2019 جىلعى 21 اقپاندا قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ القا ءماجىلىسى ءوتتى. وندا كوميتەتتىڭ 2019 جىلعا ارنالعان نەگىزگى مىندەتتەرى تىڭدالدى.
2018 جىلدىڭ قورىتىندىسى بويىنشا كوميتەت جەتەكشىلىك ەتەتىن بارلىق ونەركاسىپ سالالارى بويىنشا ونەركاسىپ ءوندىرىسى كولەمىنىڭ ءوسىمى بايقالادى. تاۋ-كەن سەكتورىندا تەمىر كەنىن ءوندىرۋ كولەمى 6,5%,ء تۇستى مەتالداردى ءوندىرۋ كولەمى 4,3%, كومىر مەن ليگنيت ءوندىرۋ 2,5% ءوستى.
«وڭدەۋ ونەركاسىبىندە مەتاللۋرگيادا ءوسىم 2,2% (سونىڭ ىشىندە ءتۇستى مەتاللۋرگيادا 5,4%), ماشينا جاساۋدا 14,4%(ماشينا جاساۋ سالالارىنىڭ اراسىنداعى ەڭ ۇلكەن ءوسۋ ديناميكاسى اۆتوموبيل جاساۋدا (40,4%) جانە ەلەكتروتەحنيكالىق ماشينا جاساۋدا (33,4%)) حيميا ونەركاسىبىندە 8,1%, قۇرىلىس ماتەريالدارىندا 0,2%, فارماتسەۆتيكادا 0,9%, جەڭىل ونەركاسىپتە 4,4%, رەزەڭكە جانە پلاستماسسا بۇيىمدارىندا 3,1%, قاعازدا 4,9%, جيھاز وندىرىسىندە 1,3% ءوسىم بولدى», - دەدى القا ءماجىلىسى بارىسىندا كوميتەت توراعاسىنىڭ ورىنباسارى قانات بايتوۆ.
كوميتەت جۇرگىزگەن جۇيەلى, سونداي-اق ونىڭ قىزمەتىنىڭ بارلىق سالالارى بويىنشا ناقتى جۇمىستار تۋرالى ايتىلدى. اتاپ ايتقاندا, ونەركاسىپ سالالارىن دامىتۋ, ونەركاسىپتى تسيفرلاندىرۋ (تاۋ-كەن مەتاللۋرگيا كەشەنى, كومىر ونەركاسىبى, ماشينا جاساۋ, حيميا جانە فارماتسەۆتيكا ونەركاسىبى, قۇرىلىس يندۋسترياسى جانە اعاش وڭدەۋ ونەركاسىبى, جەڭىل ونەركاسىپ), جەرگىلىكتى قامتۋدى دامىتۋ, ونەركاسىپتىك قاۋىپسىزدىك, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ, ەكسپورتتىق باقىلاۋ جانە ليتسەنزيالاۋ, حالىقارالىق ىنتىماقتاستىق (سونىڭ ىشىندە وەسر, ەاەو جانە دسۇ), ينۆەستيتسيالىق جوبالاردى ىسكە اسىرۋ مونيتورينگى, اەا جانە يندۋستريالىق ايماقتاردى دامىتۋ ماسەلەلەرى بار.
القا ءماجىلىسى اياسىندا ۆەدومستۆولىق باعىنىستى كاسىپورىنداردىڭ جۇمىس قورىتىندىلارى جانە 2019 جىلعا ارنالعان جوسپارلار تىڭدالدى. ولاردىڭ قاتارىندا «ەلەكتر ەنەرگەتيكاسى جانە ەنەرگيا ۇنەمدەۋ ينستيتۋتى (قازاقەنەرگياساراپتاما)», «ينفەكتسياعا قارسى پرەپاراتتاردىڭ ۇلتتىق ورتالىعى» اق, «مينەرالدى شيكىزاتتى كەشەندى قايتا وڭدەۋ جونىندەگى ۇلتتىق ورتالىق» رمك جانە قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ قاراعاندى وبلىسى بويىنشا اۋماقتىق دەپارتامەنتى بار.
2019 جىلى يندۋستريا مەن ونەركاسىپتى ودان ءارى دامىتۋ ماقساتىندا كوميتەت جوبالاردى ىسكە اسىرۋدى جانە جۇيەلىك شارالاردىڭ شەشىمدەرىن قامتيتىن كەشەندى دامۋ جوسپارلارىن جانە جول كارتالارىن ازىرلەيتىن بولادى.