شەشەنستان رەسپۋبليكاسىنىڭ باسشىسى رامزان كادىروۆ قازاقستانعا, قازاق ەلىنە قاتىستى كوزقاراسىن ايتىپ بەردى. بۇل تۋرالى پرەزيدەنت تەلەراديو كەشەنى حابارلادى.
ر.كادىروۆ ايتۋىنشا, ونىڭ قازاقستانعا دەگەن ىستىق ىقىلاسى ەرەكشە. ويتكەنى شەشەنستان باسشىسىن ەلىمىزبەن بايلانىستىراتىن نارسە كوپ.
«قازاقستانعا, قازاق حالقىنا جانە قازاقستان باسشىسىنا قارىم-قاتىناسىم ەرەكشە. ويتكەنى مەنىڭ اكەم قازاقستاندا تۋعان. اتامنىڭ اعاسى سوندا جەرلەنگەن. بىزدەگى اسكەري جاعداي كەزىندە كومەك قولىن سوزىپ, جاردەم ەتكەن – قازاقستان باسشىسى پرەزيدەنت نۇرسۇلتان ءابىش ۇلى بولاتىن. گروزنىي قالاسىن قالپىنا كەلتىرۋ كەزىندە تازالىققا ارنالعان ارنايى تەحنيكانى ساتىپ اپەرگەن دە قازاقتار, ءبىزدىڭ باۋىرلارىمىز ەدى. سوندىقتان ءومىر بويى قازاقستان حالقى مەن پرەزيدەنتىنە العىس ايتىپ وتەمىز», دەدى ر.كادىروۆ ء«بىر تاعدىر» فيلمىندە سويلەگەن سوزىندە.
ايتا كەتۋ كەرەك, ر.كادىروۆتىڭ اكەسى, شەشەنستاننىڭ العاشقى پرەزيدەنتى احمات-حادجي كادىروۆ قاراعاندىدا دۇنيەگە كەلگەن. سونداي-اق گروزنىيدا قازاقستان پرەزيدەنتى نۇرسۇلتان نازارباەۆ اتىنداعى كوشە بار. ال 2010 جىلى شاھارداعى №1 ليتسەيگە ەلباسى نۇرسۇلتان نازارباەۆتىڭ ەسىمى بەرىلدى.