قىزىلوردا وبلىسىنىڭ پروكۋراتۋراسىندا الاياقتىقپەن كۇرەس ماسەلەلەرىنە ارنالعان ۆەدومستۆوارالىق كەڭەس ءوتتى. وعان 17 وبلىستىق مەملەكەتتىك ورگانداردىڭ جانە ۇيالى بايلانىس وپەراتورلارىنىڭ (Kcell, Beeline, Tele2) باسشىلارى قاتىستى.
جيىندا ءمالىم بولعانداي, بيىلعى جىلدىڭ باسىنان بەرى وڭىردە الاياقتىق فاكتىلەرى قاتتى ارتقان ەكەن. ءبىر ازامات 60-تان استام ازاماتتى جۇمىسقا ورنالاستىرۋعا ۋادە بەرىپ, ارقايسىسىنان 100 مىڭ تەڭگەدەن 200 مىڭ تەڭگەگە دەيىن اقشا العان.
«جالپى كەلتىرىلگەن زالال التى ملن تەڭگەنى قۇرايدى. ول ەلدەن كەتۋگە ارەكەت ەتۋ بارىسىندا شىمكەنت قالاسىنىڭ اۋەجايىندا ۇستالدى», - دەلىنگەن پروكۋراتۋرا مالىمەتىندە.
ۆەدومستۆوارالىق وتىرىس بارىسىندا قازىرگى زامانعى تەحنولوگيالار, اتاپ ايتقاندا, ۇيالى تەلەفوندار مەن ينتەرنەت ارقىلى جاسالاتىن قىلمىسقا قارسى كۇرەس ماسەلەلەرى تالقىلادى.
باقتيار تايجان,
«Egemen Qazaqstan»
قىزىلوردا وبلىسى