ارنايى جوبانى اۋدان اكىمدىگى «استانا Innovations» اق-مەن بىرلەسىپ جۇزەگە اسىردى, دەپ حابارلايدى ەلوردا اكىمدىگىنىڭ رەسمي سايتى.
«ەسىل اۋدانىنىڭ تۇرعىن ءۇي قورى تولىعىمەن ە-پيك جۇيەسىنە قوسىلعان. بۇگىنگى تاڭدا كەلىسىم-شارتتار بەكىتىلىپ, قىزمەت كورسەتۋشى ۇيىمداردىڭ بارلىعى بىرىڭعاي جۇيەگە قوسىلدى. جوبا تۇرعىنداردىڭ ىڭعايلىلىعى ءۇشىن جۇمىس ىستەپ, قىزمەت كورسەتۋشى ۇيىمدار جۇمىسىنىڭ اشىقتىعىن قامتاماسىز ەتەدى», – دەدى حالىققا ەسەپ بەرۋ كەزىندە اۋدان اكىمى تولەگەن زاكاريانوۆ.
ونىڭ كەلتىرگەن مالىمەتىنە قاراعاندا, اۋداندا 482 كوپ پاتەرلى تۇرعىن ءۇي بار. 2017-2018 جىلدارى اۋداندا ورنالاسقان اپاتتىق جاعدايداعى 22 ءۇيدىڭ 15 سۇرىلگەن. بۇگىنگى تاڭدا اۋداندا اپاتتىق جاعدايداعى 7 ءۇي بار.
2018 جىلى پيك كۇشىمەن ماقساتتى الىمداردىڭ ەسەبىنەن ۇيلەردىڭ پودەزدەرىندە, جابىندارىندا, جىلۋ توراپتارىندا جوندەۋ جۇمىستارى جۇرگىزىلىپ, 14 تۇرعىن ءۇي كەشەنىنىڭ قاسبەتتەرى قالپىنا كەلتىرىلدى.