وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا تەحنيكالىق رەتتەۋ جانە مەترولوگيا كوميتەتىنىڭ قىزىلوردا وبلىسى بويىنشا دەپارتامەنتىنىڭ باسشىسى ەرقانات كەۋلىمجاەۆ ۇلتتىق ستاندارتتار ازىرلەۋگە ۇسىنىستار جيناقتالىپ جاتقاندىعىن ايتتى.
«توعىز ۇسىنىس ۋاكىلەتتى ورگانعا قاراۋ ءۇشىن جولداندى. ولار: «قۋات» جشس-نەن پوليۆينحلوريدتەن جانە پوليەتيلەننەن دايىندالعان قۇبىرلار تۋرالى 4 ۇسىنىس-ءوتىنىش, «Smart Rubber» جشس-نەن رەزينا ۇنتاقتاعى جانە توپىراق سۋعارۋ ترۋبالارى تۋرالى 2 ۇسىنىس-ءوتىنىش, «ەلەكتورتەحنولوگيا» جشس-نەن اۆتوماتيكالىق باسقارۋ ستانتسياسى جانە ەلەكترودۆيگاتەلدى باسقارۋ ستانتسياسى تۋرالى 2 ۇسىنىس-ءوتىنىش, «ۇلتتىق ساراپتاما ورتالىعى» رمك قىزىلوردا فيليالىنىڭ بيولوگيالىق بەلسەندى قوسپالار مەتوديكاسى تۋرالى 1 ءوتىنىش-ۇسىنىس تۇسكەن», - دەدى ەرقانات كەۋلىمجاەۆ.
سونىمەن قاتار, ونىمدەردى كاتالوگتاۋ جۇمىستارى دا جۇرگىزىلىپ جاتىر.
باقتيار تايجان,
«Egemen Qazaqstan»
قىزىلوردا وبلىسى