وتكەن جىلى قازاقستاننىڭ ونەركاسىپ ءوندىرىسىنىڭ كولەمى 4,1 پايىزعا ءوستى. ونىڭ ىشىندە تاۋ-كەن سەكتورى 4,6 پايىزعا جانە وڭدەۋشى ونەركاسىپت 4 پايىزعا ءوسىم كورسەتكەن. بۇل تۋرالى بۇگىن ۇكىمەتتىڭ ءباسپاسوز ورتالىعىندا يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك باياندادى. ونىڭ ايتۋىنشا, نەگىزگى درايۆەرلەر-ماشينا جاساۋ ء(وسىم 14,1%), حيميا ونەركاسىبى (8,1%), مۇناي وڭدەۋ (8,1%), جەڭىل ونەركاسىپ (4,4%) جانە مۇناي مەن گاز ءوندىرۋ (4,8%) سالالارى.
−2018-ءشى جىلدىڭ قورىتىندىسى بويىنشا وڭدەۋشى ونەركاسىپتە جۇمىس ىستەپ تۇرعان كاسىپورىنداردىڭ سانى 14,7 مىڭعا جەتتى. جالپى العاندا ونەركاسىپ بويىنشا ەڭبەك ونىمدىلىگى 3,5%-كە, نەگىزگى كاپيتالداعى ينۆەستيتسيالار –27%-كە (2018 جىلدىڭ 12 ايىندا – 6,6 ترلن. تەڭگە) ءوستى. يندۋستريالاندىرۋ باعدارلاماسىن ىسكە اسىرۋ كەزەڭىندە جالپى قۇنى 7,9 ترلن تەڭگە بولاتىن 1 250-دەن استام جوبا ىسكە قوسىلىپ, 120 مىڭ تۇراقتى جۇمىس ورنى قۇرىلدى. سونىمەن قاتار وتكەن جىلى قۇنى 1,3 ترلن تەڭگە بولاتىن 100 جوبا ىسكە قوسىلىپ, 13 مىڭنان استام تۇراقتى جۇمىس ورنى قۇرىلدى. ال بيىل جالپى سوماسى 1,1 ترلن تەڭگە بولاتىن 120-عا جۋىق جوبانى ىسكە قوسۋ جوسپارلانىپ وتىر. بۇل جوبالار بويىنشا 20 مىڭ تۇراقتى جۇمىس ورنى قۇرىلادى, - دەدى جەڭىس قاسىمبەك.
ءمينيستردىڭ ايتۋىنشا, بىلتىر قازاقستان تەرريتورياسى ارقىلى كولىكتىڭ بارلىق تۇرىمەن تاسىمالدانعان جۇك ءترانزيتىنىڭ جالپى كولەمى 6 پايىزعا ءوسىپ, 19,2 ملن توننانى قۇرادى. ەكونوميكا دامۋىنداعى نەگىزگى سالالار الداعى جىلى دا جوسپارعا ساي قارقىنمەن داميدى دەپ كۇتىلۋدە.
ەركەجان ايتقازى,
«ەگەمەن قازاقستان»