كەيىنگى بىرنەشە جىلدا سولتۇستىك ماگنيت ءپوليۋسىنىڭ قوزعالىسى ۇدەي تۇسكەن. بۇل سمارتفونداردىڭ كارتالارى مەن ناۆيگاتسيا جۇيەسىنىڭ جۇمىس ىستەۋىنە كەدەرگى كەلتىرۋى مۇمكىن.
CNN ارناسىنىڭ حابارلاۋىنشا, ماگنيت ءپوليۋسىنىڭ جىلدامدىعى كەيىنگى ۋاقىتتا جىلىنا 55 شاقىرىمعا جەتكەن. وسىنىڭ سالدارىنان دۇنيەجۇزىلىك ماگنيت مودەلىن قايتا جاڭارتۋعا تۋرا كەلمەك.
مۇنداي مودەلدى ازاماتتىق ناۆيگاتسيا جۇيەلەرى, ناتو, سونىمەن قاتار, اقش پەن ۇلىبريتانيانىڭ قارۋلى كۇشتەرى قولدانادى.
«اركتيكا اۋماعىنداعى جوسپارلانباعان وزگەرىستەر سالدارىنان عالىمدار ماگنيت ءورىسىنىڭ وزگەرىسىن ناقتىلايتىن جاڭا مودەل ويلاپ تاپتى» دەلىنگەن اقش مۇحيت جانە اتموسفەرا ۇلتتىق ورتالىعىنىڭ حابارلاماسىندا.
اقش پەن ۇلىبريتانيا قارۋلى كۇشتەرى اگەنتتىگىنىڭ قولداناتىن مودەلى نەگىزىندە ءار بەس جىل سايىن جاڭارتىلاتىن. دەگەنمەن, اگەنتتىكتىڭ ايتۋىنشا, جاڭارتۋ اۆياكومپانيالاردىڭ, ىزدەۋ مەن قۇتقارۋ وپەراتسيالارىنىڭ, سولتۇستىك پوليۋستەگى باسقا دا وپەراتسيالاردىڭ ناۆيگاتسياسىنىڭ سەنىمدى بولۋىن قامتاماسىز ەتەدى.
مودەلدىڭ نەگىزگى تۇتىنۋشىلارى - اسكەرلەر. ودان بولەك, Google مەن Apple-ءدىڭ كارتالارىندا دا قولدانىلادى. دەگەنمەن, جەكە ماقساتتاعى كارتا مەن اسكەرلەر ناۆيگاتسياسىنىڭ ايىرماشىلىعى كوپ ەمەس. باستى ايىرماشىلىق ناۆيگاتسيانىڭ 55 گرادۋس ەندىككە دەيىن شەكتەۋلى بولۋىندا.
عالىمدار العاشقى وزگەرىستەردى 2018 جىلى بايقاعان. بريتانيا گەولوگيا ورتالىعىنىڭ گەوفيزيگى سياران بەگاننىڭ ايتۋىنشا, سپۋتنيكتەر ءپوليۋستىڭ جوسپارلى اۋماعىنان شىعىپ كەتكەنىن كورسەتكەن. گەوفيزيك جەر شارىنداعى وزگەرىستەر قۇبىلۋعا اكەپ سوقتى دەيدى.
«ۋايىمدايتىن ەشتەڭە جوق. بۇل تاريحتا سيرەك كەزدەسسە دە, گەولوگيالىق ماسشتابتا ۇيرەنشىكتى جاعداي» دەدى سياران بەگگان.
مىڭداعان جىل بويى پوليۋس جەر شارىنىڭ قاي تۇكپىرىندە بولماسىن, كومپاس ءتىلىن باعىتتايتىن ناۆيگاتورلاردىڭ كومەكشىلەرى ەدى. وزگەرمەيتىن گەوگرافيالىق سولتۇستىك پوليۋسكە قاراعاندا, سولتۇستىك ماگنيت ءپوليۋسى ۋاقىتقا بايلانىستى جىلجىپ تۇراتىن. ول 1831 جىلدان باستاپ اركتيكادان رەسەيگە قاراي باعىت العان.