قازىرگى كەزدە اقپاراتتىق تەحنولوگيالار ادام قىزمەتىنىڭ بارلىق سالالارىنا ەنەدى. بلوكچەين تەحنولوگياسىن سالىق جيناۋ جۇيەسىندە قولدانۋ – ءتورتىنشى ونەركاسىپتىك رەۆوليۋتسيانىڭ ءبىر جاڭالىعى. جالپى, ساندىق تەحنولوگيالار سالىق جانە كەدەن سالاسىن دامىتۋعا زور سەرپىن بەرمەك.
كوكشەتاۋ قالاسىندا قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى بلوكچەين تەحنولوگياسى جانە قوسىلعان قۇن سالىعىنىڭ باقىلاۋ شوتىن پايدالانۋمەن ققس اكىمشىلەندىرۋ مەحانيزمىن ەنگىزۋ ماسەلەلەرى بويىنشا سەمينار وتكىزدى.
سەمينار تۇرعىنداردىڭ ءىرى سالىق تولەۋشىلەرىنە, شاعىن جانە ورتا بيزنەس وكىلدەرى, قوعامدىق بىرلەستىكتەر جانە باسقا دا ۇيىمدار ءۇشىن ارنايى ۇيىمداستىرىلدى. وسى سەمينار جۇمىسىنا قازاقستان رەسپۋبليكاسى مەملەكەتتىك كىرىستەر كوميتەتتىڭ قىزمەتكەرلەرى, ەشف اق, «1س رەيتينگ» جشس, يۋنكتاد بىرىككەن ۇلتتار ۇيىمى وكىلدەرى, اقمولا جانە سولتۇستىك قازاقستان وبلىستارىنىڭ سالىق تولەۋشىلەرى قاتىستى.
سەميناردى اقمولا وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى تاۋكەن وشاقباەۆ اشىپ سەميناردىڭ باعدارلاماسى جانە سەمينارعا قاتىسۋشىلار - قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتىنىڭ لاۋازىمدى قىزمەتكەرلەرى, ەشف اق, «1س رەيتينگ» جشس, يۋنكتاد بىرىككەن ۇلتتار ۇيىمى وكىلدەرىمەن تانىستىردى.
قازاقستان رەسپۋبليكاسى قم مكك وتپەلى مونيتورينگ باسقارماسى باسشىسىنىڭ ورىنباسارى سالتانات ماتكۋلوۆا «ققس باقىلاۋ شوتىن پايدالانۋمەن ققس ەنگىزۋ ەرەكشەلىكتەرى» تاقىرىبىنا ءسوز سويلەدى. ول سالىق تولەۋشىلەرگە ققس اكىمشىلەندىرۋدىڭ جاڭا ادىستەرىمەن جانە BLOCKCHAIN ققس اج جۇمىسىنىڭ ستسەناريمەن تىڭعىلىقتى تانىستىردى.
«Open System Development» جشس باس تالداۋشىسى يرينا ميحەەۆا «ەلەكتروندىق شوت-فاكتۋرا» اقپاراتتىق جۇيەسى جانە «ۆيرتۋالدى قويما» قىزمەتى ونىڭ ىشىندە, سالىق تولەۋشىلەر ققس باقىلاۋ شوتىن پايدالانعاندا تاۋارلاردى ەسەپكە الۋعا قاتىستى ايتىپ بەردى.
سالىق تولەۋشىلەرگە «ۆيرتۋالدى قويما» ەلەكتروندىق جۇيەسى جۇمىسى تۋرالى بەينە روليك كورسەتىلدى.
بۇدان كەيىن باعدارلاما بويىنشا «1-س رەيتينگ» جشس ساراپشىسى ۆيكتوريا گۋسەۆا «1-س سالىق تولەۋشىنىڭ ەسەپ جۇيەسىندە رەسىمدەۋ: ققس باقىلاۋ شوتىن پايدالانۋداعى بۋحگالتەريا» تاقىرىبى بويىنشا ءسوز الدى.
يۋنكتاد بىرىككەن ۇلتتار ۇيىمى ءوفيسىنىڭ ۇيلەستىرۋشىسى ۇمىتگۇل گۋباشەۆا تاۋارلاردى ەلەكتروندىق كەدەندىك دەكلاراتسيالاۋ جانە «استانا-1» اج-نە مالىمەتتەردى بەرۋ تارتىبىنە جان-جاقتى توقتالدى. باستاپقى «استانا-1» اج جۇمىسى تۋرالى ايتتى, سونداي-اق, وسى باعدارلامانىڭ سىرتقى ەكونوميكالىق قىزمەتكە قاتىسۋشالار, سونداي-اق, كەدەندىك وپەراتسيالارمەن اينالىساتىن تۇلعالار ءۇشىن دە ءتيىمدى ەكەندىگىن باسا ايتتى.
قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتى وتپەلى مونيتورينگ باسقارماسىنىڭ باسشىسى عاريفوللا دوسماعامبەتوۆ «Ko`kshe» تەلەراديوكومپانياسىنا ءوز سۇحباتىندا بلوكچەين تەحنولوگياسىن ەنگىزۋدىڭ نەگىزگى ەرەكشەلىكتەرى مەن ارتىقشىلىقتارىن اتاپ ءوتتى.
ولاردىڭ ىشىندە قوسىلعان قۇن سالىعىن قايتارۋ مەرزىمىن قىسقارتۋ, الدىن-الا دەكلاراتسيانى اۆتوماتتى قالىپتاستىرۋ, تەكسەرۋلەردىڭ سانىن ازايتۋ, كولەڭكەلى سحەمالاردى قولدانۋعا بوگەت جاساۋ جانە تاعى باسقالار.
سەمينار بارىسىندا كەلىپ تۇسكەن سۇراقتارعا جان-جاقتى جاۋاپ بەرىلدى.