جاستارعا قامقورلىق جاساۋدىڭ جاڭا قادامى

− ماحمەتعالي نۇرعالي ۇلى, «نۇر وتان» پارتياسىنىڭ 2030 جىلعا دەيىنگى جاڭا باعدارلاماسى نەلىكتەن قاجەت بولدى دەپ ويلايسىز؟

− 2016 جىلى 29 قاڭتاردا «نۇر وتان» پارتياسىنىڭ XVII سەزىندە «قازاق­ستان-2021: بىرلىك. تۇراقتىلىق. جاسام­پاز­دىق» اتتى سايلاۋالدى باعدار­لا­ما­سى قا­بىل­­دانعان. وتكەن 3 جىلدىڭ ىشىن­دە قا­زاق­ستاندىق قوعامدا بىرنەشە ناق­تى رە­فور­م­ا باستالىپ, جاڭا سترا­تە­گيا­لىق قۇجاتتار (ونىڭ ىشىندە 5 ينس­تيتۋت­تىق رەفورما) قابىلدانىپ, ءار جىل­عى جاريا­لانعان ەلباسىنىڭ قازاق­ستان حال­­قى­نا جولداۋلارىندا «نۇر وتان» پار­­تيا­سىنا جاڭا كۇردەلى تاپ­سىر­­ما­لار بەرىلدى. وسى­عان بايلانىستى پار­­تيا باع­دار­لاما­سىن قابىلدانعان سترا­تە­گيا­لىق قۇ­جات­تار­عا سايكەستەندىرۋ قاجەت­تىلىگى تۋىن­­د­اپ, كە­لەسى ونجىلدىققا 10 ماقساتتى جا­ڭا باع­دار­لامانىڭ جوباسى دايىندالىپ, 27 اق­پاندا وتەتىن «نۇر وتان» پارتيا­سى­نىڭ كەزەكتى XVIII سەزىندە ۇسىنىلاتىن بولادى.

− جاڭا باعدارلامانىڭ نەگىزگى ماقساتى تۋرالى ايتساڭىز؟

– جاڭا باعدارلامانىڭ نەگىزگى ماق­ساتى – ءاربىر قازاقستاندىقتىڭ ءومىر ءسۇرۋ دەڭگەيىن ساپالى ارتتىرۋ ءۇشىن ەلدى جۇيەلى جاڭعىرتۋ. سوندىقتان دا باع­­دارلاما 10 جىلدىڭ ىشىندە ءال-اۋقات­تى قوعامدى قۇرۋعا باعىتتالعان. جال­پى, قوعام ءال-اۋقاتتى بولۋ ءۇشىن, ءار قازاق­ستان­­دىق ازامات, قازاقستاندىق وتباسى اۋقاتتى بولۋى قاجەت. وسىعان باي­لانىس­تى ادامعا باعدارلانۋ مەملەكەت قىز­­مەتىنىڭ بارلىق سالالارىنا ەنۋى ءتيىس.

– باعدارلاما ءبىلىم بەرۋ ماسەلەلەرىن قامتي ما؟

– ەكونوميكالىق ءوسۋ ەڭ الدىمەن ءبىلىم ساپاسىمەن ايقىندالادى. ياعني, جا­ستارى­مىزعا قولجەتىمدى ساپالى بىلىم­مەن قامتاماسىز ەتۋ – پارتيانىڭ نەگىز­گى ستراتەگيالىق ماقساتى رەتىندە ساق­تالادى. وسى ماقساتتى ورىنداۋ ءۇشىن ء«بىلىم – وقىتۋ» پاراديگماسىنان ء«بىلىم – تۇلعانىڭ قالىپتاسۋى» پارا­دي­گ­ماسىنا كوشۋ كوزدەلىپ وتىر. ۋني­ۆەر­سيتەتتەردە ءبىلىم بەرۋ ساپاسىن جاقسارتۋ ماقساتىمەن پارتيا بىرنەشە ناقتى ماسەلەلەرگە نازار اۋدارىپ وتىر. ولارعا ءبىلىم بەرۋ ۇدەرىسىندە قولدان­بالى ءبىلىمنىڭ ءرولىن كوتەرىپ, فۋنك­تسيو­نالدىق ساۋاتتىلىقتى دامىتۋدى, قارقىندى تەحنولوگيالىق جانە عىلى­مي وزگەرىستەر ناتيجەسىندە بولاشاق ماماندىقتاردىڭ ەڭبەك رىنوگىندا سۇرانىسقا قاجەتتىلىگىن زەرتتەۋ, جۇمىس بەرۋشىلەردىڭ قاتىسۋىمەن پانارالىق بايلانىستاردى دامىتۋ نەگىزىندە جاڭا وقۋ باعدارلامالارىن دايىنداۋ, وقۋ پروتسەسىنە تسيفرلى تەحنولوگيالاردى اۋقىمدى ەنگىزۋدى جۇزەگە اسىرۋ, ارتىق ەسەپتىلىك پەن رەگلامەنتتەۋدى ازايتۋ, ىرگەلى عىلىمدى دامىتۋ ءۇشىن جاعداي جاساۋ جاتادى. دامۋ ينستيتۋتتارى قولدانبالى زەرتتەۋلەردى عانا ەمەس, ىرگەلى سيپاتتاعى عىلىمي ازىرلەمەلەردى دە قولداۋى ءتيىس.

− مەملەكەتتىك جاستار ساياساتىن ىسكە اسىرۋدا «نۇر وتان» پارتياسى قانداي ورىن الاتىن بولادى؟

– پارتيانىڭ جاڭا باعدارلاماسى­نىڭ جوباسىندا نەگىزگى ستراتەگيالىق ماقسات – ەلىمىزدە مەملەكەتتىك جاستار سايا­ساتىن جەتىلدىرۋ. بۇگىن­گى جاستارىمىز الدىڭعى بۋىندار­مەن سالىستىرعاندا, تسيفرلى تەحنولوگيالار الەمىمەن تىعىز بايلانىس, جەكەشىلدىككە نۇسقاما, سالاماتتى ءومىر سال­تىنا باعدارلانۋ سەكىلدى بىرقاتار ەرەك­شەلىكتەرمەن سيپاتتالادى. وسى ەرەك­شەلىكتەردى ەسكەرە وتىرىپ, پارتيا جاس­تاردى جان-جاقتى قولداۋدى كۇشەي­تەدى. ناقتى ايتساق, جاستاردى جۇمىسقا ورنالاستىرۋ, جاستاردىڭ بيزنەس-باستامالارى مەن ستارتاپتارىن دامىتۋ جونىندەگى باعدارلامالاردى جۇزەگە اسىرۋ­عا قول جەتكىزۋ, جاستار وكىلدەرىمەن تۇراق­تى كەرى بايلانىس ورناتۋ سىندى اۋقىم­دى شارا­لار پارتيانىڭ نازارىندا بو­لادى. جۇ­مىسقا تۇرماعان جاستاردى الەۋ­مەت­تەن­دىرۋ ءۇشىن جاعداي جاساۋىمىز قاجەت.

پارتيانىڭ نەگىزگى ماقساتى – جاستارعا مەملەكەت تاراپىنان جاسالعان جاعدايدى دۇرىس پايدالانۋعا باعدار بەرۋ. جەر­گى­لىكتى اتقارۋشى ورگاندار بۇگىن جۇزە­گە اسىرىلىپ جاتقان مەملەكەتتىك الەۋ­مەتتىك باعدارلامالاردى جاستار ساياساتى­مەن ۇشتاستىرۋى قاجەت. پارتيا وسى جۇ­مىس­تى باقىلايتىن بولادى. جالپى ايت­قاندا, پارتيانىڭ جاڭا باعدارلاماسى جوعارى وقۋ ورىندارىندا يننوۆاتسيالىق ءبىلىم بەرۋ باعدارلامالارىن ىسكە اسى­رۋعا, جاستاردىڭ ءبىلىم دەڭگەيى مەن ءومىر ءسۇرۋ ساپاسىن جاقسارتۋعا, ولاردىڭ باسە­كەگە قابىلەتتىلىگىن ارتتىرۋعا باعىت­تال­عان. «نۇر وتان» پارتياسىنىڭ جاڭا باع­دار­لاماسىن – جاستارعا قامقورلىق جاساۋدىڭ جاڭا قادامى دەپ قابىلدايمىز.

حاميت ەسامان, 

«Egemen Qazaqstan»

جامبىل وبلىسى