تۇركىستان وبلىسى بايدىبەك اۋدانىنىڭ اكىمى باقىتبەك تاناگوزوۆ يراندىق «Farاdid Meehan» كومپانياسىنىڭ حالىقارالىق بايلانىس جونىندەگى ديرەكتورى ابدولرەزا شوحۋد تالابپەن كەزدەستى. سونداي-اق, كەزدەسۋگە «Source Invest Company» جشس-ڭ باقىلاۋشىلار كەڭەسىنىڭ توراعاسى ورالبەك بۇل تۋرالى بوتباي قاتىستى. تۇركىستان وبلىسى اكىمىنىڭ ءباسپاسوز قىزمەتى حابارلادى.
يراندىق ينۆەستورمەن كەزدەسۋدە اۋدان باسشىسى الداعى ۋاقىتتا ىنتىماقتاستىق اياسىندا تىعىز جۇمىس جاسايتىنىن جەتكىزدى. ءوز كەزەگىندە يراندىق ابدولرەزا شوحۋد باستاپقىدا اۋدانعا 10 ملن. اقش دوللارى كولەمىندە ينۆەستيتسيا سالىپ, كىرپىش زاۋىتىن اشىپ, ىنتىماقتاستىق ورناتۋعا دايىن ەكەنىن ايتتى. ەكى جاقتى كەزدەسۋ ناتيجەسىندە, بايدىبەك اۋدانىنىڭ اكىمدىگى مەن يراندىق «Farاdid Meehan» كومپانياسى جانە “سپك “ تۇركىستان اق فيليالى اراسىنداعى مەموراندۋم ءتۇزىلدى.
اتالعان قۇجات اياسىندا بايدىبەك اۋدانى بورالداي اۋىلدىق وكرۋگىندەگى يندۋستريالدى ايماقتان 5 گا جەر ءبولىنىپ, كىرپىش زاۋىتىنىڭ قۇرىلىسى جۇرەتىن بولادى.
ايتا كەتەرلىگى, يراندىق ينۆەستور اۋداننان سوعىلاتىن زاۋىتتا كىرپىشتىڭ 7 ءتۇرىن شىعارماق. وندا 200-گە جۋىق ادام جۇمىسپەن قامتىلىپ, زاۋىتتان 1 ايدا 4-5 ملن. دانا, جىلىنا 60-70 ملن. دانا كىرپىش وندىرىلەتىن بولادى. يراندىق ينۆەستور الداعى جىلى قوسىمشا 10 ملن. اقش دوللارى كولەمىندە ينۆەستيتسيا قۇيىپ, 200 كوتتەدجدىك جاڭا قالاشىق سالماق.