سارسەنبى, 12 جەلتوقسان 2012 7:24
نارازى توپقا شابۋىل جاسالدى
كايردە بەلگىسىز بىرەۋلەر ەگيپەت پرەزيدەنتى مۇحاممەد مۋرسيدىڭساياساتىنا نارازىلىق رەتىندە تاحرير الاڭىندا قۇرىلعان شاتىرلىقالاشىققا شابۋىل جاساعان.
سارسەنبى, 12 جەلتوقسان 2012 7:24
نارازى توپقا شابۋىل جاسالدى
كايردە بەلگىسىز بىرەۋلەر ەگيپەت پرەزيدەنتى مۇحاممەد مۋرسيدىڭساياساتىنا نارازىلىق رەتىندە تاحرير الاڭىندا قۇرىلعان شاتىرلىقالاشىققا شابۋىل جاساعان.
جەرگىلىكتى باق-تاردىڭ حابارلاۋىنشا, 30 ادامنان تۇراتىن توپ بىتىرالى مىلتىقتان وق اتىپ جانە قارسىلىق بىلدىرۋشىلەرگە «مولوتوۆ كوكتەيلىن» لاقتىرا وتىرىپ, شاتىرلى لاگەردى شابۋىلداعان. قورعانۋشىلار دا جانعىش سۇيىق قۇيىلعان شولمەكتەر مەن تاس لاقتىرىپ قارسىلىق كورسەتكەن. كۋاگەرلەردىڭ ايتۋىنشا, يسلاميستەر بولىپ تابىلاتىن شابۋىلداۋشىلارعا جاسىرىنۋدىڭ ءساتى تۇسكەن. قاقتىعىستان 16 ادام زارداپ شەگىپ, ولاردىڭ بىرقاتارى جاقىن جەردەگى اۋرۋحاناعا جىبەرىلگەن.
نوبەل سىيلىقتارى تابىس ەتىلدى
شۆەتسيانىڭ استاناسى ستوكگولمدە نوبەل سىيلىعىنىڭ لاۋرەاتتارىنماراپاتتاۋدىڭ 111-ءشى سالتاناتتى شاراسى وتتى.
2012 جىلدىڭ 9 لاۋرەاتى كورول كارل ءحVى-نىڭ قولىنان فيزيكا, حيميا, فيزيولوگيا جانە مەديتسينا, ادەبيەت پەن ەكونوميكا سالالارىنداعى وراسان زور قىزمەتتەرى ءۇشىن ديپلومدار مەن التىن مەدالدار الدى. فيزيكا بويىنشا فرانتسۋز سەرج اروش پەن امەريكالىق دەۆيد ۆاينلەند لاۋرەات اتانسا, فيزيولوگيا جانە مەديتسينا سالاسىندا جاپون سينيا ياماناكا مەن بريتاندىق دجون گەردون جوعارى اتاقتار يەلەندى. ال حيميا سالاسىنداعى سىيلىقتار امەريكالىقتار روبەرت لەۆكوۆيتس پەن برايان كوبيلكەگە تابىس ەتىلدى. ادەبيەت بويىنشا تۇڭعىش رەت قىتاي وكىلى مو يان لاۋرەات اتاندى.
ءوزى تۋرالى پىكىرلەرگە ريزا ەمەس
2013 جىلعى پارلامەنت سايلاۋىندا وزىنىڭ التىنشى رەت ۇكىمەت باسشىسىلاۋازىمى ۇشىن كۇرەسۋ نيەتى بارىن حابارلاعان يتاليانىڭ بۇرىنعىپرەمەر-ءمينيسترى سيلۆيو بەرلۋسكوني ەۋروپالىق ساياساتكەرلەردىڭ ونىڭشەشىمىنە قاتىستى بىلدىرگەن تەرىس پىكىرلەرىنە ريزا ەمەس.
بىرقاتار ەۋروپالىق ساياساتكەرلەر مەن شەتەلدىك گازەتتەردىڭ مەنىڭ يتاليالىق ساياساتقا قايتا ورالۋىم تۋرالى بىلدىرگەن شامشىل جانە ورىنسىز مىنەز-ق ۇلىقتارى مەن ءۇشىن عانا ەمەس, يتاليالىقتاردىڭ ەركىن تاڭداۋى ءۇشىن دە نامىسقا تيەرلىك, دەپ اتاپ وتكەن 76 جاسار ساياساتكەر. ونىڭ سىرتىندا ول دۇيسەنبى كۇنى يتالياداعى جاڭالىقتار اياسىنداعى قور رىنوكتارىنىڭ رەاكتسياسىن دا الىپساتارلىق ارەكەت دەپ اتاعان.
ساقتىق شارالارىن كۇشەيتتى
وتكەن جۇما كۇنى جاپونيا قورعانىس مينيسترى ساتوسي موريموتو قاتەر تۋعانجاعدايدا كحدر راكەتاسىن قۇلاتىپ تۇسىرۋ جونىندە بۇيرىق بەرگەنبولاتىن.
سولتۇستىك كورەيانىڭ زىمىراندى ۇشىرۋ ۋاقىتى ارالىعىن كەڭەيتۋ تۋرالى حابارىنا بايلانىستى جوعارىدا اتالعان بۇيرىقتىڭ مەرزىمى دە 29 جەلتوقسانعا دەيىن ۇزارتىلاتىن بولدى. ونىڭ سىرتىندا دۇيسەنبىدەن باستاپ جاپونيا پرەمەر-ءمينيسترى مەن وزگە دە شەشۋشى ۆەدومستۆولار باسشىلارى جەرگىلىكتى ۋاقىت بويىنشا 7.00-دەن 12.00-گە دەيىن ۇنەمى ءوز وفيستەرىندە وتىراتىن بولادى. سولتۇستىككورەيالىق زىمىراندى اتىپ ءتۇسىرۋ ءۇشىن ءتورت «پەتريوت» زەنيتالىق-زىمىراندىق كەشەن دايىندىق ساپىنا قويىلعان.
مالي پرەمەرى وتستاۆكاعا كەتتى
اسكەريلەر تۇتقىنعا العان مالي مينيسترلەر كابينەتىنىڭ باسشىسىموديبو ديارا وزىنىڭ وتستاۆكاعا كەتەتىنىن مالىمدەدى.
مالي پرەمەر-ءمينيسترى شەيح موديبو ديارا بۇرناعى كۇنى كەشكىلىك ءوز ۇيىندە ۇستالعان بولاتىن. وزگە مالىمەتتەر بويىنشا شەنەۋنىكتى ەلدەن كەتپەك بولعان كەزدە اۋەجايدا تۇتقىنداعان. اسكەريلەردىڭ ايتۋىنشا, ول فرانتسياعا ۇشىپ بارماق بولعان كورىنەدى. وپەراتسياعا 20-عا جۋىق اسكەري قىزمەتشى قاتىسقان. ولاردىڭ ۇستىمىزدەگى جىلدىڭ ناۋرىزىندا ەلدە بيلىكتى باسىپ العان اسكەري حۋنتانىڭ ليدەرى كاپيتان امادۋ سانوگونىڭ وكىمىن ورىنداعانى بەلگىلى بولىپ وتىر.
ماريحۋانا پايدالانۋعا رۇقسات بەرىلدى
اقش-تىڭ كولورادو شتاتىنىڭ تۇرعىندارى بۇدان بىلاي قاراي وزدەرى پايدالانۋ ءۇشىن ماريحۋانا وسىرە الادى.
وسىلايشا امەريكانىڭ ەكى شتاتىندا ماريحۋانانى وسىرۋگە, ساقتاۋعا جانە شەگۋگە رەسمي تۇردە رۇقسات بەرىلىپ وتىر. دۇيسەنبى كۇنى گۋبەرناتور دجون حيكەنلۋپەردىڭ ءتيىستى زاڭعا قول قويۋى ارقىلى كولورادو ماريحۋانا پايدالانۋعا رۇقسات ەتىلگەن ەكىنشى شتات بولىپ تابىلادى. ايتا كەتۋ كەرەك, 6 قاراشادا ماريحۋانانى زاڭداستىرۋ ماسەلەسى بويىنشا شتاتتا وتكەن رەفەرەندۋمدا جەرگىلىكتى تۇرعىنداردىڭ باسىم كوپشىلىگى بۇل يدەياعا قولداۋ كورسەتكەن بولاتىن. ماريحۋانانى وسىرۋمەن, ساقتاۋمەن جانە پايدالانۋمەن 21 جاستان اسقان ازاماتتار عانا اينالىسا الادى.
گابالين رادارى توقتاتىلدى
رەسەي ازەربايجانداعى گابالين راديولوكاتسيالىق ستانسانى پايدالانۋدى توقتاتتى. بۇل تۋرالى ازەربايجان سىرتقى ىستەر مينيسترلىگىنەن حابارلادى.
حاباردا ايتىلعانداي, ماسكەۋ مەن باكۋ راداردى ارەندالاۋ شارتى تۋرالى ورتاق كەلىسىمگە كەلە الماعان. كەيبىر مالىمەت كوزدەرىنەن بەلگىلى بولعانىنداي, گابالين راديولوكاتسيالىق ستانساسى جۇمىسىنىڭ توقتاۋىنا بايلانىستى رەسەي قىسقا مەرزىم ىشىندە ارماۆيردە «ۆورونەج-دم» ۇلگىسىندەگى راداردى تولىق قۋاتىندا ىسكە قوسۋدى جوسپارلاپ وتىر. تاياۋ ۋاقىتتاردا رەسەي قورعانىس مينيسترلىگى ەسكىرگەن راديولوكاتسيالىق ستانسالاردان مۇلدە باس تارتىپ, ولاردىڭ ورنىنا ءتۇرلى دياپازوندارداعى قازىرگى زامانعى «ۆورونەج» رادارلارىن ورناتپاقشى.
ينتەرنەت ماتەريالدارى نەگىزىندە ازىرلەندى.