«الەۋمەتتىك مەديتسينالالىق ساقتاندىرۋ قورى» كەاق ينفەكتسيالىق اۋرۋلارمەن قالاي كۇرەسۋگە بولاتىنىن حابارلادى.
«الەۋمەتتىك مەديتسينالالىق ساقتاندىرۋ قورى» كەاق مالىمەتىنە سايكەس, ينفەكتسيالىق اۋرۋلار كوبەيىپ, ەمدەۋ مەكەمەلەرىنە تۇسۋشىلەر سانى ارتىپ كەلەدى. دەرەكتەرگە سۇيەنسەك, 2018 جىلدىڭ قورىتىندىسى بويىنشا استانا قالاسىندا ەرەسەكتەر اراسىندا 1965 ناۋقاس جوعارعى تىنىس جولدارىنىڭ جەدەل قابىنۋى, 690 – قوزدىرعىشتارى بەلگىلى جەدەل تونزيلليت, 81 - قوزدىرعىشتارى بەلگىسىز جەدەل تونزيلليت دياگنوزدارىمەن تىركەلگەن.
بالالار اراسىندا 6 819 - قوزدىرعىشتارى بەلگىسىز تىنىس جولدارىنىڭ جەدەل ينفەكتسياسى, 266 - قوزدىرعىشتارى بەلگىلى جەدەل تونزيلليت, 470 - قوزدىرعىشتارى بەلگىسىز جەدەل تونزيلليت, 32 - جوعارعى تىنىس جولدارى ينفەكتسياسى دياگنوزدارىمەن تىركەلگەن.
«2019 جىلى ينفەكتسيالىق اۋرۋلاردى ەمدەۋ ءۇشىن قالالىق ينفەكتسيالىق اۋرۋحاناعا 827,4 ملن تەڭگە, بالالار ينفەكتسيالىق اۋرۋحاناسىنا 1 545,6 ملن تەڭگە ءبولىندى. بۇل, جالپى العاندا, 2,3 ملرد قارجى, وتكەن جىلمەن سالىستىرعاندا 0,3 ملرد سوماعا كوپ» دەدى امسق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
ينفەكتسيالىق اۋرۋلاردىڭ تۇماۋ, جەل شەشەك, قىزىلشا, روتوۆيرۋستى ينفەكتسيا, ت.ب. تۇرلەرى وتە كوپ. ءار ينفەكتسيالىق اۋرۋدىڭ ءوز ۆيرۋستارى, باكتەريالارى, ت.س.س. قوزدىرعىشتارى بار. ينفەكتسيالىق اۋرۋلاردىڭ ەڭ قاۋىپتىسى, تولىق ەمدەلمەسە اعزانىڭ باسقا دا اۋرۋلارىن قوزدىرىپ جىبەرەدى. سوندىقتان ينفەكتسيالىق اۋرۋلاردان ساقتانۋ جولدارىن بىلگەن ءجون.
قازىرگى ساتتە ماۋسىمدىق احۋالعا بايلانىستى سۋىق تيۋ, تۇماۋ, باسپا, تىنىس جولدارى سىرقاتتارى ءجيى كەزدەسەدى. بەلگىلەرى جاعىنان ۇقسايتىندىقتان بولار, كوپشىلىك سۋىق تيۋ مەن تۇماۋدى شاتاستىرىپ جاتادى. سۋىق تيگەندە ادام اعزاسى ونى ءوزى دە جەڭە الادى. كەيدە ەلەۋلى اسقىنۋلار بولۋى مۇمكىن, ارينە. دەگەنمەن, يممۋندىق جۇيەنى نىعايتۋ جانە سۋىق تيۋ مەن تۇماۋدىڭ العاشقى بەلگىلەرى بىلىنىسىمەن قولدى جۋ, تىنىس الۋ جولدارىن (مۇرىن, تاماق) شايۋ, ياعني گيگيەنانى, تازالىق شارالارىن ساقتاي وتىرىپ, ساۋىقتىرۋ شاراسىن جۇرگىزىپ, كەز كەلگەن اسقىنۋلاردى بولدىرماۋعا بولادى.