قازاقستاندىق شەكاراشىلار وتكەن تاۋلىكتە 275 ليترگە جۋىق سپيرتتىك ىشىمدىكتەردى ەل اۋماعىنا زاڭسىز ەنگىزۋگە توسقاۋىل بولدى. بۇل تۋرالى ۇقك شق ءباسپاسوز قىزمەتى حابارلادى.
كەشە قورعاس اۋىلىندا ورنالاسقان حالىقارالىق شەكارا بويى ىنتىماقتاستىعى ورتالىعىنىڭ اۋماعىنان قازاقستانعا قاراي شىعار زالدا شەكارا ناريادى 20 شولمەك (10 ليتر) يەسىز الكوگول ونىمدەرىن (ۆيسكي) تاۋىپ, «التىنكول» كەدەن بەكەتىنە تاپسىردى. سونىمەن بىرگە, ادەتتەگىدەي, قىتايدا شىعارىلعان تاعى 9 كگ ءدارى-دارمەك تابىلدى.
قوردايلىق شەكاراشىلار «مەرسەدەس-بەنتس» (سپرينتەر) اۆتوكولىگىمەن ەلىمىزگە كەلە جاتقان 59 جاستاعى قىرعىز رەسپۋبليكاسىنىڭ ازاماتىنان 12 شولمەك (18 ليتر) شاراپ, 38 جاستاعى قازاقستاندىقتىڭ فولكسۆاگەن پاسسات اۆتوكولىگىنەن 246,6 ليتر اراق تاۋىپ, اكتىلەپ, ۋاقىتشا ساقتاۋ قويماسىنا تاپسىردى. بۇل ازاماتتاردىڭ ىسىمەن قورداي اۋداندىق مەملەكەتتىك كىرىس باسقارماسىنىڭ قىزمەتكەرلەرى اينالىساتىن بولادى.