العاشقى مىسالدى كورشىلەس رەسەيدەن باستاساق, قازىرگى ۋاقىتتا 2016 – 2020 جىلدارعا ارنالعان «تۇرعىن ءۇي» فەدەرالدىق نىسانالى باعدارلاماسى 5 باعىتتا جۇمىس ىستەيدى. ءبىر ءبولىمى رەتىندە جاس وتباسىلاردى تۇرعىن ۇيمەن قامتاماسىز ەتۋ بەكىتىلگەن. بۇدان باسقا, مەملەكەت تۇرعىن ءۇي قۇرىلىسىنىڭ شەڭبەرىندە قۇرىلىس سالۋشىلار قىزمەتىن «رەسەي وتباسىنا ارنالعان تۇرعىن ءۇي» كىشى باعدارلاماسى شەڭبەرىندە ىنتالاندىرادى.
ال تۇركيا 2011 جىلدىڭ سوڭىندا تابىسى ورتاشا ازاماتتار ءۇشىن شامامەن 202 مىڭ, تۇرمىسى تومەن جانە كەدەي وتباسىلار ءۇشىن 140 مىڭ ءۇي سالدى. تۇرعىن ءۇي قۇرىلىسىن دامىتۋ جونىندەگى باسقارماسى 2023 جىلعا قاراي تۇركيادا شامامەن 500 مىڭ تۇرعىن ءۇي سالۋدى جوسپارلاپ وتىر. سونىمەن قاتار تۇراقتى تابىسى جوق نەمەسە تابىسى تومەن حالىقتىڭ از قامتاماسىز ەتىلگەن توپتارى ءۇشىن الاڭى 45-تەن 65 شارشى مەترگە دەيىن, جالعا بەرىلەتىن, اي سايىنعى تولەم مولشەرى 80 اقش دوللارىن قۇرايتىن − 20 جىل ىشىندە وتەۋ مەرزىمىمەن تۇرعىن ءۇي بەرۋ كوزدەلگەن. بۇل رەتتە تۇرعىن ۇيگە اقى تولەۋ قونىستانعاننان سوڭ 2 جىلدان كەيىن عانا جۇرگىزىلەدى.
شۆەيتساريا فەدەرالدىق, كانتونالدىق جانە مۋنيتسيپالدىق دەڭگەيلەردە قوعامدىق مۇقتاجدىق ءۇشىن تۇرعىن ءۇي سالاتىن ۇيىمدار قۇرۋدى جانە ولاردىڭ جۇمىس ىستەۋىن قولدايدى. سونىمەن بىرگە مەملەكەت جەڭىلدىكتى قارىزدار, سۋبسيديالار, سالىقتىق پرەفەرەنتسيالار, تومەن باعامەن جەر ۋچاسكەلەرىن بەرۋ, كەپىلدىكتەر بەرۋ ارقىلى ولاردىڭ قىزمەتىن ىنتالاندىرادى.
بەلارۋس ەلىنىڭ تۇرعىن ءۇي ساياساتى 2016 – 2020 جىلدارعا ارنالعان «تۇرعىن ءۇي قۇرىلىسى» مەملەكەتتىك باعدارلاماسىنا سايكەس جۇرگىزىلەدى. باعدارلاما جەڭىلدەتىلگەن نەسيەلەر مەن سۋبسيديالار تۇرىندە مەملەكەتتىك قولداۋدى الۋعا قۇقىعى بار ازاماتتار ءۇشىن تۇرعىن ءۇي سالىپ, ينجەنەرلىك جانە كولىكتىك ينفراقۇرىلىمى بار نەمەسە وسىنداي اۋماقتارعا بارىنشا جاقىن ايماقتا جەر ۋچاسكەلەرىن بەرۋ ارقىلى جەكە تۇرعىن ءۇي قۇرىلىسىن دامىتۋ باعىتتارى بويىنشا جۇمىس ىستەيدى.
قارلىعاش قۇرامىس,
«Egemen Qazaqstan»