كۇنگەيدەن تەرىسكەيگە قونىس اۋدارۋشىلار كوبەيىپ كەلەدى

جۋىردا شىمكەنت قالاسىنا ارنايى ىسساپارمەن كەلگەن پاۆ­لودار­لىق دەلەگاتسيا قالالىقتارعا ءوز ۇسى­نىستارىن ايتىپ, تەرىسكەي وڭىرگە جۇمىسقا شاقىردى. 40 شاقتى بوس جۇمىس ورنىن ۇسىنىپ وتىرعان پاۆلو­دار­لىقتار 100-دەن اسا وتباسىن باسپا­نا­مەن قامتۋعا ءازىر ەكەندىكتەرىن اي­تا­دى. ءال-فارابي اۋدانى اكىمدى­گىن­دە جەرگىلىكتى حالىقپەن كەزدەس­كەن قوناق­­تار سولتۇستىككە قونىس اۋدارۋعا ارنال­عان مەملەكەتتىك باع­دار­لامانى ەگجەي-تەگجەيلى ءتۇسىندىردى. 

سونداي-اق قونىس اۋداراتىن وتباسىنا ءبىر رەتتىك جاردەماقى مەن باسپانانى جالعا الۋ اقىسىمەن قوسا كوممۋنالدىق تولەمدەرى دە تولە­نە­تىن­دىگىن جەتكىزدى. بۇل يگى­لىكتى ءىس ناتي­جەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باع­دار­لاماسى اياسىندا جۇزەگە اسادى. 

وتكەن جىلى شىمكەنت قالاسى جۇ­مىسپەن قامتۋ ورتالىعىنىڭ ما­مان­دارى ءوتىنىش بىلدىرگەن 81 وتبا­سى­نىڭ سولتۇستىك قازاقستان, قوستا­ناي, پاۆ­­لودار, شىعىس قازاقستان وب­لىستارى­­نا قونىس اۋدارۋىنا ىقپال ەت­­تى. وسى­­­لايشا جۇمىسقا قابىلەتتى 300-گە جۋىق تۇرعىن تۇراقتى جۇ­مىس­پەن قام­­­­تىلدى, دەيدى ماماندار. ولار بۇ­گىن­دە ءتۇرلى ماماندىق بويىنشا جۇمىسقا ور­نا­لاسىپ, ءتىپتى جەكە كاسىپتەرىن دە دوڭگەلەتىپ وتىر. 

قالالىق جۇمىسپەن قامتۋ ورتالى­عى ماماندارى سونداي-اق قۇنارلى سولتۇستىك وڭىردە ءتورت ت ۇلىكتى تۇلەتۋگە مۇمكىندىك مول ەكەندىگىن ايتادى. بيىل جىل سوڭىنا دەيىن 54 وتباسىن قامتىعان تاعى 200-دەن اسا تۇرعىندى اتالعان وڭىرلەرگە قونىس اۋدارتۋ جوسپاردا بار.

نۇرشات توكەن,

«Egemen Qazaqstan»

شىمكەنت