اقش-تىڭ اۋە كومپانيالارى قازاقستانعا بيىل ۇشا الادى

«مەملەكەت باسشىسىنىڭ تاپسىرماسىن ورىنداۋ ماقساتىندا اقش-قا ۇشۋلاردى جۇزەگە اسىرۋ ءۇشىن قۇقىقتىق بازا بەكىتىلدى. بۇگىنگى كۇنى قازاقستان مەن جاپونيا اراسىندا قۇقىقتىق بازا بار جانە ول ەلدەر اراسىندا اپتاسىنا 14 رەيس جيىلىگىمەن رەيستەردى اشۋعا مۇمكىندىك بەرەدى. اعىمداعى جىلى جاپونيا مەن اقش-قا مۇنداي رەيستەردى اشۋ ءۇشىن وتاندىق كومپانيالارعا مەملەكەتتىك قولداۋ كوسەتۋ ماسەلەلەرىن تالقىلايتىن بولامىز», - دەدى ول مينيسترلىكتىڭ كەڭەيتىلگەن القا ماجىلىسىندە.

وسى ورايدا, القا ماجىلىسكە توراعالىق ەتىپ وتىرعان قر ۇكىمەت باسشىسىنىڭ ءبىرىنشى ورىنباسارى اسقار مامين باستاپقى كەزەڭدە بۇل رەيستەردىڭ شىعىنعا باتاتىندىعىن ايتىپ, ولاردى سۋبسيديالاۋ ماسەلەسىن شەشۋ قاجەتتىگىن ەسكەرتتى.  

«قازىر رەيستەردى سۋبسيديالاۋ ءۇشىن قۇجاتتار توپتاماسىن جاساپ جاتىرمىز. جاپونيامەن كەلىسىمگە قول قويىلعان جانە ەكىنشى جارتىجىلدىقتا بۇل ەلگە تىكەلەي رەيس اشامىز. ۇشۋلاردى ەير استانا ورىندايدى. ال اقش-قا قاتىستى ايتار بولسام, ازاماتتىق اۆياتسيا كوميتەتىمىز بەن ەير استانا قاۋىپسمىزدىك كريتەريلەرىنە سايكەس امەريكانىڭ اۆياتسيالىق بيلىگىنىڭ اۋديتىنەن ءوتۋى قاجەت. بۇل شامامەن 2 جىل ۋاقىتتا الادى. ءبىرىنشى كەزەڭدە شەتەلىدك كومپانيا تارتىلۋى مۇمكىن. وسىلايشا, امەريكالىق اۋە كومپانيالارى وسى جىلدان باستاپ قازاقستانعا ۇشۋلاردى ورىنداۋعا مۇمكىندىگى بار. ال ءبىز اقش-قا 2021 جىلى ۇشا الامىز»,- دەدى وسى رەتتە ر.سكليار.

اتالعان ماسەلەگە قاتىستى پىكىر بىلدىرگەن ەير استانا اۋە كومپانيايسىنىڭ پرەزيدەنتى پيتەر فوستەر بۇل پروتسەستى جەدەلدەتۋگە دە مۇمكىندىك بار ەكەندىگىن ايتتى.

«اسىرەسە, اقش ىشكى قاۋىپسىزدىك دەپارتامەنتىنىڭ ماقۇلداۋىن الۋ ۇزاق پروتسەسس. كەلىسسوزدەر قازىردىڭ وزىندە باستالدى. بۇل ماسەلەدە مينيسترلىكپەن تىعىز جۇمىس جاساپ جاتىرمىز. نيۋ-يورك رەيستەرىن ارالىق پۋنكتەر ارقىلى جۇزەگە اسىرۋ نۇسقاسى قاراستىرىلىپ جاتىر. بۇل دا كوممەرتسيالىق تاسىمالداۋداۋلار تۋرالى قوسىمشا كەلىسىمگە قول قويۋدى تالاپ ەتەدى. دەگەنمەن, بارلىعى جوسپارعا ساي بولسا, وندا كەلەسى جىلدان باستاپ ۇشۋلاردى باستاۋدى كوزدەپ وتىرمىز», - دەدى پ.فوستەر.