قازاقستان ۇلتتىق بانكى توراعاسىنىڭ ورىنباسارى ولەگ سمولياكوۆ «تسەسنابانك» اق-تىڭ قارجىلىق تۇراقتىلىعىنا بايلانىستى تۇسىنىكتەمە جاسادى. بۇل تۋرالى قازاقستان ۇلتتىق بانكىنىڭ ءباسپاسوز قىزمەتى حابارلادى.
قازاقستان ۇلتتىق بانكى توراعاسىنىڭ ورىنباسارى ولەگ سمولياكوۆ «تسەسنابانك» اق-تىڭ قارجىلىق تۇراقتىلىعىنا بايلانىستى ۇكىمەت پەن قازاقستان ۇلتتىق بانكى ىسكە اسىرعان شارالار كەشەنى جانە «تسەسنابانك» اق-قا جاڭا ينۆەستور تارتۋ بانكتى قالىپقا كەلتىرۋگە مۇمكىندىك بەردى» دەدى باق-تىڭ سۇراقتارىنا تۇسىنىكتەمەسىندە.
«قازىرگى ۋاقىتتا بانكتە قازاقستان ۇلتتىق بانكىنىڭ ەڭ تومەنگى تالاپتارىنان اساتىن كاپيتالداندىرۋ جانە وتىمدىلىك كورسەتكىشتەرى بار. «تسەسنابانك» اق وتىمدىلىگى جوعارى اكتيۆتەردىڭ ەلەۋلى قورىنا يە, بۇل بانككە كليەنتتەر مەن كرەديتورلار الدىنداعى ءوز مىندەتتەمەلەرىن تولىق كولەمدە ورىنداۋعا مۇمكىندىك بەرەدى. سونىمەن قاتار, بانك مىندەتتەمەلەرىنىڭ كوپشىلىگى بانكتى قورلاندىرۋدىڭ تۇراقتى بازاسىمەن قامتاماسىز ەتە وتىرىپ, ۇزاق مەرزىمدى سيپاتقا يە. بۇنى بانك وبليگاتسيالارىنىڭ دەپوزيتتەرگە اراقاتىناسى كورسەتىپ وتىر, ول جۇيە بويىنشا 20%-دان اسپايتىن ورتاشا كورسەتكىشتەن بىرنەشە ەسە ارتىق. سونىمەن قاتار, «تسەسنابانك» اق كرەديت پورتفەلىنىڭ قۇنسىزدانۋىنان بولعان بارلىق ىقتيمال شىعىنداردى وتەۋ ءۇشىن جەتكىلىكتى سوماعا قوسىمشا پروۆيزيا قالىپتاستىردى. سونداي-اق «تسەسنابانك» اق بۇرىن قازاقستان ۇلتتىق بانكى ۇسىنعان تۇراقتاندىرۋ قارىزىن تولىق كولەمدە وتەدى. وسىلايشا, «تسەسنابانك» اق تولىق قالىپقا كەلتىرىلىپ, ادەتتەگى رەجيمدەگى قىزمەتىن جۇزەگە اسىرۋدى جانە كليەنتتەرى مەن سالىمشىلارى الدىنداعى مىندەتتەمەلەرىن ورىنداۋدى جالعاستىرادى» دەدى توراعا ورىنباسارى ولەگ سمولياكوۆ.