بەيسەنبى, 1 ناۋرىز 2012 7:25
ارگەنتينانىڭ, ءچيليدىڭ, كولۋمبيانىڭ جانە يسپانيانىڭ پوليتسەيلەرى كەشە Anonymous حاكەرلەر توبىنىڭ 25 بەلسەندىسىن تۇتقىندادى. BBC News سايتىنىڭ حابارلاۋىنشا, تۇتقىندالعانداردان 250-دەن استام توراپتىق جانە ءموبيلدى جابدىقتار الىنعان.
يسپانيا ىشكى ىستەر مينيسترلىگىنىڭ مالىمەتتەرىنە قاراعاندا, وسى ەلدىڭ پوليتسەيلەرى مادريد پەن مالاگا قالالارىندا توپتىڭ ءتورت مۇشەسىن ۇستاعان. ولاردىڭ ءبىرى Anonymous حاكەرلىك توبىنىڭ يسپانيا مەن لاتىن امەريكاسىنداعى ۇيلەستىرۋشىسى بولعان. ال بارلىق وپەراتسيا ينتەرپول ارقىلى جۇزەگە اسىرىلعان. حاكەرلەر كولۋمبيا مەن چيلي ۇكىمەتتەرىنىڭ ينتەرنەت رەسۋرستارىنا كيبەرشابۋىلدار جاساۋمەن اينالىسقان كورىنەدى. ولار سونداي-اق, كولۋمبيا پرەزيدەنتى مەن قورعانىس مينيسترلىگىنىڭ سايتتارىن دا ىستەن شىعارعان.
بەيسەنبى, 1 ناۋرىز 2012 7:25
ارگەنتينانىڭ, ءچيليدىڭ, كولۋمبيانىڭ جانە يسپانيانىڭ پوليتسەيلەرى كەشە Anonymous حاكەرلەر توبىنىڭ 25 بەلسەندىسىن تۇتقىندادى. BBC News سايتىنىڭ حابارلاۋىنشا, تۇتقىندالعانداردان 250-دەن استام توراپتىق جانە ءموبيلدى جابدىقتار الىنعان.
يسپانيا ىشكى ىستەر مينيسترلىگىنىڭ مالىمەتتەرىنە قاراعاندا, وسى ەلدىڭ پوليتسەيلەرى مادريد پەن مالاگا قالالارىندا توپتىڭ ءتورت مۇشەسىن ۇستاعان. ولاردىڭ ءبىرى Anonymous حاكەرلىك توبىنىڭ يسپانيا مەن لاتىن امەريكاسىنداعى ۇيلەستىرۋشىسى بولعان. ال بارلىق وپەراتسيا ينتەرپول ارقىلى جۇزەگە اسىرىلعان. حاكەرلەر كولۋمبيا مەن چيلي ۇكىمەتتەرىنىڭ ينتەرنەت رەسۋرستارىنا كيبەرشابۋىلدار جاساۋمەن اينالىسقان كورىنەدى. ولار سونداي-اق, كولۋمبيا پرەزيدەنتى مەن قورعانىس مينيسترلىگىنىڭ سايتتارىن دا ىستەن شىعارعان.
ەكس-پرەمەر كەشىرىم سۇرامايدى
وسىدان بىرنەشە كۇن بۇرىن ۋكراينا پرەزيدەنتى ۆيكتور يانۋكوۆيچ ەلدىڭ ەكس-پرەمەرى يۋليا تيموشەنكوعا ەگەر ول كەشىرىم سۇراسا, راقىمشىلىق جاسالۋى مۇمكىن دەگەن ماعىنادا مالىمدەمە جاساعان ەدى.
تيموشەنكونىڭ جاۋابى وتە قاتقىل بولدى. «باتكيۆششينا» پارتياسى سايتىنىڭ جازۋىنشا, ەكس-پرەمەر پرەزيدەنتكە ونداي ءوتىنىشتى ەشقاشان جاسامايتىنىن مالىمدەگەن. بۇعان قوسا ول ءوزىن كىنالى دەپ ەسەپتەمەيتىندىگىن, سوندىقتان دا كەشىرىم سۇرامايتىندىعىن ايتقان. تيموشەنكو سونداي-اق وزىنە قاتىستى قوزعالعان قىلمىستىق ىستەردىڭ بارلىعى ەل پرەزيدەنتى ۆ.يانۋكوۆيچتىڭ تىكەلەي تاپسىرماسىمەن جاسالدى دەپ ءمالىمدەگەن. «يانۋكوۆيچتىڭ مەنى «سىندىرۋعا» مۇمكىندىگى جوق» دەگەن ەكەن ەكس-پرەمەر.
پرەزيدەنتكە تاعى دا وپەراتسيا جاسالدى
ۆەنەسۋەلا پرەزيدەنتى ۋگو چاۆەسكە قاتەرلى ىسىكتى الىپ تاستاۋ ءۇشىن تاعى دا وپەراتسيا جاسالدى. رەيتەر اگەنتتىگىنىڭ تاراتقان اقپاراتتارى بويىنشا, وعان وپەراتسيا 28 اقپان كۇنى كۋبادا جاسالعان.
ۆەنەسۋەلا وپپوزيتسيالارىنىڭ مالىمەتتەرىنە قاراعاندا, 57 جاستاعى ۋگو چاۆەسكە گاۆانا قالاسىنداعى «سيمەك» كلينيكاسىندا وپەراتسيا جاسالعان كورىنەدى. وپەراتسيا 1,5 ساعاتقا سوزىلعان, پرەزيدەنتتىڭ دەنساۋلىعى جونىندە ناقتى اقپارات جوق. ايتا كەتەيىك, وسى جىلدىڭ 7 قاراشاسىندا ۆەنەسۋەلادا پرەزيدەنتتىك سايلاۋ وتەدى. پرەزيدەنت بۇل ساياسي باسەكەگە كانديدات رەتىندە قاتىساتىندىعىن بىلدىرگەن بولاتىن.
تەررورلىق ارەكەتتەردىڭ الدىن الدى
ءۇندىستاننىڭ نيۋ-دەلي قالالىق پوليتسياسى اۋقىمدى وپەراتسيالار جۇرگىزۋدىڭ ناتيجەسىندە ەل استاناسىندا جوسپارلانعان بىرقاتار تەررورلىق ارەكەتتەردىڭ الدىن الدى. جەرگىلىكتى اقپارات قۇرالدارىنىڭ مالىمەتتەرىنشە, قۇقىق قورعاۋ قىزمەتكەرلەرى «لاشكار-ي-تايبا» اتتى تەررورشىل ۇيىمنىڭ ەكى سودىرىن تۇتقىنداعان.
تەرگەۋشىلەردىڭ پايىمداۋىنشا, تۇتقىنعا الىنعان بۇل ەكى سودىر ەل استاناسىنداعى ومىرلىك ماڭىزى بار نىساندارعا شابۋىل جاساپ, بىرقاتار تانىمال تۇلعالارعا قاستاندىق ۇيىمداستىرماق بولعان. پوليتسيا مۇنداي اقپاراتتى بارلاۋ قىزمەتكەرلەرى ارقىلى بىلگەن كورىنەدى. اتالعان تەررورشى ۇيىم ەلدىڭ سولتۇستىگىندەگى دجامما جانە كاشمير شتاتتارىندا ورنالاسقان.
131 اۆيارەيستى اۋىستىرۋعا ءماجبۇر بولدى
يسپاندىق «يبەريا» اۆياكومپانياسى ۇشقىشتاردىڭ ەرەۋىلگە شىعۋىنا بايلانىستى كەشەگى كۇنگە جوسپارلانعان 131 رەيستى اۋىستىرۋعا ءماجبۇر بولدى. ولاردىڭ ءىشىندە ليما, مەحيكو, سان-پاۋلۋ جانە بۋەنوس-ايرەس باعىتىنا قاتىنايتىن رەيستەر دە بار.
اۆياكومپانيا باسشىلارىنىڭ ايتۋىنشا, اۋىستىرىلعان بۇل رەيستەرمەن ۇشۋعا ءتيىس جولاۋشىلارعا وتەماقى تولەنەدى نەمەسە ولاردىڭ وزگە اۆياكومپانيالاردىڭ قىزمەتىن پايدالانۋلارىنا مۇمكىندىك قاراستىرىلعان. وسى اۆياكومپانيانىڭ قىزمەتكەرلەرى وتكەن جىلدىڭ جەلتوقسانىندا جانە ۇستىمىزدەگى جىلدىڭ قاڭتارىندا بىرنەشە رەت ەرەۋىلگە شىققان بولاتىن. تالاپتارى – قىزمەتكەرلەردىڭ ەڭبەكاقىسىن كوتەرۋ.
پوليتسيا كۇشەيتىلگەن تارتىپكە كوشىرىلدى
ماسكەۋ قالاسىنىڭ پوليتسياسى پرەزيدەنتتىك سايلاۋعا بايلانىستى 1 ناۋرىزدان باستاپ كۇشەيتىلگەن رەجىمدە قىزمەت ەتەتىن بولادى. بۇل تۋرالى قوعامدىق ءتارتىپتى قورعاۋ باسقارماسىنىڭ باستىعى ۆ.كوزلوۆ مالىمدەدى.
ونىڭ سوزىنە قاراعاندا, سايلاۋعا بايلانىستى قوعامدىق ءتارتىپتى قامتاماسىز ەتۋگە 36,5 مىڭ ادام تارتىلىپ وتىر. ولاردىڭ 16 مىڭنان استامى پوليتسەيلەر, 14 مىڭعا جۋىعى حالىق جاساقشىلارى, 2,2 مىڭى ماي قىزمەتكەرلەرى. يتار-تاسس اگەنتتىگىنىڭ اقپاراتتارى بويىنشا, پوليتسيا ارنايى ەسەپتە تۇراتىن ازاماتتاردىڭ پاتەرلەرىن, باسقا دا كۇدىكتى ورىن-جايلاردى تەكسەرىپ جاتقان سياقتى. كۇشەيتىلگەن رەجىم رەسەيدىڭ باسقا قالالارىندا دا ەنگىزىلىپ وتىر.
قىسقا قايىرىپ ايتقاندا:
يەمەندىك ەرەۋىلشىلەر اقش-تىڭ وسى مەملەكەتتەگى ەلشىسىن ەلدەن كەتىرۋدى تالاپ ەتتى. ولاردىڭ پىكىرىنشە, اقش ەلشىسى يەمەننىڭ ىشكى ىسىنە ارالاسۋدا.
تۋنيس قاجەت بولعان جاعدايدا سيريانىڭ پرەزيدەنتى باشار اسادقا جانە ونىڭ جاقىندارىنا ساياسي باسپانا بەرۋگە دايىن ەكەندىكتەرىن مالىمدەدى.
رەسەيدىڭ حيمكي ماڭىنداعى قويماعا قاراقشىلىق شابۋىل جاساعانداردىڭ كىمدەر ەكەندىگى انىقتالدى. ولاردىڭ ەكەۋى – داعىستاننىڭ, بىرەۋى تۇركىمەنستاننىڭ ازاماتتارى ەكەن.
ابحازيا حالىق جينالىسى سايلاۋىنا تانىلعان جانە تانىلماعان ونشاقتى ەلدەن 25-تەن استام بايقاۋشىنى شاقىردى. اراسىندا وڭتۇستىك وسەتيا مەن تاۋلى قاراباق بار.
گرۋزيا پرەزيدەنتى ميحايل سااكاشۆيلي ءوزىنىڭ بيىلعى جولداۋىندا رەسەيمەن ۆيزالىق رەجىمدى بەلگىلى تارتىپپەن اۋىستىرۋدى ۇسىنعان.
ينتەرنەت ماتەريالدارى نەگىزىندە ازىرلەندى.