2018 جىلدىڭ 15 جەلتوقسانىندا الەمدە العاش رەت مەحانيكالىق جۇرەك يمپلانتاتسياسى بويىنشا وتا جاسالدى.
قازاقستاندىق كارديوحيرۋرگتەر كومانداسى, كارديوحيرۋرگ يۋري پيا باسشىلىعىمەن چەحيا, يزرايل, يتاليا جانە اقش سەرىكتەستەرىمەن بىرىگىپ وتكەن جىلدىڭ جەلتوقسانىندا قوسالقى قاناينالىم قۇرىلعىسىن يمپلانتاتسيالاۋ بويىنشا وتانى ءساتتى جاسادى. وتا جۇرگىزىلگەن العاشقى ناۋقاس –1994 جىلى تۋعان الماتى قالاسىنىڭ تۇرعىنى يسمايل تۇرسىنوۆ.
«يسمايلدىڭ ءومىرى كۇرت وزگەردى. وعان قويىلعان دياگنوز- ديلاتاتسيوندىق كارديوميوپاتيا. يسمايلدىڭ وتاسى يزرايلدە جاقىندا پايدا بولعان جاڭا تەحنولوگيالارمەن جاسالدى. ونىڭ بىرەگەيلىگى – جاساندى اسقازان كومپونەنتتەرىنىڭ ولشەمىنىڭ كىشى بولعاندىقتان پاتسيەنتتىڭ دەنەسىندە ىڭعايلى ورنالاسقان. دەنەسىنىڭ سىرتقى بولىگىندە تەك بەكىتكىش باۋ, باقىلاۋ قۇرىلعىسى, اككۋمۋلياتور جانە جۇرەك جاعدايىن باقىلاۋعا مۇمكىندىك بەرەتىن ارنايى قۇرىلعىلار ورناتىلدى. قۇرىلعى ۇزدىكسىز زاريادتالادى, بۇل اۋرۋ جۇقتىرۋ قاۋپىن تولىعىمەن بولدىرمايدى. جاڭا تەحنولوگيا مەديتسينالىق قۇرالسىز 8 ساعاتقا دەيىن جۇمىس جاساۋعا مۇمكىندىك بەرەدى. يزرايلدىك جاڭا تەحنولوگيا بويىنشا مۇنداي وتا الەمدە ەش جەردە جۇرگىزىلگەن جوق», - دەيدى دارىگەر.
بۇگىندە يسمايل تۇرسىنوۆ ءوزىن جاقسى سەزىنىپ, قالىپتى ءومىر ءسۇرىپ ءجۇر. وكق-دە وتكەن ءباسپاسوز ءماسليحاتىندا يسمايل جۋرناليستەرگە ءوزىنىڭ كوڭىل-كۇيى تۋرالى قىسقاشا اڭگىمەلەپ بەرگەن بولاتىن.
«مەن وسىعان دەيىن 94 كەلى سالماقتا بولعانمىن, قازىر 67. وپەراتسياعا دەيىن ماعان تىنىس الۋ وتە قيىنعا سوقتى. قولدارىم مەن اياقتارىم قاتتى ءىستى, مەن مۇلدەم قوزعالا المادىم. بىراق, وتادان كەيىنگى مەنىڭ جاعدايىم جاقساردى»,- دەيدى ول.
جىلىنا 150-گە جۋىق پاتسيەنت وسىنداي وپەراتسيانى قاجەت ەتەدى. وپەراتسيانىڭ قۇنى وتە جوعارى. بۇل ءبىرىنشى كلينيكالىق وپەراتسيا, سوندىقتان قارجى جاعى تۋرالى ايتۋ ءالى قيىن. بۇل تاجىريبە ەمەس, كلينيكالىق ەنگىزۋ. جاسالعان وپەراتسيا جۇيەنىڭ وتە تۇراقتى ەكەنىن كورسەتتى. ءبىز وسى جوبامەن 10 جىل بويى بىرلەسىپ جۇمىس ىستەيمىز», - دەيدى دارىگەر يۋ.پيا.
سونداي-اق, دارىگەر ەڭ باستىسى ساپا عانا ەمەس, ءومىر ءسۇرۋ دەڭگەيىن جوعارىلاتۋ ەكەنىن ايتتى.
ۇلمەكەن ادايحان,
ەۋرازيا ۇلتتىق ۋنيۆەرسيتەتى