وتكەن جىلى الماتى وبلىسىنىڭ ءبىلىم سالاسىن قولداۋعا بيۋدجەتتەن 163,7 ملرد تەڭگە قارجى بولىنگەن ەكەن. قازىر ايماقتاعى 760 مەكتەپتە 390087 بالا ءبىلىم الۋدا. ەسەپتى جىل ىشىندە وقۋشىلاردىڭ سانى 17052 بالاعا كوبەيىپتى. بۇل دەرەكتەردى بۇگىن تۇرعىندار الدىندا ەسەپ بەرگەن وبلىس اكىمى اماندىق باتالوۆ جاريا ەتتى.
- وبلىستاعى وقۋشىلار سانىنىڭ ۇزدىكسىز ءوسۋى ءبىلىم سالاسىنداعى جۇمىستى شيراتا ءتۇسۋ كەرەكتىگىن بىلدىرەدى. بۇگىندە وبلىس بويىنشا 3 اۋىسىمدى مەكتەپتەر سانى – 34. وتكە نوقۋ جىلىندا ءبىز 9 مەكتەپتى جاڭادان سالىپ, 28 ءبىلىم مەكەمەسىنە كۇردەلى جوندەۋ جاسادىق. بۇل جۇمىسقا 7,7 ملرد تەڭگە جۇمسالدى. الايدا, ايماقتاعى بال تۋ كورسەتكىشىنىڭ جوعارلاۋى مەن كوشى-قون ءۇردىسىنىڭ ءوسۋى بالالاردى مەكتەپپەن قامتۋعا ۇلگەرتپەي جاتىر, - دەدى اكىم.
جالپى, وبلىس مەكتەپتەرىنىڭ 2018-2019 وقۋ جىلىندا ماتەريالدىق-تەحنيكالىق بازاسىن نىعايتۋعا 966,8 ملن تەڭگە, ونىڭ ىشىندە 823 ملن تەڭگە مۋلتيمەديالىق جابدىق ساتىپ الۋعا بولىنگەن. ەسەپ بويىنشا وبلىس مەكتەپتەرىن كىتاپتار قورى مەن كومپيۋتەرلىك تەحنيكا جابدىعىمەن اقمتۋ ۇلەسى 100 پروتسەنتكە جەتكەن. قازىر ايماقتاعى 256 مەكتەپتە جاراتىلىستانۋ-ماتەماتيكالىق باعىتتاعى پاندەردى اعىلشىن تىلىندە وقىتۋ پيلوتتىق رەجيمدە جۇرگىزىلۋدە. مۇنان بولەك 48 مەكتەپتە روبوتوتەحنيكا كابينەتتەرى اشىلىپ, وندا 1442 وقۋشى ءبىلىم الىپ وتىر.
- ءبىلىم ساپاسىنا قاتىستى بۇدان ءبىر جىل بۇرىن سىن ايتىلعان بولاتىن. قازىر وڭ ناتيجە بايقالادى. اسىرەسە, وقۋشىلاردىڭ ۇبت سىناعىندا كورسەتكەن ۇلگەرىمىندە ىلگەرلەۋ بار. 2018 جىلى ورتاشا بالل 85,1 پوتسەنتتى قۇرادى, ال 2017 جىلى بۇل كورسەتكىش 77 پروتسەنتتەن اسپاعان بولاتىن, -دەدى اماندىق باتالوۆ.
قالماحانبەت مۇقامەتقالي,
«Egemen Qazaqstan»
الماتى وبلىسى