ۇسىك شالعاندا نە ىستەۋ كەرەك

ۇسىك شالعان كەزدەگى العاشقى كومەك. ەڭ الدىمەن, ۇسىك شالۋ بەلگىلەرى بار ناۋقاستى جىلى جايعا جەتكىزىپ, اياق كيىمىن, ش ۇلىعىن جانە قولعابىن شەشۋ كەرەك. دەرەۋ جەدەل جاردەم شاقىرتۋ قاجەت.ء ى دارەجەلى ۇسىك شالعاندا ۇسىگەن تەرى قاباتىن قىزارعانشا جىلى الاقانمەن جىلىتىپ, ۋقالاۋ قاجەت, ءجۇن ماتامەن, دەمنىڭ جىلۋىمەن جىلىتىپ, سوڭىنان ماقتا-داكەمەن تاڭادى. زارداپ شەككەن جانعا ىستىق اس, ىستىق شاي بەرۋگە بولادى. جانە اسپيرين مەن انالگين بەرگەن ءجون ول قان تامىرلارىن ۇلكەيتىپ قاننىڭ ءجۇرۋىن جاقسارتادى.

ناۋقاستى جىلىتۋ ماقساتىندا ىشىمدىكتەر بەرۋگە, سونىمەن قاتار, ۇسۋگە ۇشىراعان تەرى اۋماقتارىن ينتەنسيۆتى تۇردە قارمەن, مايمەن, ءسپيرتتى ەرىتىندىلەرىمەن ۋقالاۋعا مۇلدەم بولمايدى. ۇسىگەن ادامدى الدىن الا جىلى تەمپەراتۋرادا جىلىتىپ الماي, ىستىق سۋلى ۆانناعا سالۋدى ارەكەت ەتپەڭىز. ناۋقاستى جىلىتۋ ماقساتىندا لاۋلاپ تۇرعان وتتى پايدالانۋعا تىيىم سالىنعان. ءىى-ءىV دارەجەلى ۇسىك شالعاندا تەز جىلىتۋ, ماسساج نەمەسە ۋقالاۋ جاساۋدىڭ قاجەتى جوق. زاقىمدالعان جەرگە جىلۋ شىعارمايتىن داكە تاڭۋ قاجەت (قاباتتالعان ماتا, قالىڭ ماقتا قاباتى, تاعى دا ماتا, ۇستىنەن كلەەنكا نەمەسە رەزەڭكە ماتا).سول سەبەپتى دە بىردەن جەدەل جاردەم شاقىرىڭىز.

كوبىنەسە قورعالماعان قول, بەت, قۇلاق ۇسىككە شالىنادى. «ۇسىكتەن قورعانۋ ماقساتىندا كەڭ جانە جىلى كيىنگەن ءجون. اياق كيىم كەڭ بولعانى جاقسى, ەگەر باقايلارىڭىز اياقكيىم باسىنا ءتيىپ تۇرسا, اۋا اينالمايدى دا, اياعىڭىز توڭىپ, ءۇسىپ كەتۋى مۇمكىن. جانە سۋ وتكىزبەيتىن, تابانى قالىڭ اياق كيىم كيگەن ابزال. ايازدا تەمىر, كۇمىس, التىن اشەكەيلەر تاقپاعان دۇرىس. قۇلاق پەن بەتىڭىزدى مىندەتتى تۇردە جاۋىپ ءجۇرىڭىز. مۇرىن تەز توڭىپ, ءۇسىپ كەتۋى مۇمكىن. قاتتى سۋىقتا تەك مۇرىنمەن دەمالىڭىز» دەپ كەڭەس بەرەدى استانا قالاسى قوعامدىق دەنساۋلىق ساقتاۋ باسقارماسى. 

ىشىمدىك ىشپەڭىز, ول دەنە جىلىعانداي اسەر ەتەدى, بىراق ولاي ەمەس. دۇرىس تاماقتانعان ءجون. اس جىلۋ بەرەدى. توڭساڭىز, ىستىق شاي ءىشىڭىز نەمەسە ىستىق اس ءىشىڭىز. تەمەكى تارتپاڭىز, اسىرەسە, ايازدى كۇنى. تەمەكى قان اينالىمىن ناشارلاتادى.