ينتەرنەت-ساۋدانى دامىتۋ جاعدايىندا شەتەلدەن ەكسپرەسس-تاسىمالداۋشىلارمەن قازاقستانعا اكەلىنەتىن سالەم-ساۋقاتتار تاپسىرىستارىنىڭ سانى كوبەيىپ كەلە جاتىر. بۇل تۋرالى مەملەكەتتىك كىرىستەر كوميتەتىنىڭ ءباسپاسوز قىزمەتى حابارلادى.
ەكسپرەسس-تاسىمالداۋشىلارمەن اكەلىنەتىن سالەم-ساۋقاتتار جولاۋشىنىڭ كەدەندىك دەكلاراتسياسىن (جكد) بەرۋ ارقىلى دەكلاراتسيالانۋعا جاتقىزىلادى, باجسىز اكەلۋ نورمالارىنان اسقان جاعدايلارىندا كەدەندىك ورگانمەن كەدەندىك كiرiس وردەرi (ككو) راسىمدەلەدى.
سونىمەن جكد-نى جانە ككو-نى شىعارۋ راسىمدەرى بويىنشا قىزمەتتەردى قوسا العاندا كەدەندىك وپەراتسيالاردىڭ بارى اقىسىز نەگىزدە جۇزەگە اسىرىلاتىنىن اتاپ ءوتۋ قاجەت.
سونىمەن بىرگە, اعىمداعى جىلعى 1 قاڭتاردان باستاپ حالىقارالىق پوشتا جونەلتىلىمدەرىمەن جىبەرىلەتىن, سونداي-اق تاسىمالداۋشى جەتكىزەتىن جەكە پايدالانۋعا ارنالعان تاۋارلاردى باجسىز اكەلۋدىڭ نورمالارى كۇنتىزبەلىك 1 ايدىڭ كەزەڭىندە ءبىر جەكە تۇلعانىڭ اتىنا 500 ەۋرونى جانە 31 كيلوگرامدى قۇرايتىنىن ەسكە سالامىز.
بەلگىلەنگەن نورمالار اسقان جاعدايدا, قۇندىق جانە/نەمەسە سالماق نورمالارىنان اسقان بولىگىندە قۇنىنان 30 پايىزدىق, سالماقتىڭ 1 كيلوگرامى ءۇشىن كەمىندە 4 ەۋرو ستاۆكاسى بويىنشا كەدەندىك تولەمدەردى تولەۋ كەرەك.