«ورال-اتىراۋ» باعىتىنداعى جولاۋشىلار اۆتوبۋسى جول-كولىك اپاتىنا ۇشىرادى

اتىراۋ وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جول-كولىك وقيعاسى يندەر-اتىراۋ تاس جولىندا ورنالاسقان كوكتوعاي اۋىلى ماڭىندا بولعان. اپات سالدارىنان ءۇش ادام قازا تاپتى. اۆتوبۋستا بولعان 43 ادامنىڭ 15-ءى بالالار. بالالاردىڭ اراسىندا قازا تاپقاندار جوق.

اتىراۋ وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى xابارلاعانداي, اپاتقا ۇشىراعان 15 ادام اتىراۋ وبلىسىنىڭ مەديتسينالىق مەكەمەلەرىنە اكەلىندى. دارىگەرلەردىڭ ايتۋىنشا, 5ادام اتىراۋ وبلىستىق اۋرۋxاناسىنا جەتكىزىلدى. وسىنشا ادام ماحامبەت اۋدانىنىڭ ورتالىق اۋداندىق اۋرۋحاناسىنا جانە 4 ادام يندەر اۋدانىنىڭ ورتالىق اۋداندىق اۋرۋحاناسىنا ەمدەۋگە تىركەلدى.

قازىرگى ۋاقىتتا بارلىق مەديتسينالىق قىزمەتتەر زارداپ شەككەندەردى قابىلداۋعا دايىن. وقيعا ورنىندا 10 جەدەل جاردەم بريگاداسى جۇمىس ىستەدى. ءموبيلدى دارىگەرلىك امبۋلاتوريا ورنالاستىرىلعان.

اۋدان اكىمدىگى توتەنشە جاعداي بولعان اۆتوبۋس جولاۋشىلارىنا ىستىق تاماق ۇيىمداستىردى, ۇيلەرىنە جەتكىزۋ ءۇشىن كولىك دايىندادى. پسيحولوگ زارداپ شەككەندەرمەن جۇمىس ىستەيدى. وبلىستىق دەنساۋلىق ساقتاۋ باسقارماسىندا اتاپ وتكەندەي, ولاردىڭ دەنساۋلىعىنا قاۋىپ جوق.

جولاۋشىلار مەن ولاردىڭ جاي-كۇيى تۋرالى قاجەت اقپاراتتى الۋ ءۇشىن 98 02 92, 8778 0072021 تەلەفوندارى تاۋلىك بويى بايلانىستا. اپاتتىڭ سەبەپتەرىن تەرگەۋ جۇرگىزەتىن ورگاندار انىقتاۋدا. الدىن-الا تەرگەۋ قازاقستان رەسپۋبليكاسى قىلمىستىق كودەكسىنىڭ 345-بابىنىڭ 4-تارماعى - «كولىك قۇرالدارىن باسقاراتىن تۇلعالاردىڭ جول قوزعالىسى ەرەجەلەرىن بۇزۋ نەمەسە كولىك قۇرالدارىنىڭ جۇمىسىن بۇزۋ» بويىنشا جۇرگىزىلەدى.

باقىتگۇل باباش,

«Egemen Qazaqstan».

اتىراۋ