سۋ قويمالارى قاتاڭ باقىلاۋدا

 قار سۋى مەن تاسقىن سۋلاردى جيناۋ ءۇشىن سۋ قويمالارىن سالۋ جانە رەكونسترۋكتسيالاۋ بويىنشا 26 شاعىن سۋ قويماسىنىڭ قۇرىلىسىن جۇرگىزۋ ارقىلى اۋىل شارۋاشىلىعى اينالىمىنا جاڭا 25,5 مىڭ گەكتار جەر ەنگىزۋ كوزدەلىپ وتىر. ونىڭ ىشىندە, كەنتاۋ قالاسىنداعى شوشقاكول توعانىن, سارىاعاش اۋدانىنداعى داربازاساي سۋ قويماسىن سالۋعا اۋىل شارۋاشىلىعى مينيسترلىگى سۋ رەسۋرستارى كوميتەتىنە ينۆەستيتسيالىق ۇسىنىس بەرىلگەن. ال شوشقاكول توعانى بويىنشا ۇلتتىق ەكونوميكا مينيسترلىگىنىڭ وڭ شەشىمى الىندى. سۋ قويمالارىنا قاتىستى كوميسسيا وتىرىسىندا وبلىس اكىمى ءتيىستى مەكەمەلەرگە وڭىردەگى بارلىق سۋ توعاندارىنا باقىلاۋدى كۇشەيتۋدى تاپسىردى. «سۋارمالى جەرلەردى قال­پىنا كەلتىرۋ باعىتىنداعى كانال­دار­دىڭ رەسپۋبليكالىق مەن­شىك­كە وتكىز­ىلۋى قاجەت. وبلىس­تا­عى بارلىق سۋ قويمالارى مەن توعانداردىڭ جاعداي­ىنا تالداۋ جۇرگىزىلسىن. قاتاڭ تەك­سە­رى­لە­دى. قار سۋى مەن تاسقىن سۋلاردى جي­ناۋ ءۇشىن جوسپارلانعان 26 شاعىن سۋ قويماسىنىڭ جوبالىق-سمەتالىق قۇجاتتارىن مەرزىمىندە ازىرلەپ, قۇرىلىس جۇمىستارى باستالۋى ءتيىس», دەدى وبلىس اكىمى ج.تۇيمەباەۆ. سون­داي-اق ەكس-وبلىس اكىمى جاز مەزگىلىندە ەگىن القاپتارىندا سۋ تاپشىلىعىن جويۋ ماقساتىندا ارنايى ءىس-شارا قابىلداپ, وبلىستىڭ سۋارمالى ەگىستىك القاپتارىنىڭ ۇلعايۋىن قامتاماسىز ەتۋدى تاپسىردى.

بۇل رەتتە سۋ قويمالارى وبلىستىق تو­تەنشە جاعدايلار دەپارتامەنتى تارا­پىنان باقىلاۋعا الىنعان. «وڭىردەگى ەڭ ۇلكەن شاردارا سۋ قوي­ما­­سىنىڭ تولۋ دەڭگەيى 85 پايىز بولسا, كوكساراي سۋ رەتتەگىشىندە – 50 پايىز. بارلىق سۋ قويمالارى بويىنشا كۇندەلىكتى اقپارات الىنىپ, مونيتورينگ جۇرگىز­ىلۋدە. ياعني سۋ قويمالارىندا بوس سۋ قورى جەتكىلىكتى. وزەندەردەگى سۋ دەڭگەيى دە قالىپتى جاعدايدا. بيىلعى جاۋىن-شاشىن مولشەرى نورمادان از. جالپى سۋ تاسقىنى قاۋپى جوق. دەگەنمەن, بارلىق سۋ كوزدەرى قاتاڭ باقىلاۋدا», دەيدى تۇركىستان وبلىسى توتەنشە جاعدايلار دەپارتامەنتى توتەنشە جاعدايلاردىڭ الدىن الۋ ءبولىمىنىڭ باس مامانى يسا ەلەۋسىزوۆ.

عالىمجان ەلشىباي,

«Egemen Qazaqstan»

تۇركىستان وبلىسى