بۇگىن وتىرار اۋدانىنا ماجىلىس دەپۋتاتى, حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى, مەملەكەت جانە قوعام قايراتكەرى قۋانىش سۇلتانوۆ ارنايى ىسساپارمەن كەلدى.
بار عۇمىرىن حالىققا قىزمەت ەتۋگە ارناعان, كەشەگى كەڭەستىك كەزەڭ مەن تاۋەلسىزدىك جىلدارىندا ۇلتىمىزدىڭ رۋحاني وسۋىنە ەرەكشە ۇلەس قوسقان قوعام قايراتكەرى اۋدانداعى ءىس – ساپارىن وتىرار مۋزەيىن تاماشالاۋدان باستادى. جاڭارىپ, جاسارعان, سوڭعى تەحنولوگيامەن جابدىقتالعان مۋزەيدى ارالاپ, ارنايى كىتاپشاعا قولتاڭباسىن قالدىرعان حالىق قالاۋلىسى وتىرارلىق حالىقپەن كەزدەستى. وتىرار مەن تۇركىستاننىڭ قازاق تاريحىندا الاتىن ورنىن, رۋحانياتىنا قوسقان ۇلەسىن, ەلىمىزدىڭ ىشكى جانە سىرتقى ساياساتىن سارالاپ, ەلباسىمىزدىڭ ەڭبەكتەرىنە توقتالعان قۋانىش سۇلتان ۇلى ارداگەرلەر مەن زيالى قاۋىم وكىلدەرى جانە جاستاردىڭ تولعاندىرعان ساۋالدارىنا ەگجەي – تەگجەيلى جاۋاپ بەردى.
جيىندى اشىپ, جۇرگىزىپ وتىرعان اۋدان اكىمى ەرلان ايتاحانوۆ ەلدىڭ وركەندەۋ جولىندا ءار سالادا قىزمەت اتقارعان حالىقتىڭ جادىندا اقپارات ءمينيسترى, دارىندى ديپلومات, زاڭ شىعارۋشى دەپۋتات رەتىندە ورنى بار قۋانىش سۇلتانوۆقا وتىرارلىقتار اتىنان «وتىرار جادىگەرلەرى» البوم – كىتاپتى تارتۋ ەتىپ, الداعى جۇمىستارىنا تابىس تىلەدى.
كەزدەسۋدەن سوڭ ءماجىلىس دەپۋتاتى «وتىرار ءسۇت - ەت» وندىرىستىك كووپەراتيۆىنىڭ جۇمىسىمەن تانىستى.
وتىرار اۋدانى اكىمىنىڭ ءباسپاسوز قىزمەتى