يدم ازاماتتىق اۆياتسيا كوميتەتى قازاقستاننىڭ وڭىرلەرى مەن كورشىلەس ەلدەردىڭ قالالارى اراسىنداعى اۋە قاتىناسى بويىنشا جولاۋشىلار تاسىمالى قولجەتىمدىلىگىن قامتاماسىز ەتۋ ءۇشىن بەلسەندى جۇمىس اتقارۋدا. اتاپ ايتقاندا, تاعايىندالعان يراندىق «Pouya Air» اۋە كومپانياسى قر يدم ازاماتتىق اۆياتسيا كوميتەتىنە قازاقستان رەسپۋبليكاسىندا شەتەلدىك تاسىمالداۋشى اككرەديتاتسياسىنان وتۋگە ءوتىنىش بەردى.
«Pouya Air» اۆياكومپانياسى 2019 جىلدىڭ كوكتەمگى-جازعى ناۆيگاتسيا كەزەڭىنەن باستاپ العاش رەت اقتاۋ - گورگان باعىتىندا تىكەلەي حالىقارالىق رەيستەردى ورىنداۋدى جوسپارلاپ وتىر. رەيستەر جيىلىگى اپتاسىنا 2 رەت Embraer-145 اۋە كەمەسىمەن ورىندالماق. رەيستەردى اشۋ الداعى ۋاقىتتا قازاقستان مەن يران اراسىنداعى ءوزارا ساۋدا-ەكونوميكالىق قارىم-قاتىناستى دامىتۋعا مۇمكىندىك بەرەدى. سونداي-اق اقتاۋ قالاسىنىڭ اۋەجايىنا كەلىپ كەتەتىن جولاۋشىلار اعىنىن ارتتىرادى.