مارافونعا وزىڭمەن بىرگە 10 دوسىڭدى ەرتە كەل!

ونداعى ماقسات – 2020 جىلى وتەتىن مارافونعا ءدال ەۋروپادا ەلدەرىندەگىدەي 40 مىڭ ادام جيناۋ. 21 ساۋىردە «الماتى-مارافونى» وتەدى, ال بۇگىن جۇگىرۋ جارىسىنىڭ جاڭا ماۋسىمى ءوز شىمىلدىعىن اشتى.  

سالتانات قازىباەۆا جۇگىرۋگە نيەت بىلدىرۋشىلەردىڭ سانى تۇراقتى تۇردە ءوسىپ كەلە جاتقانىن اتاپ ءوتتى: «تىركەلۋ مەرزىمىن ءبىز ءۇش اپتا بۇرىن باستايمىز. بۇل جەردە قاتىسۋشىلاردىڭ سانىنا شەكتەۋ بار. ءبىر اپتا قالعاندا تىركەۋ اياقتالادى. وسى قىسقى جارىسقا 1 200 ادام تىركەلدى. ۇلكەن مارافونعا دايىندىق رەتىندە بارلىعى ءتورت بىردەي ماۋسىمدىق باسەكەلەر وتكىزۋدى كوزدەپ وتىرمىز».

قىسقى جارىسقا قاتىسقان ءتۇرلى جاستاعى جانە ءتۇرلى ماماندىق يەلەرى 10 شاقىرىمدىق قاشىقتىقتى جۇگىرىپ ءوتتى.

يسحات بەكىشەۆ (54 جاستا): «سپورتپەن شۇعىلدانىپ جۇرگەنىمە بىرنەشە جىل بولدى. ماۋسىمدىق جۇگىرۋ جارىستارىن مەن جاتتىعۋ رەتىندە قاراستىرامىن. وسىنداي سايىستار ادام بالاسىنا كەرەمەت سەزىم سىيلايدى. بىزدەر ءۇشىن بۇل ۇلكەن مەرەكە. مەن ءاردايىم دوستارىم, تانىستارىم جانە ارىپتەستەرىمدى جۇگىرۋگە ۇگىتتەيمىن».

باعلان مانسۇروۆ (18 جاستا): «مەن ستۋدەنتپىن, كوبىنە-كوپ فۋتبول ويناعاندى ۇناتامىن. مارافوندى دا جۇگىرە باستادىم. وسىنداي جارىستار تاماشا كوڭىل-كۇي سىيلايدى».

يانا نازاەن (29 جاستا): «وسىنداي شارالاردا تالاي قىزىقتى ادامدارمەن كەزدەسەسىڭ. بارلىعىنىڭ دا ومىرگە دەگەن كوزقارسى وڭدى. وسىنداي سالاۋاتتى ءومىر سالتىن ۇستانعان ادامدارمەن جۇزدەسۋدىڭ ءوزى ۇلكەن قۋانىش».

سالاۆات سينگاتۋللين (23 جاستا): ء«اۋ باستا دارىگەرلەر ماعان جۇگىرۋگە رۇقسات بەرمەگەن ەدى. دەسەك تە مەن ءوزىمدى ءوزىمنىڭ وڭ جامباسىما كەلەتىن – 21 شاقىرىمدىق قاشىقتىققا جۇگىرەتىن مۇگەدەكتەر سپورتىنىڭ جالعىز الماتىلىق وكىلى شىعارمىن دەپ ويلايمىن. وسى ورايدا, بارشا جۇرتقا ءوز دەنساۋلىعىمىز  – ءوز قولىمىزدا ەكەنىن ەسكەرتە كەتكىم كەلەدى».

ءابسوليۋتتى ەسەپتە العاشقى ورىنداردى مىنا جەلاياقتار يەلەندى: ايەلدەر – اناستاسيا چەرنايا, ساۋلە دوسجانوۆا جانە يۋليا ماكارچۋك. ەرلەر – ميحايل كراسيلوۆ, نۇرىسبەك سەكسەنباي جانە گەننادي زەلەنسكي.

عالىم سۇلەيمەن,

«Egemen Qazaqstan»