سارسەنبى, 8 اقپان 2012 7:57
اقش پرەزيدەنتى باراك وباما يراننىڭ امەريكا اۋماعىنداعى بارلىق مەملەكەتتىك اكتيۆتەرىن توقتاتىپ تاستاۋ تۋرالى وكىم شىعاردى.مەملەكەت باسشىسىنىڭ سوزىنە قاراعاندا, مۇنداي قادام يراننىڭ ورتالىق جانە باسقا دا بانكتەرىنە كۇشتى قىسىم جاساۋعا مۇمكىندىك بەرەدى. ايتپەسە, ولار وزدەرىنىڭ ترانزاكتسيالارىن جاسىرىپ, حالىقارالىق سانكتسيالاردى اينالىپ وتۋگە ۇيرەنىپ العان. وباما سونداي-اق جاڭا شەكتەۋلەر شەت ەلدەردەگى يران بانكتەرىنىڭ جۇمىسىن دا قيىنداتا تۇسەتىنىن حابارلادى. بۇل يراننىڭ سىرتقى ساۋدا اينالىمىن, ءبىرىنشى كەزەكتە, مۇناي ەكسپورتىن جۇزەگە اسىرۋدى قيىنداتادى دەپ كۇتىلۋدە.
سارسەنبى, 8 اقپان 2012 7:57
اقش پرەزيدەنتى باراك وباما يراننىڭ امەريكا اۋماعىنداعى بارلىق مەملەكەتتىك اكتيۆتەرىن توقتاتىپ تاستاۋ تۋرالى وكىم شىعاردى.مەملەكەت باسشىسىنىڭ سوزىنە قاراعاندا, مۇنداي قادام يراننىڭ ورتالىق جانە باسقا دا بانكتەرىنە كۇشتى قىسىم جاساۋعا مۇمكىندىك بەرەدى. ايتپەسە, ولار وزدەرىنىڭ ترانزاكتسيالارىن جاسىرىپ, حالىقارالىق سانكتسيالاردى اينالىپ وتۋگە ۇيرەنىپ العان. وباما سونداي-اق جاڭا شەكتەۋلەر شەت ەلدەردەگى يران بانكتەرىنىڭ جۇمىسىن دا قيىنداتا تۇسەتىنىن حابارلادى. بۇل يراننىڭ سىرتقى ساۋدا اينالىمىن, ءبىرىنشى كەزەكتە, مۇناي ەكسپورتىن جۇزەگە اسىرۋدى قيىنداتادى دەپ كۇتىلۋدە.
تىركەۋ مەرزىمى ىلگەرىلەتىلدىەگيپەت پرەزيدەنتتىگىنە كانديداتتاردى تىركەۋ داتاسى 15 ساۋىردەن 10 ناۋرىزعا ىلگەرىلەتىلدى. مىسىر سايلاۋ كوميسسياسى وكىلىنىڭ ايتۋىنشا, ناۋقاندى ەرتەرەك باستاۋ تۋرالى شەشىم بيلىكتى ءاسكەريلەردەن ازاماتتىق ينستيتۋتتارعا بەرۋ ۇدەرىسىن جەدەلدەتۋدى تالاپ ەتىپ وتىرعان ءتۇرلى ساياسي توپتاردىڭ قىسىمى ءناتيجەسىندە قابىلدانعان.الدىن الا بەكىتىلگەن جوسپار بويىنشا پرەزيدەنتتىك سايلاۋدا داۋىس بەرۋ ۇستىمىزدەگى جىلدىڭ 20 ماۋسىمىندا ءوتۋى ءتيىس. بىراق ازىرشە بۇل داتانىڭ دا ىلگەرى جىلجىتىلاتىنى نەمەسە العاشقى جوسپار بويىنشا قالاتىنى بەلگىسىز. سوڭعى بىرنەشە كۇن بويى مىسىردىڭ ءىرى قالالارىندا جاپپاي دەمونستراتسيالار مەن تارتىپسىزدىكتەر جالعاسىپ جاتىر. ولار دا بيلىكتىڭ تەز ارادا ازاماتتىق ۇكىمەتكە بەرىلۋىن تالاپ ەتۋدە.
وزبەكستان «تاجىك شپيوندارىن» ۇستادىوزبەكستاندا 4 ادام كورشى ءتاجىكستان پايداسىنا جانسىزدىق جاسادى دەگەن ايىپپەن تۇرمەگە قامالدى. وزبەك جاعىنىڭ مالىمدەۋىنشە, بۇل ادامدار وزبەكستان ازاماتتارى بولىپ تابىلادى جانە قۇپيا اقپاراتتار جيناۋمەن اينالىسقان.سوت ۇستالعانداردى 14 جىلدان 20 جىلعا دەيىنگى مەرزىمگە تۇرمەگە جاپتى. «شپيوندىق جەلىنى» تاجىكستاننىڭ بۇرىنعى ديپلوماتيالىق وكىلى باحتىبەك نازارحۋدوەۆ پەن تاجىكستاننىڭ بۇرىنعى ۇلتتىق قاۋىپسىزدىك كوميتەتىنىڭ توراعاسى ابدۋللو نازاروۆ ۇيىمداستىرىپتى. سوڭعى جىلدارى وزبەكستان مەن تاجىكستاندا جانسىزدىق جاسادى دەگەن ايىپپەن ونداعان ادام سوتتالىپ وتىر.
مالديۆ پرەزيدەنتىن وتستاۆكاعا كەتىردىمالديۆتەگى جاپپاي دەمونستراتسيالار ەل پرەزيدەنتى موحامەد ءناشيدتىڭ وتستاۆكاعا كەتۋىنە الىپ كەلگەن. بۇل اقپاراتتى جەرگىلىكتى اسكەريلەر تاراتتى. مەملەكەت باسشىسىنىڭ مىندەتىن ەلدىڭ ۆيتسە-پرەزيدەنتى موحامەد ۆاحيد ۋاقىتشا اتقارۋعا كىرىسكەن.ناشيد بۇگىندە مالديۆ قارۋلى كۇشتەرىنىڭ شتاب-پاتەرىندە قاۋىپسىزدىكتە وتىرعان كورىنەدى. ال مالديۆتەگى شەرۋلەر وسىدان ءۇش اپتاداي بۇرىن, ناشيد ەل قىلمىستىق سوتىنىڭ باسشىسىن تۇتقىنداۋ تۋرالى بۇيرىق شىعارعاننان كەيىن باستالعان بولاتىن. ەل حالقى قىلمىستىق سوت باسشىسى قاماۋعا زاڭسىز الىندى دەپ سانايدى. مالديۆ ءوزىنىڭ تاۋەلسىزدىگىن ۇلىبريتانيادان 1965 جىلى العان بولاتىن.
تۇرىكتەرمەن اراعا دۋال قويادىگرەكيا تۇركيامەن شەكاراسىنا دۋال ورناتادى. بۇل ەۋروپالىق وداقتى زاڭسىز ميگرانتتار اعىنىنان قورعاۋعا مۇمكىندىك بەرەدى. اتالعان جوبانى جۇزەگە اسىرۋمەن اينالىساتىن جەدەل ورتالىق كەشەن قۇرىلدى. بۇل تۋرالى ازاماتتاردى قورعاۋ ءمينيسترى حريستوس ءپاپۋتسيستىڭ سايتىندا حابارلانعان.تىكەنەك سىمدارمەن بەكەمدەلەتىن قورشاۋدىڭ بيىكتىگى 4 مەتر, ال ۇزىندىعى 10 شاقىرىمداي بولماق. دۋال گرەكيانىڭ سولتۇستىك-شىعىسىنداعى كاستانيەس اۋىلى مەن نەا ۆيسسا اۋىلى ارالىعىنا ورناتىلادى. بەينەكامەرالارمەن قامتاماسىز ەتىلەتىن قۇرىلىس ناۋرىز ايىندا باستالسا, ونىڭ قۇنى شامامەن 3 ميلليون ەۋرونى قۇرايدى دەلىنىپ وتىر. دۋال قىركۇيەك ايىندا دايىن بولماق.
رەسەي ءۇشىن 2011 – «ەڭ جەمىستى» جىلرەسەيدىڭ ارنايى قىزمەتتەرى 2011 جىل بويى شەت مەملەكەتتەردىڭ مۇددەسى ءۇشىن بارلاۋ قىزمەتىن جۇزەگە اسىرعان 199 ادامدى انىقتاعان. رف پرەزيدەنتى د.مەدۆەدەۆتىڭ سوزىنە قاراعاندا, شپيونداردىڭ 158-ءى اگەنتتەر بولسا, 41-ءى شەت مەملەكەتتەر ارنايى قىزمەتتەرىنىڭ كادرلىق قىزمەتكەرلەرى بولىپ تابىلادى.اگەنتتەردىڭ 26-سى رەسەي ازاماتتارى ەكەن. سونداي-اق مەملەكەت باسشىسىنىڭ ايتۋىنشا, ارنايى قىزمەتتەر بىلتىر 8 لاڭكەستىكتىڭ الدىن العان. بارلىعى تەررورلىق باعىتتاعى 94 قىلمىستىڭ جولى كەسىلگەن. الايدا, دەيدى د.مەدۆەدەۆ, مۇنداي قىلمىستاردىڭ سانىن تۇبەگەيلى ازايتۋ ازىرشە مۇمكىن بولماي وتىر.
قىسقا قايىرىپ ايتقاندا:* رەسەي پرەزيدەنتى د.مەدۆەدەۆ فرانتسيا پرەزيدەنتى ن.ساركوزيمەن تەلەفون ارقىلى سيرياداعى جاعدايدى تالقىلاۋدان باس تارتقان. * ەۋروپادا گاز بەن ەلەكتر قۋاتىنا باعا كۇرت ءوسىپ كەتتى. لوندون بيرجاسىندا گاز 28 پايىزعا قىمباتتاعان. بۇل پروبلەما اۋا رايىنىڭ كۇرت سۋىنا بايلانىستى تۋىنداپ وتىر.* رەسەي پرەمەرى ۆ.پۋتين ءوز ەلىندە ساياسي تۇتقىندار بار دەگەن فاكتىنى تەرىسكە شىعاردى. قۇدايعا شۇكىر, بىزدە كەيبىرەۋلەر قالايتىنداي ساياسي تۇتقىندار جوق, دەدى ول. * ۋكراينانىڭ قۇقىق قورعاۋ ورگاندارى كونترابانداشىلار كوستا-ريكادان اناناستىڭ ىشىنە جاسىرىپ اكەلگەن كوكايننىڭ ءىرى پارتياسىن تاركىلەدى. سالماعى 38 كيلو تارتاتىن جوعارى ساپالى ەسىرتكى تەڭىز جولىمەن اكەلىنسە كەرەك. * تاجىكستاندا كۇننىڭ كۇرت سۋىتۋىنان جالپى ءبىلىم بەرەتىن مەكتەپتەردىڭ بارلىعىندا وقۋشىلار ساباقتان بوساتىلدى. مۇنداعى اياز سوڭعى كۇندەرى مينۋس 15 گرادۋستان تۇسپەي تۇرعان كورىنەدى. * فيليپپيندەگى جەر سىلكىنىسىنەن كەم دەگەندە 43 ادام وپات بولعان. وڭىردە تسۋنامي قاتەرى جوق دەلىنىپ وتىر. ال جەر سىلكىنىسىنىڭ ماگنيتۋداسى 6,8 بالل بولعان ەدى. ءزىلزالادان جولدار مەن كوپىرلەر, ەلەكتر جەلىلەرى زارداپ شەككەن. * ۋكراينادا ۇيىمداسقان قىلمىسقا قارسى باسقارمانىڭ بۇرىنعى قىزمەتكەرى ي.گونچاروۆ جەتەكشىلىك جاساعان پوگون تاققان باندى مۇشەلەرىنە ۇكىم شىعارىلدى. 13 ادامنىڭ 2-ءۋى ءومىر-باقي تۇرمەدە وتىرۋعا كەسىلسە, قالعاندارى 10 جىلدان 15 جىلعا دەيىن باس بوستاندىقتارىنان ايىرىلدى.ينتەرنەت ماتەريالدارى نەگىزىندە ازىرلەندى.