ءماجىلىس دەپۋتاتتارىنىڭ ايماقتارعا جۇمىس ساپارى جالعاسۋدا. حالىق قالاۋلىلارى وبلىستاردىڭ شالعاي اۋىلدارىنا دەيىن بارىپ, جەرگىلىكتى تۇرعىندارمەن, ەڭبەك ۇجىمدارىمەن كەزدەسىپ, مەملەكەتتىك باعدارلامالاردىڭ ماقسات-مىندەتتەرىن جانە زاڭ شىعارۋ ۇدەرىسىنىڭ جاي-جاپسارىن ءتۇسىندىرىپ جاتىر, دەپ حابارلادى ءماجىلىستىڭ ءباسپاسوز قىزمەتى.
اتىراۋ وبلىسىنا جۇمىس ساپارى بارىسىندا ءماجىلىس دەپۋتاتتارى امانگەلدى داۋرەنباەۆ, اسىلبەك سماعۇلوۆ جانە باقىتگۇل حامەنوۆا جىلىوي اۋدانىنىڭ ورتالىعى قۇلسارى قالاسىندا «جىلويمۇنايگاز» مۇناي-گاز ءوندىرۋ باسقارماسىنىڭ تىنىس-تىرشىلىگىمەن تانىستى.
دەپۋتاتتار مەملەكەت باسشىسى بەلگىلەگەن ەكونوميكالىق ءوسىمنىڭ جاڭا مودەلىن جاساۋعا مۇمكىندىك بەرەتىن ەلىمىزدىڭ ەكونوميكالىق دامۋىنىڭ نەگىزگى باسىمدىقتارى تۋرالى جانە ءماجىلىستىڭ زاڭ شىعارۋشىلىق قىزمەتى جونىندە كەڭىنەن اڭگىمەلەپ, ءوندىرىس قىزمەتكەرلەرىنىڭ سۇراقتارىنا جاۋاپ بەردى.
* * *
ءماجىلىس دەپۋتاتتارى تۇركىستان وبلىسىنا ساپارى اياسىندا «نۇر وتان» پارتياسى, وتىرار اۋداندىق فيليالىنىڭ كەزەكتەن تىس كونفەرەنتسياسىنا قاتىستى.
جيىنعا قاتىسۋشىلار ەلىمىزدەگى نەگىزگى ساياسي كۇش – «نۇر وتان» پارتياسىنىڭ قۇرىلعانىنا 20 جىل تولعانىن ەرەكشە ايتا كەلىپ, ۇيىم ەلباسى, پارتيا توراعاسى نۇرسۇلتان نازارباەۆتىڭ تاپسىرماسىن باسشىلىققا الا وتىرىپ, زامان تالابىنا ساي جاڭا بيىكتەردى باعىندىرىپ كەلە جاتقانىنا توقتالدى.
ءماجىلىس دەپۋتاتى مايرا ايسينا باستاۋىش پارتيا ۇيىمدارى ءاردايىم پارتيانىڭ العى شەپتەگى قوزعاۋشى كۇشى بولعاندىقتان, ولارعا جۇكتەلەتىن جاۋاپكەرشىلىكتىڭ دە زور ەكەنىن العا تارتا كەلىپ, ۇيىمنىڭ 20 جىل ىشىندەگى جەتىستىكتەرىنە توقتالدى.
* * *
ال دەپۋتاتتار ارمان قوجاحمەتوۆ, سنەجاننا يماشەۆا, ولگا شيشيگينا جانە قۇرالاي قاراكەن قوستاناي وبلىسىنىڭ قارابالىق اۋدانىندا ءىرى مال بورداقىلاۋ الاڭى بار «استىق يندۋسترياسى» اگروحولدينگىنىڭ جۇمىسىمەن تانىستى.
«استىق يندۋسترياسى» اگروحولدينگىنىڭ باس ديرەكتورى داۋلەت احمەتقاليەۆتىڭ ايتۋىنا قاراعاندا, الداعى ۋاقىتتا كومپانيا 5 مىڭ توننا ەت ءوندىرىپ, 2 مىڭ تونناسىن سىرتقا جونەلتۋدى مەجەلەپ وتىر. شارۋاشىلىقتا تسيفرلى تەحنولوگيالار دا كەڭىنەن قولدانىلۋدا. «اقىلدى ەت فەرماسى» ء وز تيىمدىلىگىن كورسەتىپ, شىعىندى ازايتۋعا مۇمكىندىك بەردى. ءىرى قاراعا ارنالعان ارنايى ازىق بەرۋ جۇيەسى دە قۇراستىرىلعان.
* * *
ءماجىلىس دەپۋتاتى, «نۇر وتان» پارتياسى فراكتسياسىنىڭ مۇشەسى ءابدىماناپ بەكتۇرعانوۆ الماتى وبلىسىنا جۇمىس ساپارى بارىسىندا ەسكەلدى اۋدانىنداعى گەس-2 قۇرىلىس الاڭىندا بولدى.
دەپۋتات وتكەن جىلدىڭ قازان ايىندا باستالعان قۇرىلىس جۇمىستارى بارىسىمەن تانىسىپ, قۇرىلىسشىلارمەن جانە ەنەرگەتيكالىق كومپانيا وكىلدەرىمەن كەزدەستى.
جاڭا ەلەكتر ستانساسىنىڭ ماڭىزدىلىعىن اتاپ وتكەن ءماجىلىس دەپۋتاتى ونىڭ ىسكە قوسىلۋى ايماقتاعى ەلەكتر قۋاتىنىڭ قۇنىن تومەندەتۋگە كومەكتەسەتىنىنە سەنىم ءبىلدىردى.
* * *
سولتۇستىك قازاقستان وبلىسىنا ساپارى بارىسىندا دەپۋتاتتار يرينا ارونوۆا, سەرىك قۇسايىنوۆ, اباي تاسبولاتوۆ, يرينا ۋنجاكوۆا, تاراس حيتۋوۆ جانە يۋري تيموششەنكو كيروۆ اتىنداعى زاۋىتتىڭ ەڭبەك ۇجىمىمەن كەزدەستى.
قازىرگى ۋاقىتتا زاۋىت تەمىرجول اۆتوماتيكاسى, تەلەمەحانيكا, بايلانىس جانە تەمىرجول كولىگى ءۇشىن قاۋىپسىزدىك جۇيەلەرى قۇرالدارىن جاسايدى. بۇدان باسقا, تسيفرلى تەلەديدارعا ارنالعان, مەديتسينالىق مەكەمەلەر ءۇشىن جابدىقتار, مۇناي-گاز كەشەنى ءۇشىن ونىمدەر جانە بايلانىس قۇرالدارىن شىعارادى.
كەزدەسۋ بارىسىندا دەپۋتاتتار ەلباسى نۇرسۇلتان نازارباەۆتىڭ باستامالارىنىڭ ماڭىزدىلىعىنا توقتالىپ, ولاردىڭ ىشىندە وتاندىق وندىرۋشىلەردى قولداۋ, يننوۆاتسيالىق جانە سەرۆيستىك سەكتورلاردى دامىتۋعا باعىتتالعان جۇمىستارىن ەرەكشە اتاپ ءوتتى.
* * *
«نۇر وتان» پارتياسى جۋالى اۋداندىق فيليالىنىڭ كەزەكتەن تىس كونفەرەنتسياسىنا ءماجىلىس دەپۋتاتتارى باقىتجان ەرتاەۆ, ساپار احمەتوۆ, سەرىك سەيدۋمانوۆ, فاحريددين قاراتاەۆ, سونداي-اق پارتيا ارداگەرلەرى, جۋالى اۋداندىق ماسليحاتىنداعى دەپۋتاتتىق فراكتسيا مۇشەلەرى جانە باق وكىلدەرى قاتىستى.
كونفەرەنتسيادا ءتورت ماسەلە قارالىپ, ءتيىستى شەشىمدەر قابىلداندى.
* * *
ال باتىس قازاقستان وبلىسى قازتالوۆ اۋدانىندا ءماجىلىس دەپۋتاتتارى مارات بوپازوۆ پەن ارتۋر پلاتونوۆ 2017 جىلى «نۇرلى جەر» باعدارلاماسى بويىنشا سالىنعان ۇيلەردى ارالاپ كوردى.
بۇدان سوڭ ءماجىلىس دەپۋتاتتارى «رۋحاني جاڭعىرۋ» جوبالىق كەڭسەسىندە اۋدان جاستارىمەن كەزدەستى. سونىمەن قاتار اۋدان ورتالىعىنداعى جاڭادان جابدىقتالعان بالالار شىعارماشىلىعى جانە جاڭا تەحنولوگيالار ورتالىعىندا اتقارىلىپ جاتقان جۇمىستارمەن تانىستى.