ۇلى دالانىڭ ۇكىلى ءۇرجارى

مىنە, كۇن سايىن وركەن جايىپ كەلە جاتقان اۋدان جۇرتشىلىعى جاقىندا ءوڭىردىڭ قۇرىلعانىنا 90 جىل تولۋىن الاكولدىڭ جاعا­سىنداعى قابانباي اۋىلىندا اتاپ ءوتتى. قابانباي اۋىلىندا جاڭادان اشىلعان  ساۋلەتتى مادەنيەت ۇيىنە تۇرعىندار مولىنان جينالدى.

كوڭىلدى مۋزىكا مادەنيەت ۇيىندە شالقىپ تۇر. جاڭا عيما­رات­تىڭ ىشىندە « ۇلى دالانىڭ جەتى قىرى», « ۇلى دالانىڭ ۇكى­لى ءۇرجارى», ء«ۇرجار حانشا­يىمى», اۋداننىڭ دامۋىنان سىر شەرتەتىن ايشىقتى جازۋلار مەنمۇندالايدى. مادەنيەت ۇيىندەگى مۇراجاي ىشىندە ەلباسىنىڭ « ۇلى دالانىڭ جەتى قىرى» اتتى ماقالاسىندا ايتىلعان ۇلتتىق قۇندىلىقتاردى ار­داق­تاۋ جونىندە ايتىلعان جادى­گەر­لەردىڭ بارلىعى كورىنىس تاپ­قان. بۇل ءوڭىر بولاشاقتا حالىق­ارالىق تۋريزم ورتالىعى بولماق. وعان مىسال جەتكىلىكتى. وبلىس اكىمى د.احمەتوۆتىڭ قامقور­لىعى­مەن سوڭعى ەكى-ءۇش جىلدا عانا الاكول ادام تانىماس­تاي وزگەردى. تەك بىلتىردىڭ وزىن­دە الىس-جاقىن ەلدەردەن الا­كولگە 700 مىڭنان استام تۋريست كەلىپ, دەمالعان, سۋى ادام اعزاسىنا اسا پايدالى كول سۋىنا شومىلعان. اۋداندى سوڭعى التى جىل بويى ىسكەرلىكپەن باسقارىپ كەلە جاتقان, بۇعان دەيىن زايسان, كاتونقاراعاي اۋداندارىنا باسشىلىق جاسا­عان «قۇرمەت» وردەنىنىڭ يەگەرى, اۋىل شارۋاشىلىعى سالاسىن بەس ساۋساعىنداي مەڭگەرگەن سەرىك زاينۋلدين تاياۋداعى ءۇش جىلدا الاكولدىڭ ينفراقۇرىلىمىن دامىتۋعا تاعى 12 ميلليارد تەڭگە بولىنگەنىن ايتتى. 

– اۋداننىڭ قۇرىلعانىنا 90 جىل تولۋىنا ارنالعان سالتاناتتى شارانى ەل تاۋەلسىزدىگى ءۇشىن شايقاسىپ, ەلى مەن جەرىنىڭ تۇتاستىعى ءۇشىن جانىن پيدا ەتكەن قابانباي بابامىز اتىنداعى اۋىلدا وتكىزىپ وتىرعانىمىزدا ۇلكەن ءمان بار, – دەدى اۋدان اكىمى سەرىك زاينۋلدين. – اتال­عان اۋىل الاكولدىڭ جاعاسىن­دا ورنالاسقان. اۋىل ادام تانىماس­تاي وزگەردى. ءۇرجار حانشايى­مى­نىڭ ماكەتىن مۇراجايعا قويۋ ويدا بار. اۋدان ەكونوميكاسى جەدەل دامىپ كەلەدى. تاۋەلسىزدىك جىلدارى اۋدانىمىزدا 23 مەكتەپ, 1 بالاباقشا, 4 ەمدەۋ مەكەمەسى, بىرنەشە سپورت ءمودۋلى, 2 ستاديون, 3 مادەنيەت ءۇيى, 15 اۋىلدىق كلۋب, 8 كىتاپحانا پايدالانۋعا بەرىلدى. تاۋەلسىزدىكتىڭ العاشقى جىلدارى  وڭىردەگى ونەركاسىپ كولەمى 166 ميلليون تەڭگە بولسا, بىلتىر جىل سوڭىندا 4,2 ميلليارد تەڭگەنى قۇرادى نەمەسە 25 ەسەگە ءوستى. ال اۋداننىڭ نەگىزگى باعىتى اۋىل شارۋاشىلىعى ءونىمى 54 ميلليارد 390 ميلليون تەڭگەگە جەتىپ, 74 ەسەگە ءوستى.

ءۇرجاردىڭ سپورتى جايلى ءسوز قوزعاعاندا, وليمپيا ويىندارىنا قاتىسىپ, تاماشا ونەر كورسەتكەن اسەت مامبەتوۆ, دار­حان باياحمەتوۆ, اسەت يمانباەۆ, قىس­قى سپورتتىڭ ساڭلاقتارى دياس كەنەشەۆ, وكسانا ياتسكايا, ساعدات سادىقوۆ, دۋمان ال­ديەۆ, قۋانىش سالىقباەۆ, شالقار جولامانوۆ, ايبەك اتاجانوۆ, ايدار قايىرباەۆ, ەرلان سىلامباەۆ, ەركەبۇلان قوساەۆ, المات كەبىسباەۆ, دار­حان ورىكباەۆ, جاقىندا عانا وتكەن الەم چەمپيوناتىندا كۇ­مىس­پەن كۇپتەلگەن ەرلان سەرىك­جانوۆ, تاعى باسقالاردى ماقتان تۇتامىز. ولاردىڭ بارلىعى الەم چەم­پيوناتتارى مەن حالىقارالىق جارىستاردا توپ جارعان ماقتاۋلى ازاماتتار.

بۇدان كەيىن قۇتتىقتاۋ ءسوز «سەرپەر» مەملەكەتتىك جاس­تار سىيلىعىنىڭ لاۋرەاتى, مادە­نيەت سالاسىنىڭ ۇزدىگى, «قازاق­ستان­نىڭ 100 جاڭا ەسىمى» جوبا­سىنىڭ جۇلدەگەرى, اقىن ەرجان جۇمابەككە ء تيىپ, ول جەرلەستەرىنە ارناعان ءوز ولەڭىن وقىپ بەردى.

جيىن سوڭى « ۇلى دالا­نىڭ ۇكىلى ءۇرجارى» اتتى مە­­رە­كەلىك كونتسەرتكە ۇلاستى. اسىرەسە تەاترلاندىرىلعان كورىنىس ەرەك­شە اسەرلى بولدى. شوۋعا قا­تىس­قان جۇزدەن استام ونەر­پازداردىڭ ءسان-سالتاناتى كەلىس­كەن, كوزدىڭ جاۋىن الاتىن كيىمى مەن ونەرى كوپشىلىكتى ءتانتى ەتتى. قابانباي اۋىلىندا باتىر­دىڭ رۋحىنا ارنالىپ اس بەرىلدى. قاجى­عالي مۇقانوۆتىڭ پەساسى بو­يىنشا «قاراكەرەي قابان­باي» سپەك­تاكلى قويىلدى. 

وڭداسىن ەلۋباي,

ارداگەر-جۋرناليست

شىعىس قازاقستان وبلىسى, ءۇرجار اۋدانى