جاس بوكسشىمىز تۋريزم ەلشىسى اتاندى

2016 جىلى رەسەيدىڭ سانكت-پەتەر­بۋرگ قالاسىندا وتكەن بوكستان جاس­تار اراسىنداعى الەم چەمپيوناتىنىڭ جە­ڭىم­­پازى, ەل بىرىنشىلىگىنىڭ بىرنەشە دۇر­كىن چەمپيونى, 2017 جىلعى قازاق­ستان پرەزيدەنتى كۋبوگىنىڭ يە­گەرى جانە كا­سىپقوي بوكستاعى WBC Youth World Super Welterweight (جاس­تار ارا­سىنداعى الەم چەمپيونى) جاستار جى­لى اياسىندا وتاندىق ءتۋريزمدى ەل ىشىندە جانە شەتەلدە ناسيحاتتايتىن بولادى.  

قازاقستاندىق بوكستىڭ جاڭا جۇلدى­­زىنا اتالمىش سەرتيفيكات­ استانا قا­لاسىندا ورنالاسقان «BEIBARYS» دەمالىس بازاسىندا تابىس­تالدى. بۇل جەردە جاس سپورتشى اتپەن, قاردا جۇرگىش كو­لىكپەن, يت جەگىلگەن اربامەن سەرۋەن­­دەۋ, سونداي-اق اسا تانىمال Counter Strike كوم­پيۋتەرلىك ويىنىنداعى ءدال «de dust 2» كارتاسىنىڭ كوشىرمەسى بولاتىن پوليگوندا پەينتبول ويناۋ جانە باسقا بەل­سەندى دەمالىس مۇمكىندىكتەرىمەن تانىس­تى. 

«بىلتىر ءبىز تانىمال وتانداستارىمىز ارقىلى ەلىمىزدىڭ تۋريستىك الەۋەتىن ناسي­حاتتاۋ ماقساتىندا قازاقستان ءتۋ­ريزمى ەلشىلەرى باعدارلاماسىن ىسكە قوس­قان بولاتىنبىز. ونداعى ماقسات – ەلى­مىزگە جانە شەتەلگە تانىمال تۇلعالار ار­قىلى وتاندىق ءتۋريزمدى ناسيحاتتاۋ مەن ونىڭ دامۋىنا ۇلەس قوسۋ. بيىل جاستار جىلىنىڭ اشىلۋ سالتاناتى كەزىندە ەلباسى جاستار تۋريستىك كلۋبتارىن جاڭعىرتۋ قاجەتتىلىگىن ەرەكشە اتاپ ءوتتى. سوندىقتان جاس بوكس­شى, ەلىمىزدىڭ كوك تۋىن دۇنيە جۇزىنە ابىروي­مەن كوتەرىپ جۇرگەن سادريددين احمەدوۆپەن تولىق­تىرۋدى ءجون كوردىك. سەرتيفيكات تابىستاۋ ورنى رەت­ىندە دەمالىس بازاسىن تاڭداۋ كەزدەيسوق ەمەس, سەبەبى سادريددين ەلشى رەتىندە بەل­سەندى تۋريزم تۇرلەرىن جاستار اراسىندا ناسي­حاتتايتىن بولادى», دەدى «Kazakh Tourism» ۇك» اق باسشىسى راشيد كۇزەمباەۆ. 

ال سادريددين احمەدوۆ تۋريزم ەلشىسى اتانۋ ءوزى ءۇشىن كۇتپەگەن جاڭالىق جانە ۇلكەن جاۋاپكەرشىلىك ەكەنىن ايتادى. سونداي-اق ول ەندىگى ۋاقىتتا سپورتپەن قاتار ەلىمىزدىڭ تۋريزم سالاسىنىڭ ودان ءارى دامىپ, جاقسارۋىنا جاۋاپتىمىن دەيدى. «بوكسشى رەتىندەگى باستى ماقساتىم – كوك تۋىمىزدى بيىك ۇستاپ ءجۇرۋ بولسا, ەلشى رەتىندەگى ماقساتىم – قازاقستان ءتۋريزمىن دامىتۋعا ءسال دە بولسا ءوز ۇلە­سىمدى قوسۋ», دەدى سادريددين احمەدوۆ. سو­نىمەن قاتار كاسىپقوي بوكسشى ءوزىنىڭ دە­مالىسىن قايدا وتكىزەتىنى تۋرالى دا ايتىپ بەردى. «جەكپە-جەك وتكىزەر كەزدە جانە وعان دايىندىق بارىسىندا كوبىنەسە شەتەلدە بولامىن. سوندىقتان ەلگە جەتكەنشە اسىعامىن, ياعني ءوز ەلىمدە دەمالعاندى ءجون سانايمىن. جۋىردا عانا دوستارىممەن بۋرابايدا دەمالىپ قايتتىم», دەدى ول.

ەسكە سالا كەتەيىك, بۇعان دەيىن تا­نى­مال قازاقستاندىق ءانشى ديماش قۇ­داي­بەرگەن العاشقى بولىپ تۋريزم ەلشىسى اتانعان ەدى. وسىعان وراي بىلتىر قىتاي, وڭتۇستىك-شى­عىس ازيا جانە كەيبىر ەۋ­روپا ەل­دەرىندەگى جانكۇيەرلەر مەن مۋزىكا سۇيەر قاۋىم اراسىندا ونىڭ ەرەك­شە تانىمالدىعىن ەسكەرە وتىرىپ, جان­كۇيەرلەر قوزعالىسىنىڭ 10 ەلدەن كەل­گەن جەتەكشىلەرىنىڭ قاتىسۋىمەن «ديماش وتانى» اتتى العاشقى پرومو-تۋر ۇيىم­داستىرىلدى. بۇل تۋردىڭ باعدارىنا ءۇش قالا: استانا – الماتى – اقتوبە كىرگەن بولاتىن. 

«Kazakh Tourism» ۇلتتىق كوم­پانيا­سىنىڭ تۋريزم ەلشىلەرى قاتا­رىندا سادريددين احمەدوۆ پەن ديماش قۇداي­بەرگەننەن بولەك, تانىمال ۇشقىشتار تالعات مۇساباەۆ, يۋري باتۋرين جانە تا­عى باسقا بىرنەشە ەلشى بار. 

ۇلتتىق كومپانيا باسشىسىنىڭ ايتۋىنشا, بيىل تۋريزم ەلشىلەرى ينس­تيتۋتى بەلسەندى تۇردە كەڭەيتىلەدى دەپ جوسپارلانۋدا. سونىمەن قاتار ەلشىلەردىڭ قاتىسۋىمەن قازاقستان ءتۋريزمىن ەل ىشىن­دە جانە شەتەلدە ناسيحاتتاۋ بويىنشا بىرقاتار جوبانى ىسكە اسىرۋ جوسپاردا بار. 

ءالي بيتورە,

«Egemen Qazaqstan»