جارىس قورىتىندىسى بويىنشا شىعىس قازاقستان وبلىسىنىڭ كومانداسى ەكىنشى ورىن, قاراعاندى وبلىسىنىڭ حوككەيشىلەرى ۇشىنشى ورىن الدى, دەپ حابارلايدى استانا قالاسى اكىمدىگىنىڭ رەسمي سايتى.
استانادا جاستار اراسىندا وتكەن III قىسقى جاستار ويىندارىندا شايبالى حوككەيدەن جارىس ءوز مارەسىنە جەتتى. 2004-2005 جىلدارى تۋعان جاسوسپىرىمدەر اراسىنداعى كەزدەسۋلەر 30 قاڭتار مەن 5 اقپان ارالىعىندا «بارىس» سك-دە ۇيىمداستىرىلدى. ءتورت جىلدا ءبىر رەت وتەتىن بايراقتى باسەكەدە شىعىس قازاقستان, قاراعاندى, قوستاناي, الماتى جانە اقمولا وبلىستارىنان جانە استانا, الماتى مەن اقتوبە قالالارىنان 8 كوماندا شەبەرلىك بايقاستى. ەلوردالىق قۇراما ساپىندا №10 سپورت مەكتەبىنىڭ حوككەيشىلەرى ونەر كورسەتتى.
مادەنيەت جانە سپورت باسقارماسىنان حابارلاعانداي, «استانا» كومانداسى جارىستا ۇزدىك ناتيجەگە قول جەتكىزىپ, جاستار ويىندارىنىڭ التىن جۇلدەسىنە يە بولدى. تۋرنير يەلەرى ەشكىمگە ەسە جىبەرمەي 21 ۇپاي جينادى.
«جارىس جاقسى ءوتتى. بارلىق قارسىلاستارىمىزبەن بىردەي وينادىق. ماقساتىمىز – جەڭىسكە جەتۋ بولدى! قىسقى جاستار ويىندارىندا ءبىرىنشى ورىن الۋ مەن ءۇشىن دە, بۇكىل كوماندا ءۇشىن دە, ءبىزدىڭ مەكتەبىمىز ءۇشىن دە اسا ماڭىزدى.ء تورت جىلدا ءبىر رەت وتەتىن جارىستا ونەر كورسەتۋ – ۇلكەن قۇرمەت, ونىڭ ۇستىنە, ءبىرىنشى ورىن الدىق! ءبىز كلۋبتىڭ اتىن شىعارۋعا تىرىستىق, بۇل ويىمىز جۇزەگە استى دەپ ويلايمىن», – دەدى «استانا» كومانداسىنىڭ شابۋىلداۋشىسى بوگدان پەتروچەنكو.
ايتا كەتەيىك, ءىىى قىسقى جاستار ويىندارىنىڭ قورىتىندىسى بويىنشا شىعىس قازاقستان وبلىسىنىڭ كومانداسى ەكىنشى ورىن السا, قاراعاندى وبلىسىنىڭ حوككەيشىلەرى قولا جۇلدەنى قاناعات تۇتتى.