رەسەيدىڭ «گازەتا.Ru» باسىلىمى فۋتبولدان سول مەملەكەتتىڭ پرەمەر-ليگاسىنداعى قىسقى ترانسفەردىڭ ۇزدىك وندىعىنىڭ رەيتينگىن جاريالادى. سول تىزىمدە 20 جاستاعى قازاقستان قۇراماسىنىڭ جارتىلاي قورعاۋشىسى باقتيار زاينۋتدينوۆ تا بار.
«تاراز» فۋتبول مەكتەبىنىڭ تۇلەگى بىلتىرعى ماۋسىمدا «استانانىڭ» جەيدەسىن كيگەن بولاتىن. قوس كوماندانىڭ نامىسىن قورعاعان كەزدەرى ورەلى ونەرىمەن كوزگە تۇسكەن ول قازاقستاننىڭ ۇلتتىق قۇراماسىنا قابىلداندى. باس كوماندامىزدىڭ ساپىندا 9 مارتە جاسىل الاڭعا شىعىپ, 3 گول سوقتى. سول ارالىقتا بىرنەشە اتالىمدار بويىنشا ءتۇرلى جۇلدەلەرگە يەلىك ەتتى. بيىل زاينۋتدينوۆ «روستوۆقا» اۋىستى. رەسەيلىك باسىلىم باقتياردىڭ دونداعى روستوۆ قالاسىندا جاساقتالعان كلۋبقا اۋىسۋىن ەڭ ءساتتى قىسقى ترانسفەرلەردىڭ ءبىرى دەپ اتادى. بۇل تىزىمدە ايتۋلى فۋتبولشىعا 9 ورىن بۇيىرعان ەكەن.
«توپ-10» ويىنشىنىڭ قاتارىندا كىرگەندەردىڭ تولىق ءتىزىمى مىناداي:
1. سەردار ازمۋن, «زەنيت»
2. ياروسلاۆ راكيتسكي, «زەنيت»
3. ۆيلمار بارريوس, «زەنيت»
4. لۋكاس ايرتون, «سپارتاك»
5. ماكسيم گلۋشەنكوۆ, «سپارتاك»
6. دميتري سكوپينتسەۆ, «كراسنودار»
8. انتون زينكوۆسكي «كرىليا سوۆەتوۆ»
8. حۆيچي كۆاراتسحەليا «لوكوموتيۆ»
9. باقتيار زاينۋتدينوۆ «روستوۆ»
10. باكاري كونە «ارسەنال» (تۋلا).
عالىم سۇلەيمەن,
«Egemen Qazaqstan»