بۇگىن يتالياداعى XXV قىسقى وليمپيادا ويىندارىندا تاۋ شاڭعىسىنىڭ سۋپەر گيگانت باعدارلاماسىنان جۇلدەگەرلەردىڭ ەسىمى بەلگىلى بولدى, دەپ جازادى Egemen.kz.
ەل اتىنان بۇل باسەكەدە الەكساندرا سكوروحودوۆا جارىس جولىنا شىعىپ, تورتجىلدىقتىڭ باستى دوداسىندا دەبيۋت جاسادى.
تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتىنىڭ مالىمەتىنشە, بۇگىن جارىس بارىسىندا اۋا رايىنىڭ قولايسىزدىعىنا بايلانىستى 17 سپورتشى مارەگە جەتە الماعان. ول تىزىمدە 7 وليمپيادا چەمپيونى مەن 1 الەم چەمپيونى بار. دەسە دە وتانداسىمىز الەكساندرا سكوروحودوۆا مارە سىزىعىن 25-ءشى بولىپ كەسكەن.
تاۋ شاڭعىسى جارىسىندا جەرگىلىكتى يتاليالىق سپورتشى فەدەريكا برينونە التىن مەدال يەلەنسە, فرانتسيا وكىلى روماني ميرادولي ەكىنشى تۇعىردان كورىنگەن. ۇزدىك ۇشتىكتى اۋستريا سپورتشىسى كورنەليا حيۋتتەر تۇيىندەگەن.
قازاقستان تەلەارنالارى قىسقى وليمپيادا ويىندارىن تىكەلەي ەفيردە كورسەتەدى
ايتا كەتەيىك, بۇگىن موگۋلشى پاۆەل كولماكوۆ جەكەلەي سىندا جارىس جولىنان شىعىپ قالدى.