ورالدىق وقۋشىلار گونكونگ ۋنيۆەرسيتەتىنىڭ گرانتىنا يە بولدى

– گونكونگ پوليتەxنيكالىق ۋنيۆەرسيتەتىندە وقۋ اعىلشىن تىلىندە جۇرەدى. ولار الەم بويىن­شا بايقاۋ جاريالاپ, تالاپتى جاستاردى ىزدەيدى. بيىلعى باي­قاۋدىڭ العاشقى كەزەڭى 2018 جىلى قاراشانىڭ 20-دا باستالدى. ءبىزدىڭ وقۋشىلار قۇجاتتارى مەن ەمتيxان ناتيجەلەرىن سول كەزدە تاپسىردى. بۇل بايقاۋعا قاتىسىپ, گرانت يەگەرى اتانۋ ءۇشىن بىرقاتار xالىقارالىق ەمتيxان ناتيجەلەرىمەن قوسا ءارتۇرلى با­عىتتاعى ديپلومداردىڭ بولۋىن تالاپ ەتەدى. ورالدىق وقۋشىلار «SAT» اتتى ستاندارتتالعان الەم­دىك ەمتيxان ناتيجەلەرىن جى­بەر­گەن ەدى. بارلىق قۇجاتتى قا­بىلداپ العان سوڭ 2 اپتادان كەيىن ۋنيۆەرسيتەت پروفەسسورلارى ورالدىق وقۋشىلارعا حابارلاسىپ, Skype ارقىلى سۇحبات الدى. اڭگىمە بارىسىندا تالاپكەردىڭ وي-ءورىسى, تاڭداۋى, بولاشاق ماماندىعى تۋرالى ءارتۇرلى سۇراق قويىلدى. ويتكەنى تالاپكەردىڭ گرانتقا يە بولۋى ونىڭ جوعارى اكادەميالىق ۇلگەرىمىنە عانا بايلانىستى ەمەس. اڭگىمەلەسۋ كەزىندە ءوزىن جاقسى جاعىنان كورسەتكەنى دە ەسەپكە الىنادى – دەيدى ورالداعى نازارباەۆ زيات­كەرلىك مەكتەبىنىڭ ءباسپاسوز حاتشىسى ايدانا حاميدۋللينا.

گونكونگ پوليتەxنيكالىق ۋنيۆەرسيتەتىنىڭ گرانت بايقاۋىنا قاتىسۋشىلارعا جان-جاقتى ساراپتامادان وتكەن سوڭ اقىلى تۇر­دە وقۋعا ۇسىنىس, جارتىلاي گرانت نەمەسە تولىق گرانت ۇسى­نى­لادى. ورالدىق ءۇش وقۋشى دا تولىق گرانتقا يە بولعان. بۇل ستۋ­دەنتتىڭ وقۋ اقىسىن, جاتاق­xانانىڭ تولەماقىسىن قامتيدى. سونىمەن قاتار اي سايىن جولاقى جانە باسقا شىعىنداردى وتەۋگە شاكىرتاقى بەرىلەدى.

– مەنىڭ تاڭداعان ماماندىعىم – «Food Safety and Technology» دەپ اتالادى. بۇل ماماندىق يەسى ءارتۇرلى مەكەمەدەگى تاعامداردىڭ قاۋىپسىزدىگىن سانيتارلىق ستان­دارتتارعا سايكەستىگىن تەكسەرۋ­مەن اينالىسادى. قاۋىپسىز ازىق-ت ۇلىكپەن قامتاماسىز ەتۋدە بۇل ماماندىقتىڭ ماڭىزى زور. ۋني­ۆەرسيتەت بىتىرگەن سوڭ زەرت­حانادا عىلىمي ىزدەنىستەر جۇر­گىزۋ, قوناقۇي نەمەسە مەي­رام­xانالاردىڭ تاعامدارىن تەكسەرۋ باعىتىندا قىزمەت ات­قا­رۋ, ليتسەنزيالاۋ مۇمكىندىگى بار, – دەيدى ءمادينا مۇراتوۆا.

«زياتكەرلىك مەكتەپ وقۋ­شى­لارىنىڭ شەتەل ۋنيۆەر­سيتەتتەرى گرانتى ءۇشىن قۇجات تاپسىرۋ جۇ­مىسى جالعاسۋدا. تۇلەكتەر اسى­رەسە اقش, فينليانديا, ۆەن­گريا, يسپانيا, تۇركيا جانە ج­ا­پونيا ەلدەرىندەگى وقۋ ورىندا­رىنا با­سىمدىق بەرىپ وتىر», دەي­دى مەك­تەپتىڭ كاسىپتىك باعىت-باع­دار بەرۋ بويىنشا كەڭەسشىسى ناريمان يشمۇحامبەتوۆ.

ايتا كەتەيىك, 2017-2018 وقۋ جىلى ورالداعى زياتكەرلىك مەك­تەپتى تامامداعان 85 تۇلەكتىڭ 33-ءى اقش, ۇلىبريتانيا, فين­ليان­­ديا, يتاليا, قىتاي, تۇر­كيا, ۆەن­گريا, اۋستريا ەلدەرىن­دەگى ۋني­­ۆەرسيتەتتەردىڭ گرانتىنا يە بولعان.

قازبەك قۇتتىمۇرات ۇلى,

«Egemen Qazaqstan»

باتىس قازاقستان وبلىسى