«تسيفرلى قازاقستان» باعدارلاماسى عاسىرلار قويناۋىنان جەتكەن باعا جەتپەس مۇراعات قورىن كەلەشەك ۇرپاققا سىنى مەن سىرىن بۇزباي جەتكىزۋدى ماقسات ەتەدى. ال حالىقتىڭ وسىناۋ مول مۇراسىن ساقتاپ قالۋ «ارحيۆ-2025» باعدارلاماسىن جۇزەگە اسىرۋمەن تىعىز بايلانىستا جۇزەگە اساتىن بولادى. وسى ماقساتتا الماتىداعى ورتالىق مەملەكەتتىك ارحيۆىندە وتكەن «ەلەكتروندى قۇجاتتاردىڭ بىرىڭعاي مۇراعاتى» تاقىرىبىنداعى دوڭگەلەك ۇستەلدە قۇندى قۇجاتتاردى ەلەكتروندى ءارى بىرىڭعاي اۆتوماتتاندىرىلعان اقپاراتتىق جۇيەگە كوشىرۋ ماسەلەلەرى تالقىلاندى.
بۇگىندە 1 ميلليوننان استام قورى بار ورتالىق مەملەكەتتىك ارحيۆ ديرەكتورىنىڭ مىندەتىن اتقارۋشى ارنۇر قارىمساقوۆتىڭ ايتۋىنشا, قۇجاتتىق دەرەككوزدەردىڭ تولىققاندى كەشەنىن ساقتاۋ جانە ولاردى جان-جاقتى پايدالانۋ بارىسىندا ساندىق جۇيەنىڭ ءرولى جوعارى. ونىڭ ناتيجەسىندە كوپتەگەن سيرەك قولجازبالاردى ۇزاق ساقتاۋعا ءارى ەجەلگى داۋىرلەردەن قازىرگى زامانعا دەيىنگى كەزەڭدى قامتيتىن وتاندىق جانە شەتەلدىك مۇراعاتتار دۇنيەسىنە ىرگەلى زەرتتەۋلەر جۇرگىزۋگە مۇمكىندىك اشىلادى. قازىرگى تاڭدا مەملەكەتتىك مۇراعاتتاردىڭ ءبىر ميلليونعا جۋىق تاريحي جازبا دەرەكتەرى ىزدەنۋشىلەرگە قولجەتىمدى. الداعى ۋاقىتتا تولعاندىرعان سۇراقتار بويىنشا بىرىڭعاي بايلانىس ورتالىعى ارقىلى قۇجات اينالىمىنداعى ارحيۆ دەرەكتەرى تۋرالى مالىمەت الۋعا بولادى. ال قۇندى قۇجاتتاردىڭ قازىناسىن ساندىق جۇيەگە ەنگىزۋدىڭ ماڭىزدىلىعىنا توقتالعان «InesSoft» جوباسىنىڭ جەتەكشىسى ءاليا بايدۇيسەنوۆا الداعى ۋاقىتتا كەز كەلگەن ىزدەنۋشى ارحيۆ دەرەككوزدەرىنە بىرەگەي ەلەكتروندى قور ارقىلى قاشىقتىقتان قول جەتكىزە الاتىندىعىنا توقتالىپ, بىرقاتار ۇسىنىستارىمەن ءبولىستى.
شاراعا قاتىسقان قازاقستان پرەزيدەنتى ءارحيۆى كينو-فوتو قۇجاتتار مەن دىبىس تاسپالار ورتالىق مەملەكەتتىك ءارحيۆى, عىلىمي-تەحنيكالىق قۇجاتتار ورتالىق مەملەكەتتىك ءارحيۆى, ورتالىق مەملەكەتتىك ءارحيۆى ماماندارى اقپاراتتى ساقتاۋ جانە رەتتەۋدىڭ وڭتايلى جولدارىن قاراستىرۋ تۋرالى پىكىرلەرىن ءبىلدىردى.
ەلۆيرا سەرىكقىزى,
«Egemen Qazaqstan»
الماتى