قوستاناي وبلىسىندا كاسىپكەر كوپ بالالى وتباسىنا باسپانا سىيلادى

«بۇگىن قولىم جەتىپ وتىرعان مىنا ءتورت بولمەلى ءۇيدى ماڭايلاپ وتكەن سايىن «شىركىن, ساتىپ الار مۇمكىندىگىم بولسا عوي!» دەپ ارمانداپ ءجۇرۋشى ەدىم. بىراق ونداي قارجىنى جيناۋ قولىمنان قايدان كەلسىن؟ مىنەكەي, بۇگىن ءبىزدىڭ وتباسى ءۇشىن ارمان-تىلەكتىڭ ورىندالعان كۇنى! جاناشىرلارعا العىسىم شەكسىز» دەيدى وتاعاسى اندرەي.

ء«بىزدىڭ كومپانيا كوپ بالالى وتباسىعا قول ۇشىن سوزدى. بارلىق كاسىپكەردى, شاعىن جانە ورتا بيزنەس وكىلدەرىن وسىنداي كوپ بالالى وتباسىلارعا كومەكتەسۋگە شاقىرار ەدىم. قولداۋعا مۇقتاج, جاعدايى از مۇنداي شاڭىراقتار نازاردان تىس قالماۋى ءتيىس دەپ ەسەپتەيمىن» دەدى ءۇيدىڭ كىلتىن تاپسىرىپ تۇرىپ سەرىكتەستىك ديرەكتورى سەرگەي كيم. كاسىپكەر بۇل ءۇيدى ءاپ دەگەننەن سميرنوۆتار وتباسىنا ارناپ ساتىپ العان جوق. پارتيانىڭ اۋداندىق فيليالى, اكىمدىك ادىسكەرلەرى جانە توتەنشە جاعداي ءبولىمى قىزمەتكەرلەرى بىرىگىپ, از قامتىلعان وتباسىلاردىڭ تۇرعىلىقتى جەرلەرىن ارالاپ, ساراپتاما جاساعان. قورىتىندىسىندا سميرنوۆتاردىڭ ءۇيى ەڭ ناشار بولىپ تانىلىپ, باسپانا كىلتىن وسى وتباسىعا بەرۋ ۇيعارىلىپتى.

تاران اۋدانىندا جىل باسىنان 20 اقپانعا دەيىن ءجۇز وتباسىعا كومەك كورسەتىلگەن. وعان 826 900 تەڭگە جۇمسالىپتى. 86 وتباسى ازىق-ت ۇلىك, 6 جانۇيا وتىن, 4 ءۇي اقشالاي كومەك العان. جەرگىلىكتى باسشىلىق بۇل باعىتتاعى جۇمىستىڭ جالعاسىن تاباتىنىن ايتتى.

ەسكە سالا كەتسەك, ەلباسىنىڭ تاپسىرماسىمەن ەلىمىزدە الەۋمەتتىك سالانى جەتىلدىرۋ بويىنشا اۋقىمدى جۇمىستار ءجۇرىپ جاتىر.»نۇر وتان» پارتياسى جانىنان بالالار قۇقىعىن قورعاۋ جونىندەگى رەسپۋبليكالىق كەڭەس قۇرىلعان ەدى. سول ورگاننىڭ جوسپارىنا ساي ايماقتا اتقارىلىپ جاتقان جۇمىستاردىڭ ءبىر پاراسى دەپ وسى توبىل ەلدى مەكەنىندەگى يگى شارانى اتاۋعا بولادى.

ءنازيرا جارىمبەت,

«ەگەمەن قازاقستان»

قوستاناي