اقتاۋدا وڭىرلىك كاسىپكەرلەر پالاتاسىنىڭ الاڭشاسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ ۇيىمداستىرۋىمەن «OMV Petrom S.A.» كومپانياسىمەن بيزنەس-كەزدەسۋ بولىپ ءوتتى.
اگەنتتىكتىڭ قولايلى ينۆەستيتسيالىق احۋالدى قالىپتاستىرۋ مەن كاسىپەرلىك سۋبەكتىلەرىن قورعاۋعا قاتىستى اگەنتتىك قىزمەتىنىڭ جاڭا باسىمدىقتارىن باسا ايتىلعان جيىندا بيزنەس-كەزدەسۋ شەڭبەرىندە ينۆەستورلار مەن كاسىپكەرلەر بەلسەندىلىك تانىتىپ, سىبايلاس جەمقورلىققا قارسى قوزعالىستى قولداۋ قاجەتتىگى ايتىلدى.
وبلىس اكىمىنىڭ ورىنباسارى رۋسلان ساكەەۆ ءوز كەزەگىندە ماڭعىستاۋ وبلىسىنىڭ اكىمدىگى اگەنتتىكتىڭ بيزنەستى سىبايلاس جەمقورلىققا قارسى سۇيەمەلدەۋ بويىنشا باستاماسىن قولدايتىندىعىن جانە اكىمشىلىك كەدەرگىلەر انىقتالعان جاعدايدا ولاردى ازايتۋ بويىنشا ءوزارا ءىس-قيمىلعا دايىن ەكەندىكتەرىن جەتكىزدى.
جيىندا كورنەكى قۇرالدار ارقىلى «Protecting business and investments» جوباسى تانىستىرىلدى. سونىمەن بىرگە جوبانىڭ ماقساتى مەن مىندەتتەرىنە, جوبا شەڭبەرىندە كەلىپ تۇسكەن وتىنىشتەرگە جانە 2018 جىلدىڭ قورىتىندىلارى جاريا ەتىلدى.
«OMV Petrom S.A.» كومپانياسىنىڭ باسقارۋشى ديرەكتورى دورين بارۋ وڭىردەگى مۇناي سالاسىن دامىتۋ پەرسپەكتيۆالارى تۋرالى ايتا وتىرىپ, سىبايلاس جەمقورلىققا قارسى سۇيەمەلدەۋ بويىنشا جوبا شەڭبەرىندە ءوزارا ىنتىماقتاستىققا دايىن ەكەندىگىن جەتكىزدى.
كەزدەسۋ اۋماقتىق دەپارتامەنت پەن «OMV Petrom S.A.» مۇناي كومپانياسى اراسىنداعى سىبايلاس جەمقورلىققا قارسى سۇيەمەلدەۋ بويىنشا كەلىسىمگە قول قويۋمەن اياقتالدى.
ايتا كەتۋ قاجەت, وبلىستا جالپى قۇنى 1 ترلن 258 ملرد 610 ملن 212 مىڭ تەڭگەنى قۇرايتىن 18 كومپانيانىڭ جوبالارىن سىبايلاس جەمقورلىققا قارسى سۇيەمەلدەۋ جۇزەگە اسىرىلۋدا.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى