قاراعاندى وبلىسىندا اقپان ايىنىڭ 4-ءى جانە 5-ءى كۇندەرى ۇسىك شالعان سەگىز ادام مەديتسينالىق كومەككە جۇگىنىپ, ولاردىڭ التاۋى اۋرۋحاناعا جاتقىزىلدى. تاعى ەكى ادام امبۋلاتورلىق جاعدايدا ەمدەلۋدە.
سينوپتيكتەردىڭ مالىمەتىنە ساي, اقپاننىڭ 6-ى مەن 7-ءى كۇندەرى وبلىستا اۋا تەمپەراتۋراسى -37,-42 گرادۋسقا دەيىن تومەندەۋى مۇمكىن. ءتىپتى, كەي جەرلەردە اياز -45 گرادۋستىڭ شاماسىندا بولادى دەگەن دە بولجام بار.
وسى ورايدا قاراعاندى وبلىستىق دەنساۋلىق ساقتاۋ باسقارماسى جۇرتشىلىققا حابارلاما تاراتىپ, بۇل كۇندەرى جىلى كيىنىپ, قاجەت بولماعان جاعدايدا دالاعا شىقپاۋ كەرەكتىگىن ەسكە سالادى.
قايرات ءابىلدا,
«Egemen Qazaqstan»
قاراعاندى وبلىسى