ۆەنەسۋەلانىڭ دەنساۋلىق ساقتاۋ جۇيەسى اۋىر داعدارىستى باستان كەشۋدە. اسىرەسە كەدەي اۋداندارداردا ءدارى تاپشىلىعىنىڭ سالدارى اۋىر. بۇل تۋرالى Euronews. حابارلادى.
سوڭعى ەكى جىلدا ءدارىحانالاردان قاجەتتى ءدارى-دارمەكتەر, تسيتوپروتەكتورلار مەن قىسىمدى قالىپقا كەلتىرۋ پرەپاراتتارىن تابۋ مۇمكىن ەمەس.
روزا ماتەرانو ەسىمدى تۇرعىن بۇيرەك اۋرۋىنان قاتتى زارداپ شەگەدى. بىراق ول وزگەلەرگە قاراعاندا جولىنىڭ بولعانىن ايتادى, سەبەبى ونىڭ اۋرۋحاناداعى تانىستارىنىڭ كوپشىلىگى دۇنيەدەن وتكەن:
«مەن نە ىستەيتىنىمىزدى بىلمەيمىن. ويتكەنى ءبىزدىڭ ءومىر سۇرگىمىز كەلەدى. بىراق قازىرگى جاعدايدا ءتىرى قالۋىمىز ەكىتالاي» - دەيدى ول.
دارىگەرلەر دە جالاقىنى كوتەرىپ, اۋرۋحانانىڭ جابدىقتارىن جاقسارتۋدى تالاپ ەتىپ وتىر. تاماقتانۋ ءۇشىن ءبىر ەمدەلۋشىگە كۇنىنە ءبىر تاندىر نان عانا بەرىلەدى. دارىگەرلەر ەلدەگى جالپى داعدارىس جاعدايىندا ناۋقاستار اراسىنداعى ءولىم-ءجىتىمنىڭ ارتقانىن ايتادى. اسىرەسە بالالار اراسىنداعى ءولىم-ءجىتىمنىڭ ءوسۋى ەرەكشە الاڭداۋشىلىق تۋدىرادى.
«قازىر قاجەتتى ازىق-ت ۇلىك, مەديتسينالىق قۇرالدار جانە ءدارى-دارمەكتىڭ 90%- ى تاپشى. كوپتەگەن لابوراتوريالىق تالداۋلار ەندى جۇرگىزىلمەيدى. قازىر ولاردى ەلىمىزدەگى كلينيكالاردىڭ 10%-ى عانا جاسايدى. ءبىز ءوزىمىزدى قول-اياعى بايلاۋلى ادامداي دارمەنسىز سەزىنەمىز», - دەدى حوسە ماريا ۆارگاس اتىنداعى اۋرۋحانا دارىگەرى كالوس پروسپەري.