى ەمدەۋگە قولدانىلادى.
بىرىڭعاي ديستريبيۋتەردەن تىزىمگە كىرەتىن ونكولوگيالىق پاتسيەنتتەردى ەمدەۋدە قولداناتىن 46 دارىلىك زات ساتىپ الىنادى. قازىرگى ۋاقىتتا دارىلىك زاتتاردىڭ 44 ءتۇرى (96%) ساتىپ الىنعان, ونكولوگيالىق ۇيىمدارعا 43 ءتۇرى (98%) جەتكىزىلگەن.
الەمدەگى جاعداي: 5 جىلدىڭ ىشىندە قاتەرلى ىسىكتەردىڭ 24 ءتۇرلى نىسانىن ەمدەۋ ءۇشىن 63 جاڭا پرەپارات ەنگىزىلدى. جىلدىڭ ىشىندە پرەپاراتتارعا شىعىندار 10-13%-5ا ارتاتىن بولادى ج2نە 2022 جىلى 180-200 ملرد. دوللارعا جەتەدى. بۇل پرەپاراتتاردىڭ 20%-دان ازى كوپتەگەن دامۋشى ەلدەردە قولجەتىمدى.