سايرامدا بار سانسىز باب

بۇگىنگى تاڭدا سايرام اۋدا­نىندا 8 تۋريستىك نىسان ور­نالاسقان. ونىڭ 6-ۋى قوناقۇي, «مانكەنت» شيپاجايى جا­نە جەكە مەنشىكتەگى ەمدىك-ساۋىق­­تىرۋ ورتالىعى. سونىمەن قا­تار اۋداندا «سيقىم بابا» كەسە­نەسى مەن «جانىس بابا» ماۆ­­زولەيى بار. 

تۇركىستان وبلىسىنىڭ جانە شىمكەنت قالاسىنىڭ جۇرتشى­لىعى سايرام اۋدانىنداعى اقسۋ وزەنىنىڭ بويىنان ورىن تەپكەن جازعى دەمالىس ورىندارىنا ءجيى كەلەدى. قازىرگى تاڭ­دا ونداي ورىنداردىڭ 14-ءى ماۋ­سىمدىق ۇلگىدە جۇمىس ىستەيدى. 

اۋداندا تۋريستىك مارشرۋت دايىندالعان. اتالعان مار­­شرۋتقا «مانكەنت» شيپا­جايى, «سيقىم بابا» جانە «جانىس بابا» كەسەنەلەرى ەن­گى­­زىلىپ وتىر. تۋريستىك مار­­­شرۋت­­­تاردىڭ بو­يىندا ين­فرا­قۇرىلىمدى جەتىلدىرۋ ماقساتىندا ساي­رام اۋدانى بويىنشا «باتىس ەۋ­روپا-باتىس قىتاي» حالىق­ارالىق كولىك ءدالىزى بويىندا 11 قىزمەت كورسەتۋ نىسانى ورنالاسىپ, قىزمەت كورسەتۋدە. 

اعىمداعى جىلى تۋريزم سا­لا­سىن ەكى باعىتتا دامىتۋ جوسپارلانىپ وتىر. ءبىرىنشىسى − ساۋىقتىرۋ ءتۋريزمى. اۋدان شىمكەنت قالاسىنا جاقىن ورنا­لاسقاندىقتان جانە «باتىس ەۋروپا-باتىس قىتاي» حالىق­ارالىق كولىك ءدالىزى اۋدان ورتا­لىعىنا جاقىن بولۋىنا بايلانىستى, ويىن-ساۋىقتىرۋ جا­نە ەمدىك-ساۋىقتىرۋ ءتۋ­ريزمى جاقسى دامىپ وتىر. وسى جى­لى اقسۋ اۋىلدىق وكرۋ­گىنە قاراستى «اقسۋكەنت 2» اۋى­­­لىندا 3 قاباتتى وڭالتۋ, ساۋىق­­تىرۋ ورتالىعىن ىسكە قوسۋ جوسپارلانعان. جوبانىڭ قۇنى 500,0 ملن تەڭگەنى قۇرايدى. 

ەكىنشىسى − تاريحي-مادەني ەسكەرتكىشتەر. «سايرامدا بار سانسىز باب, وتىراردا وتىز باب, تۇركىستاندا تۇمەن باب, باپتاردىڭ بابى ارىستان باب, ەڭ ۇلكەنى حالەن باب» ەكەنى بارشامىزعا ءمالىم. وسى تۇستا تىلگە تيەك ەتكەن ءجون, 2017 جىلى تۋريستىك مارشرۋت دايىندالىپ, وعان جوعارىدا اتالعان ءۇش نىسان ەنگىزىلگەن. وسى باعىتقا قارامۇرت اۋىلدىق وكرۋگىندە ورنالاسقان, قىتاي تاريحناماسىندا «ساداعى مەن سەمسەرى» قولىنان تۇسپەگەن قاھارمان قولباسشى بولعان حالەن باب جانە كولكەنت اۋىلىندا ورنالاسقان قازاق حانى ابىلاي حاننىڭ بەكىنىسى بولعان «حانقورعان توبەسىن» تۋريستىك مارشرۋت تىزىمىنە ەنگىزىپ, ولاردى جان-جاقتى ناسيحاتتاۋ, جارنامالاۋ جۇمىستارى جۇرگىزىلىپ جاتىر.

داۋرەن دۇيسەباەۆ

تۇركىستان وبلىسى, سايرام اۋدانى